ಹೊಸದಿಲ್ಲಿ: ಗೋಧಿ ದರ ಏರಿಕೆಯನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಕೇಂದ್ರ ಸರಕಾರವು ಗೋಧಿ ಮೇಲಿನ ಆಮದು ಸುಂಕವನ್ನು ರದ್ದುಗೊಳಿಸುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ರಾಯ್ಟರ್ಸ್ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ. ಜತೆಗೆ ವ್ಯಾಪಾರಿಗಳ ದಾಸ್ತಾನಿನ ಮೇಲೂ ನಿರ್ಬಂಧ ಹೇರುವ ಲಕ್ಷಣಗಳಿವೆ. ಗೋಧಿ ಉತ್ಪಾದನೆಯಲ್ಲಿ ವಿಶ್ವದ ಎರಡನೇ ಅತಿದೊಡ್ಡ ದೇಶವಾಗಿರುವ ಭಾರತದಲ್ಲಿ ಗೋಧಿ ದರ ಇತ್ತೀಚೆಗೆ ದಾಖಲೆ ಮಟ್ಟಕ್ಕೆ ಏರಿಕೆಯಾಗುತ್ತಿದೆ. ಹೀಗಾಗಿ, ವಿದೇಶದಿಂದ ಗೋಧಿ ಆಮದಿಗೆ ಉತ್ತೇಜನ ನೀಡಲು ಸರಕಾರ ಚಿಂತನೆ ನಡೆಸಿದೆ.
ದೇಶದಲ್ಲಿ ನಿಧಾನಗತಿಯ ಪೂರೈಕೆ ಮತ್ತು ಅಧಿಕ ಬೇಡಿಕೆಯಿಂದಾಗಿ ವಿವಿಧ ರಾಜ್ಯಗಳಲ್ಲಿ ಗೋಧಿ ಬೆಲೆ ಕ್ವಿಂಟಲ್ಗೆ ದಾಖಲೆಯ 2,500 ರೂಪಾಯಿಗೆ ಏರಿಕೆ ಕಂಡಿದೆ. ಹರಿಯಾಣದಲ್ಲಿ ಕ್ವಿಂಟಲ್ಗೆ 2,400 ರೂ., ರಾಜಸ್ಥಾನದಲ್ಲಿ 2,370 ರೂ. ಬೆಲೆ ಇದೆ.
ಅಧಿಕ ಉಷ್ಣ ವಾತಾವರಣದ ಪರಿಣಾಮ ಈ ವರ್ಷ ಗೋಧಿ ಉತ್ಪಾದನೆ ಕಡಿಮೆಯಾಗಿದೆ. 2022ರ ಮೇ 14ರಂದು ಗೋಧಿ ರಫ್ತಿನ ಮೇಲೆ ಸರಕಾರವು ನಿಷೇಧ ಹೇರಿತ್ತು. ಸರಕಾರವು ಗೋಧಿ ರಫ್ತಿನ ಮೇಲೆ ನಿಷೇಧ ಹೇರುವ ಹೊತ್ತಿಗೆ ಸಾಕಷ್ಟು ಗೋಧಿ ರಫ್ತು ಮಾಡಲಾಗಿತ್ತು ಎಂದು ತಜ್ಞರು ವ್ಯಾಖ್ಯಾನಿಸಿದ್ದಾರೆ.
ಸುಂಕ ಕಡಿತಗೊಂಡರೂ ಆಮದು ಕಷ್ಟ
ಸದ್ಯಕ್ಕೆ ದೇಶದಲ್ಲಿ ಗೋಧಿ ದರ ದಾಖಲೆ ಮಟ್ಟಕ್ಕೆ ಏರಿಕೆಯಾಗಿದ್ದರೂ, ಇನ್ನೂ ಅಂತಾರಾಷ್ಟ್ರೀಯ ಬೆಲೆಗಳು ದೇಶೀಯ ಮಾರುಕಟ್ಟೆ ಬೆಲೆಗಳಿಗಿಂತ ಹೆಚ್ಚಿವೆ. ಹೀಗಾಗಿ ಸರಕಾರ ಆಮದು ಸುಂಕವನ್ನು ಕಡಿತಗೊಳಿಸಿದರೂ ವ್ಯಾಪಾಗಳು ವಿದೇಶದಿಂದ ಆಮದು ಮಾಡಿಕೊಳ್ಳುವುದು ಕಷ್ಟ ಸಾಧ್ಯವಾಗಿದೆ.
