ಮುಂಬೈ: ಅದಾನಿ ಸಮೂಹ (Adani Group) ಕಂಪನಿಗಳ ಷೇರು ದರದಲ್ಲಿ ತೀವ್ರ ಕುಸಿತ ದಾಖಲಾಗಿದ್ದು, ಷೇರು ವಹಿವಾಟಿನಲ್ಲಿ ಉಂಟಾಗಿರುವ ಚಂಚಲತೆಯಿಂದ ಹೂಡಿಕೆದಾರರಿಗೆ ಹೆಚ್ಚಿನ ನಷ್ಟವಾಗುವುದನ್ನು ತಪ್ಪಿಸುವ ನಿಟ್ಟಿನಲ್ಲಿ ರಾಷ್ಟ್ರೀಯ ಷೇರುಪೇಟೆಯು ( NSE) ಹೆಚ್ಚುವರಿ ನಿಗಾವಹಿಸಲು ಮುಂದಾಗಿದೆ.
ಊಹೆ ಮಾಡಿ ನಡೆಸುವ ವಹಿವಾಟು ಹಾಗೂ ಶಾರ್ಟ್‌ ಸೆಲ್ಲಿಂಗ್‌ ನಡೆಸುವುದನ್ನು ತಡೆಯಲು ಈ ಕ್ರಮಕೈಗೊಳ್ಳಲಾಗಿದೆ. ಎಎಸ್‌ಎಂ ಅಡಿಯಲ್ಲಿರುವ ಷೇರುಗಳಲ್ಲಿ ದಿನದ ವಹಿವಾಟು (ಇಂಟ್ರಾಡೇ ಟ್ರೇಡಿಂಗ್‌) ನಡೆಸಲು ಶೇ 100ರಷ್ಟು ಹಣವನ್ನು (ಮಾರ್ಜಿನ್‌) ವಹಿವಾಟು ಖಾತೆಯಲ್ಲಿ ಹೊಂದಿರಬೇಕು.
ಹೂಡಿಕೆದಾರರ ಹಿತಾಸಕ್ತಿ ಹಾಗೂ ಷೇರುಪೇಟೆಯಲ್ಲಿ ವಿಶ್ವಾಸಾರ್ಹತೆಯನ್ನು ವೃದ್ಧಿಸುವ ಸಲುವಾಗಿ ಸೆಬಿ ಮತ್ತು ಷೇರುಪೇಟೆ ನಿಯಂತ್ರಕರು ಹೆಚ್ಚುವರಿ ನಿಗಾ ವ್ಯವಸ್ಥೆಯ ಕ್ರಮ ಅನುಸರಿಸುತ್ತವೆ. ಸತತ ಐದು ದಿನಗಳ ವಹಿವಾಟಿನಲ್ಲಿ ಯಾವುದೇ ಕಂಪನಿಯ ಷೇರು ನಿಫ್ಟಿ 50 ಷೇರುಗಳಿಗಿಂತ ಶೇ 25ರಷ್ಟು ಜಿಗಿಯುವುದು ಅಥವಾ ಕುಸಿತ ದಾಖಲಿಸಿದರೆ, ಅಂಥ ಷೇರುಗಳನ್ನು ಎಎಸ್‌ಎಂ ಅಡಿಯಲ್ಲಿ ತರಲಾಗುತ್ತದೆ.
ಜನವರಿ 25ರಿಂದ ಅದಾನಿ ಎಂಟರ್‌ಪ್ರೈಸಸ್‌ ಷೇರಿನ ಮೌಲ್ಯವು ಅರ್ಧಕ್ಕಿಂತಲೂ ಅಧಿಕ ಕುಸಿದಿದೆ. ಅದಾನಿ ಪೋಟ್ಸ್‌ ಷೇರು ದರ ಶೇ 39ರಷ್ಟು ಕಡಿಮೆಯಾಗಿದೆ. ಗುರುವಾರ ಅದಾನಿ ಎಂಟರ್‌ಪ್ರೈಸಸ್‌ ಷೇರು ಶೇ 27ರಷ್ಟು ಇಳಿಕೆಯಾಗಿ ಪ್ರತಿ ಷೇರು 1565 ರೂ.ಗೆ ತಲುಪಿತು. ಅದಾನಿ ಪೋರ್ಟ್ಸ್‌ ಷೇರು ಶೇ 7ರಷ್ಟು ಕಡಿಮೆಯಾಗಿ 462.45 ರೂ.ನಲ್ಲಿ ದಿನದ ವಹವಾಟು ಕೊನೆಯಾಗಿದೆ.
