ಬೆಂಗಳೂರಲ್ಲಿ ರೂ.78 ಸಮೀಪಿಸಿದ ಪೆಟ್ರೋಲ್‌ ದರ

ಬೆಂಗಳೂರು: ನಗರದಲ್ಲಿ ಪೆಟ್ರೋಲ್‌ ದರ 78 ರೂ. ಸಮೀಪಿಸಿದೆ. ಕಳೆದ ಎರಡು ದಿನಗಳಿಂದ 0.8 ಪೈಸೆ ಇಳಿಕೆ ಕಂಡಿದ್ದ ದರ ಇದೀಗ 15 ಪೈಸೆ ಹೆಚ್ಚಾಗಿದ್ದು, ಲೀಟರ್‌ ಪೆಟ್ರೋಲ್‌ಗೆ 77.57 ರೂ. ತಲುಪಿದೆ. ಇದರೊಂದಿಗೆ ಕಳೆದ 10 ದಿನಗಳಲ್ಲಿ 20 ಪೈಸೆ ಹೆಚ್ಚಳವಾದಂತಾಗಿದೆ.

ರಾಷ್ಟ್ರದ ಎಲ್ಲ ಮೆಟ್ರೊ ನಗರಗಳಲ್ಲಿ ಪೆಟ್ರೊಲ್‌ ದರದಲ್ಲಿ ಏರಿಕೆ ಕಂಡಿದ್ದು, ರಾಜಧಾನಿ ದಿಲ್ಲಿಯಲ್ಲಿ 75 ರೂ.ಗೆ ತಲುಪಿದೆ. ಇನ್ನು ವಾಣಿಜ್ಯ ನಗರಿ ಮುಂಬಯಿನಲ್ಲಿ ಈಗಾಗಲೇ 80 ರೂ. ದಾಟಿದ್ದು ರೂ.80.65 ರೂ.ಗೆ ತಲುಪಿದೆ. ಕೋಲ್ಕತಾದಲ್ಲಿ 13 ಪೈಸೆ ಹೆಚ್ಚಳದೊಂದಿಗೆ 77.67 ರೂ. ತಲುಪಿದ್ದು ಚೆನ್ನೈನಲ್ಲಿ ರೂ.77.97 ಇದೆ.

ಡೀಸೆಲ್‌ ದರದಲ್ಲೂ ಏರಿಕೆ ಕಂಡು ಬಂದಿದೆ. ಬೆಂಗಳೂರಲ್ಲಿ 21 ಪೈಸೆ ಹೆಚ್ಚಳವಾಗಿದ್ದು, ಲೀಟರ್‌ ಡೀಸೆಲ್‌ ದರ 68.29 ರೂ. ಇದೆ. ರಾಜಧಾನಿ ದಿಲ್ಲಿಯಲ್ಲಿ 66.04 ರೂ. ಇದೆ. ವಾಣಿಜ್ಯ ನಗರಿ ಮುಂಬಯಿನಲ್ಲಿ 69.27 ರೂ. ಇದೆ. ಕೋಲ್ಕತಾದಲ್ಲಿ 68.45 ರೂ. ಮತ್ತು ಚೆನ್ನೈನಲ್ಲಿ 69.81 ರೂ. ಇದೆ. ಮೆಟ್ರೊ ನಗರಗಳ ಪೈಕಿ ಚೆನ್ನೈನಲ್ಲಿ ಅತಿ ಹೆಚ್ಚು ದರವಿದೆ.

ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರವು ಬ್ಯಾರಲ್‌ ಒಂದಕ್ಕೆ ರೂ. 4198 ಇದೆ.