ಮುಂಬಯಿ: ರಿಲಯನ್ಸ್ ಜಿಯೋಗೆ 1.5 ಲಕ್ಷ ಕೋಟಿ ರೂಪಾಯಿಗೂ ಅಧಿಕ ಹೂಡಿಕೆ ಹರಿದು ಬಂದ ನಂತರ ಇದೀಗ ರಿಲಯನ್ಸ್ ಇಂಡಸ್ಟ್ರೀಸ್ ಲಿ.ನ ಇನ್ನೊಂದು ಅಂಗಸಂಸ್ಥೆ ರಿಲಯನ್ಸ್ ರಿಟೇಲ್ಗೆ ಹೂಡಿಕೆಗಳು ಹರಿದು ಬರಲಾರಂಭಿಸಿವೆ.
ಅಮೆರಿಕಾ ಮೂಲದ ಹೂಡಿಕೆ ಕಂಪನಿ ಕೆಕೆಆರ್ ಮುಕೇಶ್ ಅಂಬಾನಿ ನೇತೃತ್ವದ ರಿಲಯನ್ಸ್ನ ಚಿಲ್ಲರೆ ಮಾರಾಟ ಕಂಪನಿ 'ರಿಲಯನ್ಸ್ ರಿಟೇಲ್ ವೆಂಚರ್ಸ್'ನಲ್ಲಿ 5,550 ಕೋಟಿ ರೂಪಾಯಿ ಹೂಡಿಕೆ ಮಾಡಲಿದ್ದು ಶೇ. 1.28ರಷ್ಟು ಷೇರುಗಳನ್ನು ಖರೀದಿಸಲಿದೆ.
ರಿಲಯನ್ಸ್ ರಿಟೇಲ್ನ ಮಾರುಕಟ್ಟೆ ಮೌಲ್ಯ 4.21 ಲಕ್ಷ ಕೋಟಿ ರೂ. ಎಂದು ಪರಿಗಣಿಸಲಾಗಿದ್ದು ಈ ಆಧಾರದಲ್ಲಿ ಈ ಹೂಡಿಕೆ ನಡೆಯಲಿದೆ. ಬುಧವಾರ ಷೇರುಪೇಟೆ ವಹಿವಾಟು ಆರಂಭಕ್ಕೂ ಮುನ್ನ ರಿಲಯನ್ಸ್ ಈ ಮಾಹಿತಿ ನೀಡಿದೆ.
ತನ್ನ ಏಷ್ಯಾ ಪ್ರೈವೇಟ್ ಈಕ್ವಿಟಿ ಫಂಡ್ನಿಂದ ಕೆಕೆಆರ್ ಈ ಹೂಡಿಕೆ ಮಾಡಲಿದೆ. ನಿಯಂತ್ರಕರಿಂದ ಅನುಮೋದನೆ ಸೇರಿದಂತೆ ಇತರ ಅನುಮತಿಗಳನ್ನು ಪಡೆದುಕೊಂಡು ಈ ಹೂಡಿಕೆ ಪ್ರಕ್ರಿಯೆ ನಡೆಯಲಿದೆ ಎಂದು ರಿಲಯನ್ಸ್ ಹೇಳಿದೆ.
ರಿಲಯನ್ಸ್ ಮಾರುಕಟ್ಟೆ ಮೌಲ್ಯ 16 ಲಕ್ಷ ಕೋಟಿ ರೂ.ಗೆ ಏರಿಕೆ, ಮಾರ್ಚ್ನಿಂದ ಈಚೆಗೆ 181% ಹೆಚ್ಚಳ!
ಈ ಹಿಂದೆ ಇದೇ ಕೆಕೆಆರ್ ರಿಲಯನ್ಸ್ ಜಿಯೋದಲ್ಲಿ 11,367 ಕೋಟಿ ರೂಪಾಯಿ ಹೂಡಿಕೆ ಮಾಡಿತ್ತು. ಇದೀಗ ಮತ್ತೆ ರಿಲಯನ್ಸ್ ರಿಟೇಲ್ನಲ್ಲಿ ಹೂಡಿಕೆಗೆ ಮುಂದೆ ಬಂದಿದೆ.
ಈ ತಿಂಗಳ ಆರಂಭದಲ್ಲಿ ಅಮೆರಿಕಾದ ಇನ್ನೊಂದು ಪ್ರೈವೇಟ್ ಈಕ್ವಿಟಿ ಕಂಪನಿ ಸಿಲ್ವರ್ ಲೇಕ್ ರಿಲಯನ್ಸ್ ರಿಟೇಲ್ನಲ್ಲಿ 1.75 ಷೇರುಗಳನ್ನು 7,500 ಕೋಟಿ ರೂಪಾಯಿಗೆ ಖರೀದಿಸುವುದಾಗಿ ಹೇಳಿತ್ತು. ಇದಾದ ಬೆನ್ನಿಗೆ ಇದೀಗ ಮತ್ತೊಂದು ಹೂಡಿಕೆ ಘೋಷಣೆಯಾಗಿದೆ.