ಅದಾನಿ ಗ್ರೂಪ್‌ಗೆ ಎಷ್ಟು ಸಾಲ ಕೊಟ್ಟಿದ್ದೀರಾ? ಬ್ಯಾಂಕ್‌ಗಳಿಂದ ಮಾಹಿತಿ ಕೇಳಿದ ಆರ್‌ಬಿಐ
ಹೊಸದಿಲ್ಲಿ: ಅದಾನಿ ಎಂಟರ್‌ಪ್ರೈಸಸ್‌ ಲಿಮಿಟೆಡ್‌ಗೆ (ಎಇಎಲ್‌) ನೀಡಿರುವ ಸಾಲದ ಬಗ್ಗೆ ಎಲ್ಲಾ ಬ್ಯಾಂಕ್‌ಗಳಿಂದ ರಿಸರ್ವ್ ಬ್ಯಾಂಕ್‌ ಮಾಹಿತಿ ಕೇಳಿದೆ. ಈ ಬಗ್ಗೆ ಪ್ರತಿಕ್ರಿಯಿಸಲು ಆರ್‌ಬಿಐ ಅಧಿಕಾರಿಗಳು ನಿರಾಕರಿಸಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಅದಾನಿ ಕಂಪನಿಗಳಲ್ಲಿ ಷೇರು ವ್ಯವಹಾರವು ಪಾರದರ್ಶಕವಾಗಿಲ್ಲ. ಷೇರು ಮೌಲ್ಯವನ್ನು ತಿರುಚುವ ಮತ್ತು ಇತರ ಅಕ್ರಮಗಳು ನಡೆದಿವೆ ಎಂದು ಅಮೆರಿಕದ ಹಿಂಡನ್‌ಬರ್ಗ್‌ ರೀಸರ್ಚ್ ವರದಿಯಲ್ಲಿ ದೂರಲಾಗಿದ್ದು, ಅದಾನಿ ಸಾಮ್ರಾಜ್ಯ ತತ್ತರಿಸಿದೆ. ವರದಿ ಹಿನ್ನೆಲೆಯಲ್ಲಿ ಅದಾನಿ ಗ್ರೂಪ್‌ ವ್ಯವಹಾರಗಳತ್ತ ಅನುಮಾನಗಳು ಸೃಷ್ಟಿಯಾಗಿವೆ. ಇತ್ತ, ಅದಾನಿ ಎಂಟರ್‌ಪ್ರೈಸಸ್‌ಗೆ ನೀಡಲಾಗಿರುವ ಸಾಲಗಳ ವಿವರ ನೀಡುವಂತೆ ಆರ್‌ಬಿಐ ಕೇಳಿದೆ.
ಬುಧವಾರ ತಡರಾತ್ರಿ ಅದಾನಿ ಗ್ರೂಪ್‌ 20,000 ಕೋಟಿ ರೂ. ಮೌಲ್ಯದ ಸಂಪೂರ್ಣ ಚಂದಾದಾರಿಕೆ ಹೊಂದಿರುವ ಎಫ್‌ಪಿಒ ಅನ್ನು ರದ್ದುಗೊಳಿಸಿತ್ತು. ಜೊತೆಗೆ ಹೂಡಿಕೆದಾರರ ಹಣವನ್ನು ಹಿಂದಿರುಗಿಸುವುದಾಗಿ ತಿಳಿಸಿತ್ತು. ಎಫ್‌ಪಿಒ ಪ್ರಕ್ರಿಯೆ ರದ್ದಾದ ನಂತರ ಗುರುವಾರ ಅದಾನಿ ಗ್ರೂಪ್‌ ಷೇರುಗಳು ಶೇ.10ವರೆಗೆ ಕುಸಿದವು.
