ಇಂಧನ ಬೆಲೆಗಳಲ್ಲಿ ಏರಿಳಿತ: ಪೆಟ್ರೋಲ್‌ 7 ಪೈಸೆ ಏರಿಕೆ, ಡೀಸೆಲ್‌ ಬೆಲೆ ಸ್ಥಿರ

ಬೆಂಗಳೂರು: ದೇಶದಲ್ಲಿ ಪೆಟ್ರೋಲ್‌ ಬೆಲೆಯಲ್ಲಿ ಶನಿವಾರ ಅಲ್ಪಮಟ್ಟಿನ ಏರಿಕೆಯಾಗಿದೆ. ದೈನಂದಿನ ಬೆಲೆ ಏರಿಳಿತ ಪ್ರಕ್ರಿಯೆಯಲ್ಲಿ ರಾಜಧಾನಿ ಬೆಂಗಳೂರಿನಲ್ಲಿ ಒಂದು ಲೀಟರ್ ಪೆಟ್ರೋಲ್ ದರ 77.45 ರೂಪಾಯಿ ಇದೆ. ನಿನ್ನೆಯ (ಶುಕ್ರವಾರ) ದರಕ್ಕೆ ಹೋಲಿಸಿದರೆ, ಪೆಟ್ರೋಲ್ ಬೆಲೆಯಲ್ಲಿ 7 ಪೈಸೆ ಏರಿಕೆಯಾಗಿದೆ. ಡೀಸೆಲ್ ದರದಲ್ಲಿ ಸ್ಥಿರವಾಗಿದ್ದು ಶುಕ್ರವಾರದ ದರವೇ ( 68.29ರೂ) ಮುಂದುವರಿದಿದೆ.

ಮಧ್ಯಪ್ರದೇಶದ ಭೋಪಾಲ್‌ನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಬೆಲೆ 83.17 ರೂಪಾಯಿಗೆ ತಲುಪಿದೆ. ನಿನ್ನೆಯ ಬೆಲೆಗೆ ಹೋಲಿಸಿದರೆ 6 ಪೈಸೆಯಷ್ಟು ಏರಿಕೆಯಾಗಿದೆ. ಡೀಸೆಲ್ ಬೆಲೆ 72.30 ರೂಪಾಯಿ ಇದೆ.

ಅದರಂತೆ ಮಹಾರಾಷ್ಟ್ರದ ಮುಂಬಯಿನಲ್ಲಿ ಪೆಟ್ರೋಲ್ 80.54 ರೂಪಾಯಿ ಮತ್ತು ಡೀಸೆಲ್ 70.31 ರೂಪಾಯಿ ಇದೆ.

ಔರಂಗಬಾದ್‌ನಲ್ಲಿ ಪೆಟ್ರೋಲ್ 81.57 ರೂಪಾಯಿ ನಿಗದಿಯಾಗಿದ್ದು, ನಿನ್ನೆಯ ಬೆಲೆಗೆ ಹೋಲಿಸಿದರೆ 6 ಪೈಸೆ ಏರಿಕೆಯಾಗಿದೆ. ಡೀಸೆಲ್ ಬೆಲೆ 69.27 ರೂಪಾಯಿ ಇದೆ.

ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ ಪೆಟ್ರೋಲ್ ಬೆಲೆ 74.89 ರೂಪಾಯಿ ಇದ್ದು, ನಿನ್ನೆಯ (ಶುಕ್ರವಾರ) ದರಕ್ಕೆ ಹೋಲಿಸಿದರೆ 6 ಪೈಸೆ ಏರಿಕೆಯಾಗಿದೆ. ಮತ್ತು ಡೀಸೆಲ್ ಬೆಲೆ 66.04 ರೂಪಾಯಿ ಇದೆ.

ತಮಿಳುನಾಡಿನ ಚೆನ್ನೈ ಮಹಾನಗರದಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರ 77.86 ರೂಪಾಯಿ ಮತ್ತು ಡೀಸೆಲ್‌ ಬೆಲೆ 69.81 ರೂಪಾಯಿ ಇದೆ. ನಿನ್ನೆಯ ದರಕ್ಕೆ ಹೋಲಿಸಿದರೆ ಪೆಟ್ರೋಲ್‌ ದರದಲ್ಲಿ 6 ಪೈಸೆಯಷ್ಟು ಏರಿಕೆಯಾಗಿದೆ.

ಪಶ್ಚಿಮ ಬಂಗಾಳದ ಕೋಲ್ಕತಾದಲ್ಲಿ ಪೆಟ್ರೋಲ್ 77.55 ರೂಪಾಯಿ ಇದ್ದರೆ, ಡೀಸೆಲ್ ದರ 68.45 ರೂಪಾಯಿ ಇದೆ.

ತೈಲ ಕಂಪನಿಗಳ ಕಳೆದ ದಿನದ ಸರಾಸರಿ ಬೆಲೆ ಹಾಗೂ ಡಾಲರ್ ಎದುರು ರೂಪಾಯಿ ಮೌಲ್ಯ ಆಧರಿಸಿ ಪೆಟ್ರೋಲ್, ಡೀಸೆಲ್ ದರ ನಿರ್ಣಯವಾಗುತ್ತದೆ.