ಕಳೆದ ವಾರ ಉದ್ಯಮದ ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಿದ ಹಿರಿಯ ಸರ್ಕಾರಿ ಅಧಿಕಾರಿಯೊಬ್ಬರು, "ನಾವು ಬೆಲೆಗಳನ್ನು ಇಳಿಸಲು ಸಾಧ್ಯವಿರುವ ಎಲ್ಲ ಆಯ್ಕೆಗಳನ್ನು ಅನ್ವೇಷಿಸುತ್ತಿದ್ದೇವೆ" ಎಂದು ಹೇಳಿದ್ದಾರೆ.
ಸರಕಾರವು ಶೇ. 40ರಷ್ಟಿರುವ ಆಮದು ಸುಂಕವನ್ನು ರದ್ದುಗೊಳಿಸಬಹುದು ಮತ್ತು ಸಗಟು ವ್ಯಾಪಾರಿಗಳು ಮತ್ತು ವ್ಯಾಪಾರಿಗಳ ಮೇಲೆ ದಾಸ್ತಾನು ಮಿತಿಗಳನ್ನು ಹೇರಬಹುದು. ಈ ಮೂಲಕ ಸರ್ಕಾರವು ಬೆಲೆಗಳನ್ನು ನಿಯಂತ್ರಣದಲ್ಲಿಡಲು ತನ್ನ ಅಧಿಕಾರವನ್ನು ಬಳಸಿಕೊಳ್ಳಲಿದೆ ಎಂದು ಅಧಿಕಾರಿಯೊಬ್ಬರು ವಿವರಿಸಿದ್ದಾರೆ.
ಕಳೆದ ವಾರ ದೇಶೀಯ ಗೋಧಿ ಬೆಲೆಗಳು ಪ್ರತಿ ಟನ್ಗೆ ದಾಖಲೆಯ 24,000 ರೂಪಾಯಿಗಳಿಗೆ ಏರಿಕೆಯಾಗಿವೆ. ಸರ್ಕಾರವು ಮೇ 14 ರಂದು ಅಚ್ಚರಿ ರೀತಿಯಲ್ಲಿ ಗೋಧಿ ರಫ್ತಿಗೆ ನಿಷೇಧ ಹೇರಿದ ಬಳಿಕವೂ ಶೇ. 14ರಷ್ಟು ಗೋಧಿ ಬೆಲೆ ಏರಿಕೆಯಾಗಿರುವುದನ್ನು ಇದು ತಿಳಿಸುತ್ತದೆ.
ಈ ಏರಿಕೆಯ ಹೊರತಾಗಿಯೂ ದೇಶೀಯ ಬೆಲೆಗಳು ಜಾಗತಿಕ ಬೆಲೆಗಳಿಗಿಂತ ಸುಮಾರು ಮೂರನೇ ಒಂದು ಭಾಗದಷ್ಟು ಕಡಿಮೆ ಇವೆ ಎಂದು ಮುಂಬೈ ಮೂಲದ ವ್ಯಾಪಾರಿಯೊಬ್ಬರು ಹೇಳಿದ್ದಾರೆ. ಜಗತ್ತಿನಲ್ಲೇ ಭಾರತೀಯ ಗೋಧಿ ಅಗ್ಗ ಎಂದು ಅವರು ವಿವರಿಸಿದ್ದಾರೆ.