ಬುಧವಾರದಂದು ಅದಾನಿ ಎಂಟರ್‌ಪ್ರೈಸಸ್‌ ಷೇರುಗಳು ಶೇ.26.70ರಷ್ಟು ಕುಸಿದು 2179.75 ರೂ.ಗೆ ತಲುಪಿದವು. ಅದಾನಿ ಗ್ರೂಪ್‌ ಎಫ್‌ಪಿಒ ಹಿಂಪಡೆಯಲು ನಿರ್ಧರಿಸಿದ್ದು ಇದೇ ಕಾರಣಕ್ಕೆ ಎನ್ನಲಾಗಿದೆ. ಅದಾನಿ ಗ್ರೂಪ್‌ನ 20,000 ಕೋಟಿ ಎಫ್‌ಪಿಒ ಜನವರಿ 27ರಂದು ಚಂದಾದಾರಿಕೆಗಾಗಿ ತೆರೆಯಲಾಗಿತ್ತು ಮತ್ತು ಜನವರಿ 31ರಂದು ಮುಚ್ಚಲಾಗಿತ್ತು. ಕಂಪನಿಯು ಈ ಹಣದಿಂದ ಅಸ್ತಿತ್ವದಲ್ಲಿರುವ ಸಾಲವನ್ನು ಕಡಿಮೆ ಮಾಡಲು ಮತ್ತು ವಿಸ್ತರಣೆಗಾಗಿ ಹೆಚ್ಚುವರಿ ಬಂಡವಾಳವನ್ನು ಸಂಗ್ರಹಿಸಲು ಬಯಸಿತ್ತು. ಎಫ್‌ಪಿಒ ರದ್ದತಿ ಮೂಲಕ ಅದಾನಿ ಗ್ರೂಪ್‌ಗೆ ದೊಡ್ಡ ಹಿನ್ನಡೆಯಾಗಿದೆ ಎಂದು ವಿಶ್ಲೇಷಿಸಲಾಗಿದೆ.
ಕಳೆದ 6 ದಿನಗಳಲ್ಲಿ 8.56 ಲಕ್ಷ ಕೋಟಿ ರೂ. ನಷ್ಟ
ಹಿಂಡನ್‌ಬರ್ಗ್‌ ರೀಸರ್ಚ್ ವರದಿ ಬಳಿಕ, ಕಳೆದ ಆರು ವಹಿವಾಟಿನ ದಿನಗಳಲ್ಲಿಅದಾನಿ ಗ್ರೂಪ್‌ ಕಂಪನಿಗಳು 107 ಶತಕೋಟಿ ಡಾಲರ್‌ (8.56 ಲಕ್ಷ ಕೋಟಿ ರೂ.) ನಷ್ಟ ಅನುಭವಿಸಿವೆ. ಕಂಪನಿಗಳ ಮಾರುಕಟ್ಟೆ ಮೌಲ್ಯವು 8.56 ಲಕ್ಷ ಕೋಟಿ ರೂ. ಅಥವಾ ಶೇ.45ರಷ್ಟು ಕರಗಿದೆ.
ಮೊದಲು ಅದಾನಿ ಷೇರುಗಳ ಮಾರುಕಟ್ಟೆ ಮೌಲ್ಯವು 19.2 ಲಕ್ಷ ಕೋಟಿ ರೂ. ಇತ್ತು. ಅದೀಗ(ಫೆ.2ರ ವಹಿವಾಟು ಅಂತ್ಯದ ಹೊತ್ತಿಗೆ) 10.5 ಲಕ್ಷ ಕೋಟಿ ರೂ.ಗೆ ಇಳಿದಿದೆ.
2.39 ಲಕ್ಷ ಕೋಟಿ ರೂ. ಕಳೆದುಕೊಂಡ ಅದಾನಿ ಗ್ಯಾಸ್‌:
ಅದಾನಿ ಗ್ರೂಪ್‌ನಲ್ಲಿ ಹೆಚ್ಚು ನಷ್ಟ ಅನುಭವಿಸಿದ ಕಂಪನಿಗಳಲ್ಲಿ ಅದಾನಿ ಟೋಟಲ್‌ ಗ್ಯಾಸ್‌ ಮೊದಲ ಸ್ಥಾನದಲ್ಲಿದೆ. ಈ ಕಂಪನಿಯು 2.39 ಲಕ್ಷ ಕೋಟಿ ರೂ. ಕಳೆದು ಕೊಂಡಿದೆ. ಅದಾನಿ ಎಂಟರ್‌ಪ್ರೈಸಸ್‌ಗೆ 1.86 ಲಕ್ಷ ಕೋಟಿ ರೂ. ನಷ್ಟವಾಗಿದೆ. ಅದಾನಿ ಗ್ರೀನ್‌ ಎನರ್ಜಿ 1.39 ಲಕ್ಷ ಕೋಟಿ ರೂ. ಮತ್ತು ಅದಾನಿ ಟ್ರಾನ್ಸ್‌ಮಿಷನ್‌ 1.33 ಲಕ್ಷ ಕೋಟಿ ರೂ. ಮಾರುಕಟ್ಟೆ ಮೌಲ್ಯವನ್ನು ಕಳೆದುಕೊಂಡಿವೆ.