ರಿಲಯನ್ಸ್ ಕಂಪನಿಯ ಅಡಿಯಲ್ಲಿ ಬರುವ ಎಲ್ಲಾ ಚಿಲ್ಲರೆ ಮಾರಾಟ ವಹಿವಾಟುಗಳು 'ರಿಲಯನ್ಸ್ ರಿಟೇಲ್ ವೆಂಚರ್ಸ್'ನ ಅಡಿಯಲ್ಲಿ ಬರುತ್ತವೆ. ಇತ್ತೀಚೆಗೆ ಇದೇ ಕಂಪನಿ 24,713 ಕೋಟಿ ರೂಪಾಯಿಗೆ ಫ್ಯೂಚರ್ ಗ್ರೂಪ್ನ್ನು ಖರೀದಿಸಿತ್ತು.
ಈ ವರ್ಷ ಹಲವು ಹೂಡಿಕೆಗಳನ್ನು ರಿಲಯನ್ಸ್ ಪಡೆದುಕೊಂಡಿದ್ದು, 2021ರ ಮಾರ್ಚ್ಗೂ ಮೊದಲು ಸಾಲಮುಕ್ತವಾಗುವ ತನ್ನ ಗುರಿಯನ್ನು ರಿಲಯನ್ಸ್ ಅವಧಿಗೂ ಮುನ್ನವೇ ತಲುಪಿದೆ.
ಇದೀಗ ರಿಟೇಲ್ ಉದ್ಯಮವನ್ನು ಆಕ್ರಮಣಕಾರಿ ರೀತಿಯಲ್ಲಿ ವಿಸ್ತರಿಸಲು ರಿಲಯನ್ಸ್ ಹೊರಟಿದ್ದು, ಇನ್ನೂ ಹಲವು ಹೂಡಿಕೆದಾರರು ಮುಂದಿನ ತ್ರೈಮಾಸಿಕಗಳಲ್ಲಿ ರಿಲಯನ್ಸ್ ರಿಟೇಲ್ನಲ್ಲಿ ಹೂಡಿಕೆ ಮಾಡುವ ಸಾಧ್ಯತೆ ಇದೆ.
ಮೇನಲ್ಲಿ ಕಂಪನಿ ಆನ್ಲೈನ್ ದಿನಸಿ ಖರೀದಿ ತಾಣ ಜಿಯೋಮಾರ್ಟ್ ಆರಂಭಿಸಿದ್ದು, ಅಮೆಜಾನ್ ಮತ್ತು ವಾಲ್ಮಾರ್ಟ್ನ ಫ್ಲಿಪ್ಕಾರ್ಟ್ಗೆ ಸ್ಪರ್ಧೆ ನೀಡಲು ಉದ್ದೇಶಿಸಿದೆ.
ಅಮೆರಿಕಾ ಮೂಲದ ಹೂಡಿಕೆ ಕಂಪನಿ ಕೆಕೆಆರ್ ಮುಕೇಶ್ ಅಂಬಾನಿ ನೇತೃತ್ವದ ರಿಲಯನ್ಸ್ನ ಚಿಲ್ಲರೆ ಮಾರಾಟ ಕಂಪನಿ 'ರಿಲಯನ್ಸ್ ರಿಟೇಲ್ ವೆಂಚರ್ಸ್'ನಲ್ಲಿ 5,550 ಕೋಟಿ ರೂಪಾಯಿ ಹೂಡಿಕೆ ಮಾಡಲಿದ್ದು ಶೇ. 1.28ರಷ್ಟು ಷೇರುಗಳನ್ನು ಖರೀದಿಸಲಿದೆ.
ರಿಲಯನ್ಸ್ ರಿಟೇಲ್ನ ಮಾರುಕಟ್ಟೆ ಮೌಲ್ಯ 4.21 ಲಕ್ಷ ಕೋಟಿ ರೂ. ಎಂದು ಪರಿಗಣಿಸಲಾಗಿದ್ದು ಈ ಆಧಾರದಲ್ಲಿ ಈ ಹೂಡಿಕೆ ನಡೆಯಲಿದೆ. ಬುಧವಾರ ಷೇರುಪೇಟೆ ವಹಿವಾಟು ಆರಂಭಕ್ಕೂ ಮುನ್ನ ರಿಲಯನ್ಸ್ ಈ ಮಾಹಿತಿ ನೀಡಿದೆ.
ತನ್ನ ಏಷ್ಯಾ ಪ್ರೈವೇಟ್ ಈಕ್ವಿಟಿ ಫಂಡ್ನಿಂದ ಕೆಕೆಆರ್ ಈ ಹೂಡಿಕೆ ಮಾಡಲಿದೆ. ನಿಯಂತ್ರಕರಿಂದ ಅನುಮೋದನೆ ಸೇರಿದಂತೆ ಇತರ ಅನುಮತಿಗಳನ್ನು ಪಡೆದುಕೊಂಡು ಈ ಹೂಡಿಕೆ ಪ್ರಕ್ರಿಯೆ ನಡೆಯಲಿದೆ ಎಂದು ರಿಲಯನ್ಸ್ ಹೇಳಿದೆ.