2017/18ರಲ್ಲಿ ಕೊನೆಯ ಬಾರಿ ಆಮದು
ಭಾರತ ಇತ್ತೀಚಿನ ವರ್ಷಗಳಲ್ಲಿ ಗೋಧಿಯನ್ನು ಆಮದು ಮಾಡಿಕೊಂಡ ಇತಿಹಾಸವಿಲ್ಲ. ಭಾರತವು 2017/18 (ಏಪ್ರಿಲ್-ಮಾರ್ಚ್)ರಲ್ಲಿ ಕೊನೆಯದಾಗಿ ಗೋಧಿಯನ್ನು ಆಮದು ಮಾಡಿಕೊಂಡಿತ್ತು.
"ಜಾಗತಿಕ ಬೆಲೆಗಳು ಇನ್ನೂ ಶೇ. 20ರಷ್ಟು ಕುಸಿತ ಕಂಡರೆ ಮತ್ತು ಭಾರತೀಯ ಮಾರುಕಟ್ಟೆಯಲ್ಲಿ ಇನ್ನೂ ಬೆಲೆ ಏರಿಕೆ ಮುಂದುವರೆದರೆ, ಕೆಲವು ತಿಂಗಳುಗಳ ನಂತರ ಆಮದು ಸಾಧ್ಯವಾಗಬಹುದು,” ಎಂದು ಈ ಮುಂಬೈನ ವ್ಯಾಪಾರಿ ಹೇಳಿದ್ದಾರೆ.
ಸರಕಾರಿ ಸಂಗ್ರಹ ಕುಸಿತ, ಮಾರುಕಟ್ಟೆ ಪ್ರವೇಶ ಕಷ್ಟ
ಈ ವರ್ಷ ಮಾರುಕಟ್ಟೆಯಲ್ಲಿ ಮಧ್ಯಪ್ರವೇಶಿಸಲು ಸರ್ಕಾರ ಸೀಮಿತ ಆಯ್ಕೆಗಳನ್ನು ಹೊಂದಿದೆ. ಕಾರಣ ಈ ವರ್ಷ ಸರಕಾರದ ಗೋಧಿ ಸಂಗ್ರಹ ಶೇ. 57ರಷ್ಟು ಕುಸಿದಿದ್ದು, 1.88 ಕೋಟಿ ಟನ್ಗಳಿಗೆ ಇಳಿಕೆಯಾಗಿದೆ ಎಂದು ಜಾಗತಿಕ ವ್ಯಾಪಾರ ಸಂಸ್ಥೆಯೊಂದರ ದಿಲ್ಲಿ ಮೂಲದ ಡೀಲರ್ ಹೇಳಿದ್ದಾರೆ.
"9 ತಿಂಗಳ ನಂತರವೇ ಹೊಸ ಬೆಳೆ ಲಭ್ಯವಾಗುತ್ತದೆ. ಹೀಗಾಗಿ ಕೊರತೆಯನ್ನು ತಪ್ಪಿಸಲು ಸರ್ಕಾರವು ಅಲ್ಲಿಯವರೆಗೆ ದಾಸ್ತಾನುಗಳನ್ನು ಬಹಳ ಎಚ್ಚರಿಕೆಯಿಂದ ಬಳಸಬೇಕಾಗುತ್ತದೆ" ಎಂದು ಡೀಲರ್ ಮಾಹಿತಿ ನೀಡಿದ್ದಾರೆ.
ಹಬ್ಬಗಳ ಸೀಸನ್, ಗೋಧಿಗೆ ಬೇಡಿಕೆ
ಆಗಸ್ಟ್ನಿಂದ ನವೆಂಬರ್ ತನಕ ಹಬ್ಬದ ಸೀಸನ್ ಮುಂದುವರಿಯಲಿದ್ದು, ಹಬ್ಬದ ಬೇಡಿಕೆಗಳನ್ನು ಪೂರೈಸಲು ಗೋಧಿಯ ಆಮದು ಅಗತ್ಯವಿದೆ. ಇಲ್ಲದೇ, ಹೋದರೆ ಗೋಧಿ ದರ ಇನ್ನಷ್ಟು ತುಟ್ಟಿಯಾಗಲಿದೆ ಎಂದು ಅಂದಾಜಿಸಲಾಗಿದೆ.
