ಒಂದೂವರೆ ತಿಂಗಳು ಶಾಕ್‌ ನೀಡದ ಪೆಟ್ರೋಲ್‌, ಡೀಸೆಲ್‌!

ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಚ್ಚಾ ತೈಲದ ದರ ಏರಿಕೆಯಾಗುತ್ತಿದ್ದರೂ, ಕಳೆದ ಒಂದೂವರೆ ತಿಂಗಳಲ್ಲಿ ಪೆಟ್ರೋಲ್‌ ಮತ್ತು ಡೀಸೆಲ್‌ ದರಗಳಲ್ಲಿ ದೊಡ್ಡ ಪ್ರಮಾಣದ ವ್ಯತ್ಯಾಸಗಳಾಗಿಲ್ಲ.

‘‘ಕಚ್ಚಾ ತೈಲದ ಏರಿಳಿತಗಳನ್ನು ಲೆಕ್ಕ ಹಾಕಿದರೆ, ಪೆಟ್ರೋಲ್‌ ಮತ್ತು ಡೀಸೆಲ್‌ಗಳು ಲೀಟರ್‌ಗೆ ಕನಿಷ್ಠ 7 ರೂಪಾಯಿ ಆದರೂ ಹೆಚ್ಚಳವಾಗಬೇಕಿತ್ತು. ಆದರೆ, ಆ ಹೊರೆಯನ್ನು ತೈಲ ಕಂಪನಿಗಳೇ ಭರಿಸುತ್ತಿವೆ. ಇದಕ್ಕೆ ಲೋಕಸಭೆ ಚುನಾವಣೆ ಕಾರಣವಿದ್ದರೂ ಇರಬಹುದು,’’ ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ. ಮಾ.10 ರಂದು ಕಚ್ಚಾ ತೈಲ ಬ್ಯಾರೆಲ್‌ಗೆ 54.52 ಡಾಲರ್‌ಯಿದ್ದರೆ, ಈಗ 75 ಡಾಲರ್‌ ಮುಟ್ಟಿದೆ.

76 ಡಾಲರ್‌ ಮುಟ್ಟಿದ ಕಚ್ಚಾ ತೈಲ ಬ್ರೆಂಟ್‌ ಕಚ್ಚಾ ತೈಲವು ಗುರುವಾರ ಬ್ಯಾರೆಲ್‌ಗೆ 75 ಡಾಲರ್‌ಗೆ ಮುಟ್ಟಿದೆ. ಈ ವರ್ಷದ ಗರಿಷ್ಠ ದರ ಇದಾಗಿದೆ. ಇರಾನ್‌ನಿಂದ ತೈಲವನ್ನು ಆಮದು ಮಾಡಿಕೊಳ್ಳದಂತೆ ಭಾರತ ಸೇರಿದಂತೆ 7 ದೇಶಗಳಿಗೆ ಅಮೆರಿಕ ಸೂಚನೆ ನೀಡಿದೆ. ಈ ಪರಿಣಾಮ ಕಚ್ಚಾ ತೈಲದ ದರ ಏರಿಕೆಯಾಗಿದೆ. ಸೆನ್ಸೆಕ್ಸ್‌ 326 ಅಂಕ ಕುಸಿತ
ಕಚ್ಚಾ ತೈಲದ ದರ ಏರಿಕೆ, ಡಾಲರ್‌ ಎದುರು ರೂಪಾಯಿ ಕುಸಿತ ಸೇರಿದಂತೆ ಜಾಗತಿಕ ಪ್ರಭಾವಗಳಿಂದ ಸೆನ್ಸೆಕ್ಸ್‌ 326 ಅಂಕ ಕುಸಿದು 38,730ಕ್ಕೆ ವಹಿವಾಟು ಅಂತ್ಯವಾಗಿ
ದೆ. ನಿಫ್ಟಿ 84 ಅಂಕ ಕುಸಿದಿದೆ.