ರಿಲಯನ್ಸ್ ಮಾರುಕಟ್ಟೆ ಮೌಲ್ಯ 16 ಲಕ್ಷ ಕೋಟಿ ರೂ.ಗೆ ಏರಿಕೆ, ಮಾರ್ಚ್ನಿಂದ ಈಚೆಗೆ 181% ಹೆಚ್ಚಳ!
ಈ ಹಿಂದೆ ಇದೇ ಕೆಕೆಆರ್ ರಿಲಯನ್ಸ್ ಜಿಯೋದಲ್ಲಿ 11,367 ಕೋಟಿ ರೂಪಾಯಿ ಹೂಡಿಕೆ ಮಾಡಿತ್ತು. ಇದೀಗ ಮತ್ತೆ ರಿಲಯನ್ಸ್ ರಿಟೇಲ್ನಲ್ಲಿ ಹೂಡಿಕೆಗೆ ಮುಂದೆ ಬಂದಿದೆ.
ಈ ತಿಂಗಳ ಆರಂಭದಲ್ಲಿ ಅಮೆರಿಕಾದ ಇನ್ನೊಂದು ಪ್ರೈವೇಟ್ ಈಕ್ವಿಟಿ ಕಂಪನಿ ಸಿಲ್ವರ್ ಲೇಕ್ ರಿಲಯನ್ಸ್ ರಿಟೇಲ್ನಲ್ಲಿ 1.75 ಷೇರುಗಳನ್ನು 7,500 ಕೋಟಿ ರೂಪಾಯಿಗೆ ಖರೀದಿಸುವುದಾಗಿ ಹೇಳಿತ್ತು. ಇದಾದ ಬೆನ್ನಿಗೆ ಇದೀಗ ಮತ್ತೊಂದು ಹೂಡಿಕೆ ಘೋಷಣೆಯಾಗಿದೆ.
ರಿಲಯನ್ಸ್ ಕಂಪನಿಯ ಅಡಿಯಲ್ಲಿ ಬರುವ ಎಲ್ಲಾ ಚಿಲ್ಲರೆ ಮಾರಾಟ ವಹಿವಾಟುಗಳು 'ರಿಲಯನ್ಸ್ ರಿಟೇಲ್ ವೆಂಚರ್ಸ್'ನ ಅಡಿಯಲ್ಲಿ ಬರುತ್ತವೆ. ಇತ್ತೀಚೆಗೆ ಇದೇ ಕಂಪನಿ 24,713 ಕೋಟಿ ರೂಪಾಯಿಗೆ ಫ್ಯೂಚರ್ ಗ್ರೂಪ್ನ್ನು ಖರೀದಿಸಿತ್ತು.
ಈ ವರ್ಷ ಹಲವು ಹೂಡಿಕೆಗಳನ್ನು ರಿಲಯನ್ಸ್ ಪಡೆದುಕೊಂಡಿದ್ದು, 2021ರ ಮಾರ್ಚ್ಗೂ ಮೊದಲು ಸಾಲಮುಕ್ತವಾಗುವ ತನ್ನ ಗುರಿಯನ್ನು ರಿಲಯನ್ಸ್ ಅವಧಿಗೂ ಮುನ್ನವೇ ತಲುಪಿದೆ.
ಇದೀಗ ರಿಟೇಲ್ ಉದ್ಯಮವನ್ನು ಆಕ್ರಮಣಕಾರಿ ರೀತಿಯಲ್ಲಿ ವಿಸ್ತರಿಸಲು ರಿಲಯನ್ಸ್ ಹೊರಟಿದ್ದು, ಇನ್ನೂ ಹಲವು ಹೂಡಿಕೆದಾರರು ಮುಂದಿನ ತ್ರೈಮಾಸಿಕಗಳಲ್ಲಿ ರಿಲಯನ್ಸ್ ರಿಟೇಲ್ನಲ್ಲಿ ಹೂಡಿಕೆ ಮಾಡುವ ಸಾಧ್ಯತೆ ಇದೆ.
ಮೇನಲ್ಲಿ ಕಂಪನಿ ಆನ್ಲೈನ್ ದಿನಸಿ ಖರೀದಿ ತಾಣ ಜಿಯೋಮಾರ್ಟ್ ಆರಂಭಿಸಿದ್ದು, ಅಮೆಜಾನ್ ಮತ್ತು ವಾಲ್ಮಾರ್ಟ್ನ ಫ್ಲಿಪ್ಕಾರ್ಟ್ಗೆ ಸ್ಪರ್ಧೆ ನೀಡಲು ಉದ್ದೇಶಿಸಿದೆ.