ತೀಕ್ಷ್ಣ ಒಳನೋಟ ಹಾಗೂ 20ಕ್ಕೂ ಹೆಚ್ಚು ವಲಯಗಳ ವಿಸ್ತೃತ ಮಾಹಿತಿ ಒಳಗೊಂಡ 'ಎಕನಾಮಿಕ್ ಟೈಮ್ಸ್' ವಿಶೇಷ ಲೇಖನಗಳಿಗಾಗಿ ಈಗಲೇ ಸಬ್ಸ್ಕ್ರೈಬ್ ಆಗಿ.
ದೇಶದಲ್ಲಿ ನಿಧಾನಗತಿಯ ಪೂರೈಕೆ ಮತ್ತು ಅಧಿಕ ಬೇಡಿಕೆಯಿಂದಾಗಿ ವಿವಿಧ ರಾಜ್ಯಗಳಲ್ಲಿ ಗೋಧಿ ಬೆಲೆ ಕ್ವಿಂಟಲ್ಗೆ ದಾಖಲೆಯ 2,500 ರೂಪಾಯಿಗೆ ಏರಿಕೆ ಕಂಡಿದೆ. ಹರಿಯಾಣದಲ್ಲಿ ಕ್ವಿಂಟಲ್ಗೆ 2,400 ರೂ., ರಾಜಸ್ಥಾನದಲ್ಲಿ 2,370 ರೂ. ಬೆಲೆ ಇದೆ.
ಅಧಿಕ ಉಷ್ಣ ವಾತಾವರಣದ ಪರಿಣಾಮ ಈ ವರ್ಷ ಗೋಧಿ ಉತ್ಪಾದನೆ ಕಡಿಮೆಯಾಗಿದೆ. 2022ರ ಮೇ 14ರಂದು ಗೋಧಿ ರಫ್ತಿನ ಮೇಲೆ ಸರಕಾರವು ನಿಷೇಧ ಹೇರಿತ್ತು. ಸರಕಾರವು ಗೋಧಿ ರಫ್ತಿನ ಮೇಲೆ ನಿಷೇಧ ಹೇರುವ ಹೊತ್ತಿಗೆ ಸಾಕಷ್ಟು ಗೋಧಿ ರಫ್ತು ಮಾಡಲಾಗಿತ್ತು ಎಂದು ತಜ್ಞರು ವ್ಯಾಖ್ಯಾನಿಸಿದ್ದಾರೆ.
ಸುಂಕ ಕಡಿತಗೊಂಡರೂ ಆಮದು ಕಷ್ಟ
ಸದ್ಯಕ್ಕೆ ದೇಶದಲ್ಲಿ ಗೋಧಿ ದರ ದಾಖಲೆ ಮಟ್ಟಕ್ಕೆ ಏರಿಕೆಯಾಗಿದ್ದರೂ, ಇನ್ನೂ ಅಂತಾರಾಷ್ಟ್ರೀಯ ಬೆಲೆಗಳು ದೇಶೀಯ ಮಾರುಕಟ್ಟೆ ಬೆಲೆಗಳಿಗಿಂತ ಹೆಚ್ಚಿವೆ. ಹೀಗಾಗಿ ಸರಕಾರ ಆಮದು ಸುಂಕವನ್ನು ಕಡಿತಗೊಳಿಸಿದರೂ ವ್ಯಾಪಾಗಳು ವಿದೇಶದಿಂದ ಆಮದು ಮಾಡಿಕೊಳ್ಳುವುದು ಕಷ್ಟ ಸಾಧ್ಯವಾಗಿದೆ.
