ಬ್ಯಾಂಕ್‌ ಉದ್ಯೋಗಿಗಳಿಗೆ ವಿಆರ್‌ಎಸ್‌ ಆಯ್ಕೆ ?

ಕೋಲ್ಕೊತಾ: ಬ್ಯಾಂಕ್‌ ಆಫ್‌ ಬರೋಡಾ, ದೇನಾ, ವಿಜಯ ಬ್ಯಾಂಕ್‌ ವಿಲೀನದ ನಂತರ ಈ ಸಾರ್ವಜನಿಕ ಬ್ಯಾಂಕ್‌ಗಳಲ್ಲಿ ವಿಆರ್‌ಎಸ್‌ ತೆಗೆದುಕೊಳ್ಳುವವರ ಸಂಖ್ಯೆ ಹೆಚ್ಚಳವಾಗಬಹುದು.

ವಿಲೀನದ ಬಳಿಕ ಉದ್ಯೋಗ ಕಡಿತ ಇಲ್ಲ ಎಂದು ಕೇಂದ್ರ ಸರಕಾರ ಭರವಸೆ ನೀಡಿದ್ದರೂ, ಉದ್ಯೋಗಿಗಳ ವರ್ಗಾವಣೆ ಸಾಮಾನ್ಯವಾಗಬಹುದು. ಹೀಗಾಗಿ ವಿಆರ್‌ಎಸ್‌ ಆಯ್ಕೆ ಮಾಡುವವರ ಸಂಖ್ಯೆಯೂ ಏರಿಕೆಯಾಗಬಹುದು ಎನ್ನುತ್ತಾರೆ ತಜ್ಞರು.

ಉದ್ದೇಶಿತ ಮೂರು ಬ್ಯಾಂಕ್‌ಗಳಲ್ಲಿ 85,600 ಉದ್ಯೋಗಿಗಳಿದ್ದಾರೆ. ಈ ಹಿಂದೆ ಎಸ್‌ಬಿಐನಲ್ಲಿ ಸಹವರ್ತಿ ಬ್ಯಾಂಕ್‌ಗಳ ವಿಲೀನವಾದಾಗ 4,000 ಉದ್ಯೋಗಿಗಳು ವಿಆರ್‌ಎಸ್‌ ಬಯಸಿದ್ದರು.