ಊಹೆ ಮಾಡಿ ನಡೆಸುವ ವಹಿವಾಟು ಹಾಗೂ ಶಾರ್ಟ್‌ ಸೆಲ್ಲಿಂಗ್‌ ನಡೆಸುವುದನ್ನು ತಡೆಯಲು ಈ ಕ್ರಮಕೈಗೊಳ್ಳಲಾಗಿದೆ. ಎಎಸ್‌ಎಂ ಅಡಿಯಲ್ಲಿರುವ ಷೇರುಗಳಲ್ಲಿ ದಿನದ ವಹಿವಾಟು (ಇಂಟ್ರಾಡೇ ಟ್ರೇಡಿಂಗ್‌) ನಡೆಸಲು ಶೇ 100ರಷ್ಟು ಹಣವನ್ನು (ಮಾರ್ಜಿನ್‌) ವಹಿವಾಟು ಖಾತೆಯಲ್ಲಿ ಹೊಂದಿರಬೇಕು.
ಹೂಡಿಕೆದಾರರ ಹಿತಾಸಕ್ತಿ ಹಾಗೂ ಷೇರುಪೇಟೆಯಲ್ಲಿ ವಿಶ್ವಾಸಾರ್ಹತೆಯನ್ನು ವೃದ್ಧಿಸುವ ಸಲುವಾಗಿ ಸೆಬಿ ಮತ್ತು ಷೇರುಪೇಟೆ ನಿಯಂತ್ರಕರು ಹೆಚ್ಚುವರಿ ನಿಗಾ ವ್ಯವಸ್ಥೆಯ ಕ್ರಮ ಅನುಸರಿಸುತ್ತವೆ. ಸತತ ಐದು ದಿನಗಳ ವಹಿವಾಟಿನಲ್ಲಿ ಯಾವುದೇ ಕಂಪನಿಯ ಷೇರು ನಿಫ್ಟಿ 50 ಷೇರುಗಳಿಗಿಂತ ಶೇ 25ರಷ್ಟು ಜಿಗಿಯುವುದು ಅಥವಾ ಕುಸಿತ ದಾಖಲಿಸಿದರೆ, ಅಂಥ ಷೇರುಗಳನ್ನು ಎಎಸ್‌ಎಂ ಅಡಿಯಲ್ಲಿ ತರಲಾಗುತ್ತದೆ.
ಜನವರಿ 25ರಿಂದ ಅದಾನಿ ಎಂಟರ್‌ಪ್ರೈಸಸ್‌ ಷೇರಿನ ಮೌಲ್ಯವು ಅರ್ಧಕ್ಕಿಂತಲೂ ಅಧಿಕ ಕುಸಿದಿದೆ. ಅದಾನಿ ಪೋಟ್ಸ್‌ ಷೇರು ದರ ಶೇ 39ರಷ್ಟು ಕಡಿಮೆಯಾಗಿದೆ. ಗುರುವಾರ ಅದಾನಿ ಎಂಟರ್‌ಪ್ರೈಸಸ್‌ ಷೇರು ಶೇ 27ರಷ್ಟು ಇಳಿಕೆಯಾಗಿ ಪ್ರತಿ ಷೇರು 1565 ರೂ.ಗೆ ತಲುಪಿತು. ಅದಾನಿ ಪೋರ್ಟ್ಸ್‌ ಷೇರು ಶೇ 7ರಷ್ಟು ಕಡಿಮೆಯಾಗಿ 462.45 ರೂ.ನಲ್ಲಿ ದಿನದ ವಹವಾಟು ಕೊನೆಯಾಗಿದೆ.