ಕಳೆದ ವಾರ ಉದ್ಯಮದ ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಿದ ಹಿರಿಯ ಸರ್ಕಾರಿ ಅಧಿಕಾರಿಯೊಬ್ಬರು, "ನಾವು ಬೆಲೆಗಳನ್ನು ಇಳಿಸಲು ಸಾಧ್ಯವಿರುವ ಎಲ್ಲ ಆಯ್ಕೆಗಳನ್ನು ಅನ್ವೇಷಿಸುತ್ತಿದ್ದೇವೆ" ಎಂದು ಹೇಳಿದ್ದಾರೆ.
ಸರಕಾರವು ಶೇ. 40ರಷ್ಟಿರುವ ಆಮದು ಸುಂಕವನ್ನು ರದ್ದುಗೊಳಿಸಬಹುದು ಮತ್ತು ಸಗಟು ವ್ಯಾಪಾರಿಗಳು ಮತ್ತು ವ್ಯಾಪಾರಿಗಳ ಮೇಲೆ ದಾಸ್ತಾನು ಮಿತಿಗಳನ್ನು ಹೇರಬಹುದು. ಈ ಮೂಲಕ ಸರ್ಕಾರವು ಬೆಲೆಗಳನ್ನು ನಿಯಂತ್ರಣದಲ್ಲಿಡಲು ತನ್ನ ಅಧಿಕಾರವನ್ನು ಬಳಸಿಕೊಳ್ಳಲಿದೆ ಎಂದು ಅಧಿಕಾರಿಯೊಬ್ಬರು ವಿವರಿಸಿದ್ದಾರೆ.
ಕಳೆದ ವಾರ ದೇಶೀಯ ಗೋಧಿ ಬೆಲೆಗಳು ಪ್ರತಿ ಟನ್ಗೆ ದಾಖಲೆಯ 24,000 ರೂಪಾಯಿಗಳಿಗೆ ಏರಿಕೆಯಾಗಿವೆ. ಸರ್ಕಾರವು ಮೇ 14 ರಂದು ಅಚ್ಚರಿ ರೀತಿಯಲ್ಲಿ ಗೋಧಿ ರಫ್ತಿಗೆ ನಿಷೇಧ ಹೇರಿದ ಬಳಿಕವೂ ಶೇ. 14ರಷ್ಟು ಗೋಧಿ ಬೆಲೆ ಏರಿಕೆಯಾಗಿರುವುದನ್ನು ಇದು ತಿಳಿಸುತ್ತದೆ.
ಈ ಏರಿಕೆಯ ಹೊರತಾಗಿಯೂ ದೇಶೀಯ ಬೆಲೆಗಳು ಜಾಗತಿಕ ಬೆಲೆಗಳಿಗಿಂತ ಸುಮಾರು ಮೂರನೇ ಒಂದು ಭಾಗದಷ್ಟು ಕಡಿಮೆ ಇವೆ ಎಂದು ಮುಂಬೈ ಮೂಲದ ವ್ಯಾಪಾರಿಯೊಬ್ಬರು ಹೇಳಿದ್ದಾರೆ. ಜಗತ್ತಿನಲ್ಲೇ ಭಾರತೀಯ ಗೋಧಿ ಅಗ್ಗ ಎಂದು ಅವರು ವಿವರಿಸಿದ್ದಾರೆ.
2017/18ರಲ್ಲಿ ಕೊನೆಯ ಬಾರಿ ಆಮದು
ಭಾರತ ಇತ್ತೀಚಿನ ವರ್ಷಗಳಲ್ಲಿ ಗೋಧಿಯನ್ನು ಆಮದು ಮಾಡಿಕೊಂಡ ಇತಿಹಾಸವಿಲ್ಲ. ಭಾರತವು 2017/18 (ಏಪ್ರಿಲ್-ಮಾರ್ಚ್)ರಲ್ಲಿ ಕೊನೆಯದಾಗಿ ಗೋಧಿಯನ್ನು ಆಮದು ಮಾಡಿಕೊಂಡಿತ್ತು.
