ಬೆಂಗಳೂರಲ್ಲಿ ಪೆಟ್ರೋಲ್‌ ದರ 75.58 ರೂ.

ಬೆಂಗಳೂರು: ನಗರದಲ್ಲಿ ಪೆಟ್ರೋಲ್‌ ದರ ನಿರಂತರವಾಗಿ ಇಳಿಕೆ ಕಂಡು ಬರುತ್ತಿದ್ದು, 80 ರೂ. ದಾಟುವ ಮುನ್ಸೂಚನೆ ನೀಡಿದ್ದ ದರವೀಗ 75 ರೂ.ಗಳ ಸಮೀಪಕ್ಕೆ ಬಂದಿದೆ. ಸೋಮವಾರ 8 ಪೈಸೆ ಕಡಿಮೆಯಾಗಿದ್ದು, ಲೀಟರ್‌ ಒಂದಕ್ಕೆ ಪೆಟ್ರೋಲ್‌ ದರ 75.58 ರೂ. ಇದೆ.

ರಾಷ್ಟ್ರದ ಎಲ್ಲ ಮೆಟ್ರೋ ನಗರಗಳಲ್ಲಿ ಪೆಟ್ರೋಲ್‌ ದರದ ಮೇಲೆ 8-9 ಪೈಸೆ ಇಳಿಕೆಯಾಗಿದೆ. ಒಂದು ಲೀಟರ್‌ ಪೆಟ್ರೋಲ್‌ ದರ ಚೆನ್ನೈನಲ್ಲಿ 75.95 ರೂ., ರಾಜಧಾನಿ ದಿಲ್ಲಿಯಲ್ಲಿ 73.10 ರೂ., ಕೋಲ್ಕತದಲ್ಲಿ 75.77 ರೂ. ಹಾಗೂ ಮುಂಬಯಿನಲ್ಲಿ 78.75 ರೂ. ಇದೆ.

ರಾಷ್ಟ್ರದ ಎಲ್ಲ ಮೆಟ್ರೋ ನಗರಗಳಲ್ಲಿ ಡೀಸೆಲ್‌ ದರವು ಇಳಿಕೆಯಾಗಿದೆ. ಬೆಂಗಳೂರಿನಲ್ಲಿ ಒಂದು ಲೀಟರ್‌ ಡೀಸೆಲ್‌ ದರ 68.32 ರೂ. ಇದೆ. ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ 66.09 ರೂ. ಇದೆ. ಚೆನ್ನೈನಲ್ಲಿ 69.81 ರೂ. ಇದೆ. ಕೋಲ್ಕತದಲ್ಲಿ 68.46 ರೂ. ಇದೆ. ಇನ್ನು ವಾಣಿಜ್ಯ ನಗರಿ ಮುಂಬಯಿನಲ್ಲಿ 69.27 ರೂ. ಇದೆ.

ಅಂತಾರಾಷ್ಟ್ರೀಯ ತೈಲ ಮಾರುಕಟ್ಟೆಯಲ್ಲಿ ಒಂದು ಬ್ಯಾರೆಲ್‌ ಕಚ್ಚಾ ತೈಲ ದರ 4,162 ರೂ. ಇದೆ.

ಸೂಚನೆ: ದೈನಂದಿನ ಪೆಟ್ರೋಲ್‌ ಮತ್ತು ಡೀಸೆಲ್‌ ದರ ಪರೀಷ್ಕರಣೆಯು ವಿತರಣಾ ಕಂಪನಿಗಳು ಮತ್ತು ಆಯಾ ಪ್ರದೇಶಕ್ಕೆ ಅನುಗುಣವಾಗಿ ಸ್ವಲ್ಪ ವ್ಯತ್ಯಾಸಗಳು ಇರುತ್ತವೆ ಎಂಬುದನ್ನು ಗ್ರಾಹಕರು ಗಮನಿಸತಕ್ಕದ್ದು.