ಜೂ.11ರಂದು ಪೆಟ್ರೋಲ್‌, ಡಿಸೇಲ್‌ ದರದಲ್ಲಿ ಕೊಂಚ ಏರಿಕೆ, ಬೆಂಗಳೂರಲ್ಲಿ ಎಷ್ಟಿದೆ?

ಹೊಸದಿಲ್ಲಿ: ಜಾಗತಿಕ ಮಾರುಕಟ್ಟೆಯಲ್ಗಿ ಕಚ್ಚಾ ತೈಲ ದರ ಏರಿಕೆ ನಮ್ಮ ದೇಶಕ್ಕೂ ತಟ್ಟಿದೆ. ಪೆಟ್ರೋಲ್‌, ಡೀಸೆಲ್‌ ದರಗಳು ಸತತ ನಾಲ್ಕನೇ ದಿನವಾದ ಗುರುವಾರವೂ ರಾಜ್ಯ ರಾಜಧಾನಿಯಲ್ಲಿ ಏರಿಕೆ ಕಂಡಿದೆ. ಬೆಂಗಳೂರಿನಲ್ಲಿ ಪೆಟ್ರೋಲ್‌ ಲೀಟರ್‌ಗೆ 44 ಪೈಸೆ ಹೆಚ್ಚಳವಾದರೆ, ಡೀಸೆಲ್‌ ದರವು 58 ಪೈಸೆ ಏರಿ ಕಂಡಿದೆ.

ಕೊರೊನಾ ಸಂಕಷ್ಟದ ಸಮಯದಲ್ಲಿ ಪೆಟ್ರೋಲ್‌, ಡಿಸೇಲ್‌ ದರದಲ್ಲಿ ದಿನ ನಿತ್ಯ ಏರಿಕೆಯಿಂದ ಗ್ರಾಹಕರ ಜೇಬಿಗೆ ಕತ್ತರಿ ಬಿದ್ದಂತಾಗಿದೆ. ಬೆಂಗಳೂರಿನಲ್ಲಿ 44 ಪೈಸೆ ಏರಿಕೆ ಕಾಣುವ ಮೂಲಕ ಪೆಟ್ರೋಲ್‌ ಪ್ರತೀ ಲೀಟರ್‌ಗೆ 75.77 ರೂ ಆಗಿದೆ. ಇನ್ನು 58 ಪೈಸೆ ಏರಿಕೆ ಕಾಣುವ ಮೂಲಕ ಡಿಸೇಲ್‌ ದರ ಪ್ರತೀ ಲೀಟರ್‌ ದರ 68.09 ರೂ. ಆಗಿದೆ.

ಇನ್ನು ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್‌ ದರ ಪ್ರತೀ ಲೀಟರ್‌ಗೆ 74.00 ರೂ. ಇದ್ದರೆ, ಡಿಸೇಲ್‌ ದರ 71.62 ರೂ. ಇದೆ. ಇನ್ನು ವಾಣಿಜ್ಯ ನಗರಿ ಮುಂಬಯಿನಲ್ಲಿ ಪೆಟ್ರೋಲ್‌ ದರ 80.98ರೂ. ಇದ್ದರೆ, ಡಿಸೇಲ್‌ ದರ 70.35 ರೂ. ಇದೆ. ಇನ್ನು ಈ ಎರಡು ಪ್ರಮುಖ ನಗರಗಳಿಗೆ ಹೋಲಿಸಿದರೆ ಬೆಂಗಳೂರಿನಲ್ಲಿ ಡಿಸೇಲ್‌ ದರದಲ್ಲಿ ಭಾರೀ ವತ್ಯಯವಿದೆ. ಬೆಂಗಳೂರಿನಲ್ಲಿ ಡಿಸೇಲ್‌ ದರ ಕಡಿಮೆ ಇದೆ.

ಗುಜರಾತ್ ಬಳಿಕ ರಾಜಸ್ಥಾನ ಕಾಂಗ್ರೆಸ್‌ನಲ್ಲಿ ತಳಮಳ: ಎಲ್ಲಾ ಶಾಸಕರು ರೆಸಾರ್ಟ್‌ಗೆ ಶಿಫ್ಟ್!

ಕಳೆದ ಮೂರು ತಿಂಗಳಲ್ಲಿಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ದರ ಬದಲಾಗುತ್ತಲೇ ಇದೆ. ಅಲ್ಲದೇ ಮಾ.14ರಂದು ಕೇಂದ್ರ ಸರ್ಕಾರ ಪೆಟ್ರೋಲ್‌ ಮತ್ತು ಡೀಸೆಲ್‌ ಮೇಲೆ ಹೆಚ್ಚುವರಿ 3 ರೂ. ಅಬಕಾರಿ ಸುಂಕವನ್ನು ಹಾಕಿತ್ತು. ಮತ್ತೆ ಮೇ 6ರಂದು ಪೆಟ್ರೋಲ್‌ ಮೇಲೆ 10 ರೂ. ಮತ್ತು ಡೀಸೆಲ್‌ ಮೇಲೆ 13 ರೂ. ಅಬಕಾರಿ ಸುಂಕವನ್ನು ಕೇಂದ್ರ ಸರಕಾರ ವಿಧಿಸಿತ್ತು. ಇವೆಲ್ಲಾ ಭಾರೀ ಪ್ರಮಾಣದಲ್ಲಿ ಗ್ರಾಹಕನ ಜೇಬು ಸುಡುತ್ತಿದೆ. ಕೊರೊನಾದಿಂದ ಎಲ್ಲಾರೂ ಸದ್ಯ ಆರ್ಥಿಕ ಸಂಕಷ್ಟ ಎದುರಿಸುತ್ತಿರುವ ಸಂದರ್ಭದಲ್ಲಿ ಅಗತ್ಯ ವಸ್ತುವಾಗಿರುವ ಪೆಟ್ರೋಲ್‌, ಡಿಸೇಲ್‌ ದರ ಗಗನಕ್ಕೇರಿದರೆ ಸಮಸ್ಯೆಯಾಗಲಿದೆ.