"ಜಾಗತಿಕ ಬೆಲೆಗಳು ಇನ್ನೂ ಶೇ. 20ರಷ್ಟು ಕುಸಿತ ಕಂಡರೆ ಮತ್ತು ಭಾರತೀಯ ಮಾರುಕಟ್ಟೆಯಲ್ಲಿ ಇನ್ನೂ ಬೆಲೆ ಏರಿಕೆ ಮುಂದುವರೆದರೆ, ಕೆಲವು ತಿಂಗಳುಗಳ ನಂತರ ಆಮದು ಸಾಧ್ಯವಾಗಬಹುದು,” ಎಂದು ಈ ಮುಂಬೈನ ವ್ಯಾಪಾರಿ ಹೇಳಿದ್ದಾರೆ.
ಸರಕಾರಿ ಸಂಗ್ರಹ ಕುಸಿತ, ಮಾರುಕಟ್ಟೆ ಪ್ರವೇಶ ಕಷ್ಟ
ಈ ವರ್ಷ ಮಾರುಕಟ್ಟೆಯಲ್ಲಿ ಮಧ್ಯಪ್ರವೇಶಿಸಲು ಸರ್ಕಾರ ಸೀಮಿತ ಆಯ್ಕೆಗಳನ್ನು ಹೊಂದಿದೆ. ಕಾರಣ ಈ ವರ್ಷ ಸರಕಾರದ ಗೋಧಿ ಸಂಗ್ರಹ ಶೇ. 57ರಷ್ಟು ಕುಸಿದಿದ್ದು, 1.88 ಕೋಟಿ ಟನ್ಗಳಿಗೆ ಇಳಿಕೆಯಾಗಿದೆ ಎಂದು ಜಾಗತಿಕ ವ್ಯಾಪಾರ ಸಂಸ್ಥೆಯೊಂದರ ದಿಲ್ಲಿ ಮೂಲದ ಡೀಲರ್ ಹೇಳಿದ್ದಾರೆ.
"9 ತಿಂಗಳ ನಂತರವೇ ಹೊಸ ಬೆಳೆ ಲಭ್ಯವಾಗುತ್ತದೆ. ಹೀಗಾಗಿ ಕೊರತೆಯನ್ನು ತಪ್ಪಿಸಲು ಸರ್ಕಾರವು ಅಲ್ಲಿಯವರೆಗೆ ದಾಸ್ತಾನುಗಳನ್ನು ಬಹಳ ಎಚ್ಚರಿಕೆಯಿಂದ ಬಳಸಬೇಕಾಗುತ್ತದೆ" ಎಂದು ಡೀಲರ್ ಮಾಹಿತಿ ನೀಡಿದ್ದಾರೆ.
ಹಬ್ಬಗಳ ಸೀಸನ್, ಗೋಧಿಗೆ ಬೇಡಿಕೆ
ಆಗಸ್ಟ್ನಿಂದ ನವೆಂಬರ್ ತನಕ ಹಬ್ಬದ ಸೀಸನ್ ಮುಂದುವರಿಯಲಿದ್ದು, ಹಬ್ಬದ ಬೇಡಿಕೆಗಳನ್ನು ಪೂರೈಸಲು ಗೋಧಿಯ ಆಮದು ಅಗತ್ಯವಿದೆ. ಇಲ್ಲದೇ, ಹೋದರೆ ಗೋಧಿ ದರ ಇನ್ನಷ್ಟು ತುಟ್ಟಿಯಾಗಲಿದೆ ಎಂದು ಅಂದಾಜಿಸಲಾಗಿದೆ.
ತೀಕ್ಷ್ಣ ಒಳನೋಟ ಹಾಗೂ 20ಕ್ಕೂ ಹೆಚ್ಚು ವಲಯಗಳ ವಿಸ್ತೃತ ಮಾಹಿತಿ ಒಳಗೊಂಡ 'ಎಕನಾಮಿಕ್ ಟೈಮ್ಸ್' ವಿಶೇಷ ಲೇಖನಗಳಿಗಾಗಿ ಈಗಲೇ ಸಬ್ಸ್ಕ್ರೈಬ್ ಆಗಿ.