ವಾಹನ ಸವಾರರಿಗೆ ಸಂತಸದ ಸುದ್ದಿ, ಇಳಿಕೆ ಕಂಡ ತೈಲ ಬೆಲೆ

ಹೊಸ ದೆಹಲಿ: ದೇಶದ ಪ್ರಮುಖ ಮಹಾನಗರಗಳಲ್ಲಿ ತೈಲ ದರದಲ್ಲಿ ವ್ಯತ್ಯಾಸ ಕಂಡು ಬರುತ್ತಿದ್ದು, ದೈನಂದಿನ ಬೆಲೆ ಏರಿಳಿತ ಪ್ರಕ್ರಿಯೆಯಲ್ಲಿ ರಾಜಧಾನಿ ಬೆಂಗಳೂರಿನಲ್ಲಿ ಇಂದು ಲೀಟರ್ ಪೆಟ್ರೋಲ್ ದರ 76.05 ರೂಪಾಯಿ ಇದೆ. ಮಂಗಳವಾರದ ದರಕ್ಕೆ ಹೋಲಿಸಿದರೆ, ಪೆಟ್ರೋಲ್ ಬೆಲೆ ಯಥಾಸ್ಥಿತಿಯನ್ನು ಕಾಯ್ದುಕೊಂಡಿದೆ. ಕಳೆದೊಂದು ವಾರದಿಂದ ಪೆಟ್ರೋಲ್ ದರದಲ್ಲಿ 1.05 ರೂ ಇಳಿಕೆ ಕಂಡಿದೆ.

ಇನ್ನು ಬೆಂಗಳೂರಿನಲ್ಲಿ ಬುಧವಾರ ಡೀಸೆಲ್ ದರ ಲೀಟರ್ ಗೆ 69.03 ರೂ.ಗೆ ಇದ್ದು, ನಿನ್ನೆಯ ದರಕ್ಕೆ ಹೋಲಿಸಿದರೆ, ಯಥಾಸ್ಥಿತಿಯನ್ನು ಕಾಯ್ದುಕೊಂಡಿದೆ. ಜತೆಗೆ ಕಳೆದ ಒಂದು ವಾರದಿಂದ ಒಟ್ಟು 0.71 ಪೈಸೆ ಇಳಿಕೆ ಕಂಡಿದೆ.

ಬುಧವಾರ ತಮಿಳುನಾಡಿನ ಚೆನ್ನೈ ನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಬೆಲೆ76.43ರೂಪಾಯಿಗೆ ತಲುಪಿದ್ದರೆ, ಡೀಸೆಲ್ ಬೆಲೆ 70.57ರೂಪಾಯಿ ಇದೆ.

ಮಹಾರಾಷ್ಟ್ರದ ಮುಂಬಯಿನಲ್ಲಿ ಪೆಟ್ರೋಲ್79.20ರೂಪಾಯಿ ಮತ್ತು ಡೀಸೆಲ್ 70.03ರೂಪಾಯಿ ಇದೆ.

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್ ಬೆಲೆ 73.59 ರೂಪಾಯಿ ಇದ್ದು, ಡೀಸೆಲ್ 66.81 ರೂಪಾಯಿ ಇದೆ.

ಪಶ್ಚಿಮ ಬಂಗಾಳದ ಕೋಲ್ಕತಾದಲ್ಲಿ ಪೆಟ್ರೋಲ್ 76.23 ರೂಪಾಯಿ ಇದ್ದರೆ, ಡೀಸೆಲ್ ದರ 69.17ರೂಪಾಯಿ ಇದೆ.

ಮಂಗಳೂರಿನಲ್ಲಿ ಪೆಟ್ರೋಲ್ ದರ 75.36 ರೂ ಇದ್ದರೆ ಡೀಸೆಲ್ 68.37 ರೂ ದರ ಇದೆ .

ತೈಲ ಕಂಪನಿಗಳ ಕಳೆದ ದಿನದ ಸರಾಸರಿ ಬೆಲೆ ಹಾಗೂ ಡಾಲರ್ ಎದುರು ರೂಪಾಯಿ ಮೌಲ್ಯ ಆಧರಿಸಿ ಪೆಟ್ರೋಲ್, ಡೀಸೆಲ್ ದರ ದಿನದಿಂದ ದಿನಕ್ಕೆ ನಿರ್ಣಯವಾಗುತ್ತದೆ.