ಪ್ರೈವಸಿ ಪಾಲಿಸಿ ಇಷ್ಟವಿಲ್ಲದಿದ್ದರೆ ವಾಟ್ಸಾಪ್‌ ಬಳಸಬೇಡಿ - ದಿಲ್ಲಿ ಹೈಕೋರ್ಟ್‌ ಸಲಹೆ

ಹೊಸದಿಲ್ಲಿ: ವಾಟ್ಸಾಪ್‌ನ‌ ಪ್ರೈವಸಿಗೆ ಸಂಬಂಧಿಸಿದ ನೂತನ ನೀತಿಯನ್ನು ಒಪ್ಪದವರು, ಅದರಿಂದ ದೂರವಾದರೆ ಆಯಿತು. ಈ ಸಂಸ್ಥೆಯ ನೀತಿಯನ್ನು ಒಪ್ಪುವುದು ಅಥವಾ ಬಿಡುವುದು ವೈಯಕ್ತಿಕ ಸಂಗತಿಯಾಗಿದೆ ಎಂದು ದಿಲ್ಲಿ ಹೈಕೋರ್ಟ್‌ ಹೇಳಿದೆ.

ವಾಟ್ಸಾಪ್ ‌ನೀತಿಯನ್ನು ಪ್ರಶ್ನಿಸಿದ ಅರ್ಜಿಯೊಂದನ್ನು ವಿಚಾರಣೆಗೆತ್ತಿಕೊಂಡ ಕೋರ್ಟ್‌, "ಇದೊಂದು ಖಾಸಗಿ ಮೊಬೈಲ್‌ ಆ್ಯಪ್‌ ಆಗಿದೆ. ಇದರ ನೀತಿಯನ್ನು ಒಪ್ಪಿಕೊಳ್ಳುವುದಿಲ್ಲ ಎನ್ನುವುದಾದರೆ ವಾಟ್ಸಾಪ್ ‌ಬಳಸಬೇಡಿ. ಬೇರೆ ಇನ್ನಾವುದಾದರೂ ಆ್ಯಪ್‌ ಬಳಸಿ," ಎಂದು ಅರ್ಜಿದಾರರಿಗೆ ಸಲಹೆ ನೀಡಿತು.

"ಈಗಿನ ಬಹುತೇಕ ಮೊಬೈಲ್‌ ಆ್ಯಪ್‌ಗಳ ನಿಯಮಗಳು ಮತ್ತು ಷರತ್ತುಗಳನ್ನು ಓದಿ. ಯಾವುದನ್ನೆಲ್ಲ ಬಳಸಲು ನಾವು ಒಪ್ಪಿಗೆ ನೀಡಿದ್ದೇವೆ ಎಂದು ತಿಳಿದರೆ ಆಶ್ಚರ್ಯವಾಗುತ್ತದೆ. ಗೂಗಲ್‌ ನಕ್ಷೆಯ ಆ್ಯಪ್‌ ಬಳಕೆದಾರನ ಎಲ್ಲ ಡೇಟಾವನ್ನೂ ಸಂಗ್ರಹಿಸುತ್ತದೆ," ಎಂದು ಕೋರ್ಟ್‌ ಹೇಳಿತು. ಫೇಸ್‌ಬುಕ್‌ ಮತ್ತು ವಾಟ್ಸಾಪ್‌ ಪರವಾಗಿ ವಕೀಲರಾದ ಕಪಿಲ್‌ ಸಿಬಲ್‌ ಮತ್ತು ಮುಕುಲ್‌ ರೋಹಟಗಿ ವಾದಿಸಿದರು. ವಿಚಾರಣೆಯನ್ನು ಜ.25ಕ್ಕೆ ಮುಂದೂಡಿತು.

ವಾಟ್ಸಾಪ್‌ ಪೇಗೆ ಯುಪಿಐ ಲೈಸೆನ್ಸ್‌, ಎನ್‌ಪಿಸಿಐಗೆ ಸುಪ್ರೀಂ ಕೋರ್ಟ್‌ನಿಂದ ನೋಟಿಸ್‌
ಫೆಬ್ರುವರಿಯಿಂದ ಅನುಷ್ಠಾನಕ್ಕೆ ಬರಬೇಕಿದ್ದ ತನ್ನ ಹೊಸ ನೀತಿಯನ್ನು ವಿರೋಧಗಳ ಕಾರಣದಿಂದಾಗಿ ವಾಟ್ಸಾಪ್‌‌ ಮೇ ತಿಂಗಳಿಗೆ ಮುಂದೂಡಿದೆ. ವಾಟ್ಸಾಪ್‌‌ನ ಹೊಸ ನೀತಿಯು ಬಳಕೆದಾರರಿಗೆ ಮಾತ್ರವಲ್ಲ, ಕಂಪನಿಗಳಿಗೂ ತೊಡಕಾಗಿದೆ.