ಅದಾನಿ ಗ್ರೂಪ್‌ಗೆ ಎಷ್ಟು ಸಾಲ ಕೊಟ್ಟಿದ್ದೀರಾ? ಬ್ಯಾಂಕ್‌ಗಳಿಂದ ಮಾಹಿತಿ ಕೇಳಿದ ಆರ್‌ಬಿಐ
ಹೊಸದಿಲ್ಲಿ: ಅದಾನಿ ಎಂಟರ್‌ಪ್ರೈಸಸ್‌ ಲಿಮಿಟೆಡ್‌ಗೆ (ಎಇಎಲ್‌) ನೀಡಿರುವ ಸಾಲದ ಬಗ್ಗೆ ಎಲ್ಲಾ ಬ್ಯಾಂಕ್‌ಗಳಿಂದ ರಿಸರ್ವ್ ಬ್ಯಾಂಕ್‌ ಮಾಹಿತಿ ಕೇಳಿದೆ. ಈ ಬಗ್ಗೆ ಪ್ರತಿಕ್ರಿಯಿಸಲು ಆರ್‌ಬಿಐ ಅಧಿಕಾರಿಗಳು ನಿರಾಕರಿಸಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಅದಾನಿ ಕಂಪನಿಗಳಲ್ಲಿ ಷೇರು ವ್ಯವಹಾರವು ಪಾರದರ್ಶಕವಾಗಿಲ್ಲ. ಷೇರು ಮೌಲ್ಯವನ್ನು ತಿರುಚುವ ಮತ್ತು ಇತರ ಅಕ್ರಮಗಳು ನಡೆದಿವೆ ಎಂದು ಅಮೆರಿಕದ ಹಿಂಡನ್‌ಬರ್ಗ್‌ ರೀಸರ್ಚ್ ವರದಿಯಲ್ಲಿ ದೂರಲಾಗಿದ್ದು, ಅದಾನಿ ಸಾಮ್ರಾಜ್ಯ ತತ್ತರಿಸಿದೆ. ವರದಿ ಹಿನ್ನೆಲೆಯಲ್ಲಿ ಅದಾನಿ ಗ್ರೂಪ್‌ ವ್ಯವಹಾರಗಳತ್ತ ಅನುಮಾನಗಳು ಸೃಷ್ಟಿಯಾಗಿವೆ. ಇತ್ತ, ಅದಾನಿ ಎಂಟರ್‌ಪ್ರೈಸಸ್‌ಗೆ ನೀಡಲಾಗಿರುವ ಸಾಲಗಳ ವಿವರ ನೀಡುವಂತೆ ಆರ್‌ಬಿಐ ಕೇಳಿದೆ.
ಬುಧವಾರ ತಡರಾತ್ರಿ ಅದಾನಿ ಗ್ರೂಪ್‌ 20,000 ಕೋಟಿ ರೂ. ಮೌಲ್ಯದ ಸಂಪೂರ್ಣ ಚಂದಾದಾರಿಕೆ ಹೊಂದಿರುವ ಎಫ್‌ಪಿಒ ಅನ್ನು ರದ್ದುಗೊಳಿಸಿತ್ತು. ಜೊತೆಗೆ ಹೂಡಿಕೆದಾರರ ಹಣವನ್ನು ಹಿಂದಿರುಗಿಸುವುದಾಗಿ ತಿಳಿಸಿತ್ತು. ಎಫ್‌ಪಿಒ ಪ್ರಕ್ರಿಯೆ ರದ್ದಾದ ನಂತರ ಗುರುವಾರ ಅದಾನಿ ಗ್ರೂಪ್‌ ಷೇರುಗಳು ಶೇ.10ವರೆಗೆ ಕುಸಿದವು.
