ಏರಿಕೆ ಹಾದಿಯಲ್ಲಿ ಮುಂದುವರಿದ Paytm ಷೇರುಗಳು: ₹1000 ದಾಟಿದ ಸ್ಟಾಕ್ಸ್!

ಹೊಸದಿಲ್ಲಿ: ಬಹಳ ದಿನಗಳ ನಂತರ Paytm ಹೂಡಿಕೆದಾರರಿಗೆ ಸಿಹಿ ಸುದ್ದಿ ಬಂದಿದೆ. ಸತತ ಒಂಬತ್ತು ದಿನಗಳ ಕುಸಿತದ ನಂತರ ಶುಕ್ರವಾರದ ವಹಿವಾಟಿನಲ್ಲಿ ಪೇಟಿಎಂ ಷೇರುಗಳು ಏರಿಕೆ ಕಂಡಿವೆ. ದಿನದ ಆರಂಭಿಕ ವಹಿವಾಟಿನಲ್ಲಿ ಕಂಪನಿಯ ಷೇರುಗಳು ಕನಿಷ್ಠ ಮಟ್ಟಕ್ಕಿಳಿದು 995 ರೂ ತಲುಪಿತ್ತು. ಆದರೆ, ನಂತರದಲ್ಲಿ ವೇಗ ಹೆಚ್ಚಾಯಿತು. ಬೆಳಗ್ಗೆ 11 ಗಂಟೆ ವೇಳೆಗೆ ಪೇಟಿಎಂ ಷೇರು ಬಿಎಸ್‌ಇಯಲ್ಲಿ ಶೇ.2.68 ರಷ್ಟು ಏರಿಕೆಯೊಂದಿಗೆ 1059 ರೂ. ತಲುಪಿತು.

ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಯುಪಿಐ ಮೊತ್ತದ ಅತಿದೊಡ್ಡ ರಿಸೀವರ್ ಆಗಿ ಹೊರಹೊಮ್ಮಿದೆ. ಒಂದು ತಿಂಗಳಲ್ಲಿ 926 ಮಿಲಿಯನ್ ಯುಪಿಐ ವಹಿವಾಟು ಸಾಧಿಸಿದ ದೇಶದ ಮೊದಲ ಫಲಾನುಭವಿ ಬ್ಯಾಂಕ್ ಎಂದು ಬ್ಯಾಂಕ್ ಹೇಳಿಕೊಂಡಿದೆ. ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (ಎನ್‌ಪಿಸಿಐ) ದತ್ತಾಂಶದಲ್ಲಿ ಇದು ಬಹಿರಂಗವಾಗಿದೆ. ಈ ಕುರಿತ ವರದಿಯೇ ಕಂಪನಿಯ ಷೇರುಗಳ ಏರಿಕೆಗೆ ಪ್ರಮುಖ ಕಾರಣವಾಗಿದೆ.

ಇಳಿಯುತ್ತಲೇ ಸಾಗಿದೆ ಪೇಟಿಎಂ ಷೇರು ದರ, ಮಾರುಕಟ್ಟೆ ಮೌಲ್ಯದಲ್ಲಿ 50,000 ಕೋಟಿ ರೂ. ಇಳಿಕೆ!

ಮೊದಲ ದಿನವೇ ಭಾರೀ ಕುಸಿತ ಕಂಡಿತ್ತು
Paytm ನ IPO ನವೆಂಬರ್‌ನಲ್ಲಿ ಪ್ರವೇಶಿಸಿತ್ತು. ಕಂಪನಿಯ ಷೇರುಗಳು ನವೆಂಬರ್ 22 ರಂದು ಷೇರುಪೇಟೆಯಲ್ಲಿ ಪಟ್ಟಿ ಮಾಡಲ್ಪಟ್ಟವು ಮತ್ತು ಮೊದಲ ದಿನವೇ ಶೇ.27ರಷ್ಟು ಕುಸಿತ ಕಂಡಿದ್ದವು. ಅದರ ಅಂದಿನ ಬೆಲೆ ₹2,080 ರಿಂದ ₹2,150 ರೂ. ಇತ್ತು, ಈ ಮಟ್ಟವನ್ನು ಇದುವರೆಗೆ ತಲುಪಲಾಗಿಲ್ಲ. ಕಳೆದ ಒಂಬತ್ತು ದಿನಗಳ ಪತನದಲ್ಲಿ ಅದು ಒಟ್ಟು ಶೇ.21ರಷ್ಟು ಕಳೆದುಕೊಂಡಿತ್ತು. ಕಂಪನಿಯ ಸಂಸ್ಥಾಪಕ ವಿಜಯ್ ಶೇಖರ್ ಶರ್ಮಾ ಅವರು ಫ್ಲಾಪ್ ಪಟ್ಟಿಗೆ ಕೆಟ್ಟ ಸಮಯವನ್ನು ದೂಷಿಸಿದ್ದರು. ವಿವಿಧ ಕಾರಣಗಳಿಂದ ಮಾರುಕಟ್ಟೆಯ ಮೇಲೆ ಪರಿಣಾಮ ಬೀರುವ ಸಮಯದಲ್ಲಿ Paytm ನ IPO ಬಂದಿದೆ ಎಂದು ಅವರು ಹೇಳಿಕೆಯಲ್ಲಿ ತಿಳಿಸಿದ್ದರು.

Paytm: ಷೇರು ಮಾರುಕಟ್ಟೆ ಪ್ರವೇಶಿಸಿದ ಪೇಟಿಎಂಗೆ ನಿರಾಶಾದಾಯಕ ಸ್ವಾಗತ!

ವಾಣಿಜ್ಯ ಕ್ಷೇತ್ರದ 20 ಕ್ಕೂ ಹೆಚ್ಚು ವಲಯಗಳಿಗೆ ಸಂಬಂಧಿಸಿದ ಅತ್ಯುತ್ತಮ ಲೇಖನಗಳು ಮತ್ತು ಉದ್ಯಮಕ್ಕೆ ಸಂಬಂಧಿಸಿದ ಆಳವಾದ ಮಾಹಿತಿಗಾಗಿ ನೀವು ಎಕನಾಮಿಕ್ ಟೈಮ್ಸ್‌ ಓದಬಹುದು. ಮಾಹಿತಿಯುಕ್ತ ಲೇಖನಗಳನ್ನು ಓದಲು ಎಕನಾಮಿಕ್ ಟೈಮ್ಸ್ ಇಲ್ಲಿ ಕ್ಲಿಕ್ ಮಾಡಿ.