ಬೆಂಗಳೂರಲ್ಲಿ ಕಳೆದೊಂದು ವಾರದಿಂದ ವ್ಯತ್ಯಾಸ ಕಾಣದ ಪೆಟ್ರೋಲ್‌ ದರ

ಬೆಂಗಳೂರು: ನಗರದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್‌ ದರ ನಿರಂತರವಾಗಿ ಇಳಿಕೆಯಾಗುತ್ತಿದೆ. ರೂ. 80ರ ಸಮೀಪಕ್ಕೆ ಏರಿಕೆಯಾಗಿದ್ದ ಪೆಟ್ರೋಲ್‌ ದರ ಇದೀಗ ನಿರಂತರ ಇಳಿಕೆ ಪ್ರಕ್ರಿಯೆಯಲ್ಲಿ ರೂ.74.39ಕ್ಕೆ ತಲುಪಿದೆ.

ರಾಷ್ಟ್ರದ ಎಲ್ಲ ಮೆಟ್ರೊ ನಗರಗಳಲ್ಲಿ ಪೆಟ್ರೋಲ್‌ ದರ ನಿನ್ನೆಯಷ್ಟೇ ಇದೆ. ಕಳೆದ ಬುಧವಾರ ಪೆಟ್ರೋಲ್‌ ದರ 16-17 ಪೈಸೆ ಕಡಿಮೆಯಾಗಿತ್ತು. ಒಂದು ಲೀಟರ್‌ ಪೆಟ್ರೋಲ್‌ ದರ ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ 71.94 ರೂ., ಚೆನ್ನೈನಲ್ಲಿ 74.73 ರೂ., ಕೋಲ್ಕತಾದಲ್ಲಿ 74.58 ರೂ. ಹಾಗೂ ವಾಣಿಜ್ಯ ನಗರಿ ಮುಂಬಯಿನಲ್ಲಿ 77.60 ರೂ. ಇದೆ.

ಬೆಂಗಳೂರಿನಲ್ಲಿ ಇಂದು ಡೀಸೆಲ್‌ ದರ 21 ಪೈಸೆ ಕಡಿಮೆಯಾಗಿದ್ದು, ಲೀಟರ್‌ ಒಂದಕ್ಕೆ ರೂ. 67.07 ಇದೆ. ರಾಷ್ಟ್ರ ಇತರ ಮೆಟ್ರೊ ನಗರಗಳಲ್ಲೂ 20-21 ಪೈಸೆ ಇಳಿಕೆಯಾಗಿದೆ. ಒಂದು ಲೀಟರ್‌ ಡೀಸೆಲ್‌ ದರ ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ ರೂ. 67.19 ಇದೆ. ಚೆನ್ನೈನಲ್ಲಿ 68.50 ರೂ., ಕೋಲ್ಕತಾದಲ್ಲಿ 67.19 ರೂ. ಹಾಗೂ ಮುಂಬಯಿನಲ್ಲಿ 67.98 ರೂ. ಇದೆ.

ಅಂತಾರಾಷ್ಟ್ರೀಯ ತೈಲ ಮಾರುಕಟ್ಟೆಯಲ್ಲಿ ಒಂದು ಬ್ಯಾರೆಲ್‌ ಕಚ್ಚಾ ತೈಲ ದರ 4,162 ರೂ. ಇದೆ.

ಸೂಚನೆ: ದೈನಂದಿನ ಪೆಟ್ರೋಲ್‌ ಮತ್ತು ಡೀಸೆಲ್‌ ದರ ಪರೀಷ್ಕರಣೆಯು ವಿತರಣಾ ಕಂಪನಿಗಳು ಮತ್ತು ಆಯಾ ಪ್ರದೇಶಕ್ಕೆ ಅನುಗುಣವಾಗಿ ಸ್ವಲ್ಪ ವ್ಯತ್ಯಾಸಗಳು ಇರುತ್ತವೆ ಎಂಬುದನ್ನು ಗ್ರಾಹಕರು ಗಮನಿಸತಕ್ಕದ್ದು.