ಬುಧವಾರದಂದು ಅದಾನಿ ಎಂಟರ್‌ಪ್ರೈಸಸ್‌ ಷೇರುಗಳು ಶೇ.26.70ರಷ್ಟು ಕುಸಿದು 2179.75 ರೂ.ಗೆ ತಲುಪಿದವು. ಅದಾನಿ ಗ್ರೂಪ್‌ ಎಫ್‌ಪಿಒ ಹಿಂಪಡೆಯಲು ನಿರ್ಧರಿಸಿದ್ದು ಇದೇ ಕಾರಣಕ್ಕೆ ಎನ್ನಲಾಗಿದೆ. ಅದಾನಿ ಗ್ರೂಪ್‌ನ 20,000 ಕೋಟಿ ಎಫ್‌ಪಿಒ ಜನವರಿ 27ರಂದು ಚಂದಾದಾರಿಕೆಗಾಗಿ ತೆರೆಯಲಾಗಿತ್ತು ಮತ್ತು ಜನವರಿ 31ರಂದು ಮುಚ್ಚಲಾಗಿತ್ತು. ಕಂಪನಿಯು ಈ ಹಣದಿಂದ ಅಸ್ತಿತ್ವದಲ್ಲಿರುವ ಸಾಲವನ್ನು ಕಡಿಮೆ ಮಾಡಲು ಮತ್ತು ವಿಸ್ತರಣೆಗಾಗಿ ಹೆಚ್ಚುವರಿ ಬಂಡವಾಳವನ್ನು ಸಂಗ್ರಹಿಸಲು ಬಯಸಿತ್ತು. ಎಫ್‌ಪಿಒ ರದ್ದತಿ ಮೂಲಕ ಅದಾನಿ ಗ್ರೂಪ್‌ಗೆ ದೊಡ್ಡ ಹಿನ್ನಡೆಯಾಗಿದೆ ಎಂದು ವಿಶ್ಲೇಷಿಸಲಾಗಿದೆ.
ಕಳೆದ 6 ದಿನಗಳಲ್ಲಿ 8.56 ಲಕ್ಷ ಕೋಟಿ ರೂ. ನಷ್ಟ
ಹಿಂಡನ್‌ಬರ್ಗ್‌ ರೀಸರ್ಚ್ ವರದಿ ಬಳಿಕ, ಕಳೆದ ಆರು ವಹಿವಾಟಿನ ದಿನಗಳಲ್ಲಿಅದಾನಿ ಗ್ರೂಪ್‌ ಕಂಪನಿಗಳು 107 ಶತಕೋಟಿ ಡಾಲರ್‌ (8.56 ಲಕ್ಷ ಕೋಟಿ ರೂ.) ನಷ್ಟ ಅನುಭವಿಸಿವೆ. ಕಂಪನಿಗಳ ಮಾರುಕಟ್ಟೆ ಮೌಲ್ಯವು 8.56 ಲಕ್ಷ ಕೋಟಿ ರೂ. ಅಥವಾ ಶೇ.45ರಷ್ಟು ಕರಗಿದೆ.
ಮೊದಲು ಅದಾನಿ ಷೇರುಗಳ ಮಾರುಕಟ್ಟೆ ಮೌಲ್ಯವು 19.2 ಲಕ್ಷ ಕೋಟಿ ರೂ. ಇತ್ತು. ಅದೀಗ(ಫೆ.2ರ ವಹಿವಾಟು ಅಂತ್ಯದ ಹೊತ್ತಿಗೆ) 10.5 ಲಕ್ಷ ಕೋಟಿ ರೂ.ಗೆ ಇಳಿದಿದೆ.
2.39 ಲಕ್ಷ ಕೋಟಿ ರೂ. ಕಳೆದುಕೊಂಡ ಅದಾನಿ ಗ್ಯಾಸ್‌:
ಅದಾನಿ ಗ್ರೂಪ್‌ನಲ್ಲಿ ಹೆಚ್ಚು ನಷ್ಟ ಅನುಭವಿಸಿದ ಕಂಪನಿಗಳಲ್ಲಿ ಅದಾನಿ ಟೋಟಲ್‌ ಗ್ಯಾಸ್‌ ಮೊದಲ ಸ್ಥಾನದಲ್ಲಿದೆ. ಈ ಕಂಪನಿಯು 2.39 ಲಕ್ಷ ಕೋಟಿ ರೂ. ಕಳೆದು ಕೊಂಡಿದೆ. ಅದಾನಿ ಎಂಟರ್‌ಪ್ರೈಸಸ್‌ಗೆ 1.86 ಲಕ್ಷ ಕೋಟಿ ರೂ. ನಷ್ಟವಾಗಿದೆ. ಅದಾನಿ ಗ್ರೀನ್‌ ಎನರ್ಜಿ 1.39 ಲಕ್ಷ ಕೋಟಿ ರೂ. ಮತ್ತು ಅದಾನಿ ಟ್ರಾನ್ಸ್‌ಮಿಷನ್‌ 1.33 ಲಕ್ಷ ಕೋಟಿ ರೂ. ಮಾರುಕಟ್ಟೆ ಮೌಲ್ಯವನ್ನು ಕಳೆದುಕೊಂಡಿವೆ.