ಮಾರ್ಚ್ನಲ್ಲಿ ಸಂಕಷ್ಟಮಯ ಪರಿಸ್ಥಿತಿಯಲ್ಲಿ ಅದಾನಿ ಸಮೂಹದ ಕಂಪನಿಗಳಲ್ಲಿ 2 ಬಿಲಿಯನ್ ಡಾಲರ್ (ಸುಮಾರು 16,500 ಕೋಟಿ ರೂ.) ಹೂಡಿಕೆ ಮಾಡಿ ಗೌತಮ್ ಅದಾನಿ ಕೈ ಹಿಡಿದಿದ್ದ ರಾಜೀವ್ ಜೈನ್ ನೇತೃತ್ವದ ಜಿಕ್ಯೂಜಿ ಪಾರ್ಟ್ನರ್ಸ್ ಹೂಡಿಕೆಯಿಂದ ಇದೀಗ ಬಂಪರ್ ಲಾಭದಲ್ಲಿದೆ. ಈ ಹಿನ್ನೆಲೆಯಲ್ಲಿ ಮತ್ತೆ ಇದೀಗ ಅದಾನಿ ಸಮೂಹದ ಷೇರುಗಳಲ್ಲಿ 1 ಬಿಲಿಯನ್ ಡಾಲರ್ (8,267 ಕೋಟಿ ರೂ.) ಹೂಡಿಕೆ ಮಾಡಲು ಸಂಸ್ಥೆ ಮಾತುಕತೆ ನಡೆಸುತ್ತಿದೆ. ಒಂದೊಮ್ಮೆ ಹೂಡಿಕೆ ಮಾಡಿದ್ದೇ ಆದಲ್ಲಿ, ಈಗಾಗಲೇ ಷೇರು ಮಾರಾಟದ ಮೂಲಕ ಹಣ ಸಂಗ್ರಹಿಸಲು ಹೊರಟಿರುವ ಅದಾನಿ ಗ್ರೂಪ್ನ ಪ್ರಯತ್ನದ ಭಾಗ ಇದಾಗಿರಲಿದೆ. ಅದಾನಿ ಸಮೂಹಕ್ಕೆ ಸೇರಿದ ಅದಾನಿ ಎಂಟರ್ಪ್ರೈಸಸ್, ಅದಾನಿ ಗ್ರೀನ್ ಎನರ್ಜಿ ಮತ್ತು ಅದಾನಿ ಟ್ರಾನ್ಸ್ಮಿಷನ್ ಕಂಪನಿಗಳಲ್ಲಿ ಹೂಡಿಕೆ ಮಾಡಲು ಸಂಸ್ಥೆ ಉದ್ದೇಶಿಸಿದೆ.
ಮಾರ್ಚ್ನಲ್ಲಿ ಜಿಕ್ಯೂಜಿ ಪಾರ್ಟ್ನರ್ಸ್ ನಾಲ್ಕು ಅದಾನಿ ಗ್ರೂಪ್ ಕಂಪನಿಗಳಲ್ಲಿ 15,446 ಕೋಟಿ ರೂ. ಹೂಡಿಕೆ ಮಾಡಿತ್ತು. ಅದಾನಿ ಎಂಟರ್ಪ್ರೈಸಸ್, ಅದಾನಿ ಪೋರ್ಟ್ಸ್ ಆಂಡ್ ಸ್ಪೆಷಲ್ ಎಕನಾಮಿಕ್ ಝೋನ್, ಅದಾನಿ ಗ್ರೀನ್ ಎನರ್ಜಿ ಹಾಗೂ ಅದಾನಿ ಟ್ರಾನ್ಸ್ಮಿಷನ್ನಲ್ಲಿ ಸಂಸ್ಥೆ ಈ ಹಣವನ್ನು ಹೂಡಿತ್ತು. ಇತ್ತೀಚಿನ ಷೇರು ಬೆಲೆಗಳ ಪ್ರಕಾರ ಈ ಹೂಡಿಕೆಯ ಮೌಲ್ಯ 25,000 ಕೋಟಿ ರೂ.ಗಳನ್ನು ದಾಟಿದೆ.
ಅಮೆರಿಕದಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿರುವ ಜಿಕ್ಯೂಜಿ ತನ್ನ ಆರಂಭಿಕ ಹೂಡಿಕೆಯ ಬಳಿಕ ಮುಕ್ತ ಮಾರುಕಟ್ಟೆಯಲ್ಲಿ ಷೇರುಗಳನ್ನು ಖರೀದಿಸಿ ಅದಾನಿ ಗ್ರೂಪ್ನಲ್ಲಿನ ತನ್ನ ಪಾಲನ್ನು ಈಗಾಗಲೇ ಶೇ. 10ರಷ್ಟು ಹೆಚ್ಚಿಸಿದೆ ಎಂದು ಈ ಹೂಡಿಕೆ ನಿಧಿಯ ಸಂಸ್ಥಾಪಕ ಮತ್ತು ಮುಖ್ಯ ಹೂಡಿಕೆ ಅಧಿಕಾರಿ ರಾಜೀವ್ ಜೈನ್ ಹೇಳಿದ್ದಾರೆ.
ಮುಂದಿನ ಐದು ವರ್ಷಗಳಲ್ಲಿ ಜಿಕ್ಯೂಜಿಯು ಅದಾನಿ ಗ್ರೂಪ್ ಮಾಲೀಕರಾದ ಅದಾನಿ ಕುಟುಂಬದ ಬಳಿಕ ಅತಿ ಹೆಚ್ಚಿನ ಷೇರುಗಳನ್ನು ಹೊಂದಿರುವ ಸಂಸ್ಥೆಯಾಗಲು ಉದ್ದೇಶಿಸಿದೆ ಎಂದು ಅವರು ತಮ್ಮ ಬಯಕೆ ವ್ಯಕ್ತಪಡಿಸಿದ್ದಾರೆ.
ಅದಾನಿ ಗ್ರೂಪ್ ಷೇರುಗಳು ಇತ್ತೀಚಿನ ದಿನಗಳಲ್ಲಿ ತೀವ್ರ ಏರಿಕೆ ಕಂಡಿರುವ ಹಿನ್ನೆಲೆಯಲ್ಲಿ ಜಿಕ್ಯೂಜಿಯ ಹೂಡಿಕೆಯ ಮೌಲ್ಯವು ಈಗಾಗಲೇ 3.5 ಬಿಲಿಯನ್ ಡಾಲರ್ಗೆ ತಲುಪಿದೆ ಎಂದು ರಾಜೀವ್ ಜೈನ್ ತಿಳಿಸಿದ್ದಾರೆ.
ಜಿಕ್ಯೂಜಿ ಷೇರು ಮಾರುಕಟ್ಟೆಯಲ್ಲಿ ಪಟ್ಟಿ ಮಾಡಲ್ಪಟ್ಟಿರುವ ಆಸ್ಟ್ರೇಲಿಯಾದಲ್ಲಿ ಮಾರ್ಚ್ನಲ್ಲಿ ನಡೆದ ಹೂಡಿಕೆದಾರರೊಂದಿಗಿನ ಸಭೆಯಲ್ಲಿ ರಾಜೀವ್ ಜೈನ್, ಗೌತಮ್ ಅದಾನಿ ನೇತೃತ್ವದ ಸಂಘಟಿತ ಸಂಸ್ಥೆಯಲ್ಲಿ ನಾವು ಹೂಡಿಕೆಯನ್ನು ಹೆಚ್ಚಿಸುವ ಸಾಧ್ಯತೆ ಇದೆ ಎಂದು ಹೇಳಿದ್ದರು.
"ನಾವು ಬಹುಶಃ ಹೆಚ್ಚಿನ ಷೇರುಗಳನ್ನು ಖರೀದಿಸುವ ಸಾಧ್ಯತೆಗಳಿವೆ. ನಾವು ಸಾಮಾನ್ಯವಾಗಿ ಹೂಡಿಕೆಯನ್ನು ಪ್ರಾರಂಭಿಸುತ್ತೇವೆ ಹಾಗೂ ನಂತರ ಪರಿಸ್ಥಿತಿ ಹೇಗೆ ಮುಂದುವರಿಯುತ್ತದೆ, ಗಳಿಕೆಗಳು ಹೇಗೆ ಬರುತ್ತವೆ ಎಂಬುದರ ಆಧಾರದ ಮೇಲೆ ನಾವು ಪೂರ್ಣ ಪ್ರಮಾಣದ ಹೂಡಿಕೆಗೆ ಮುಂದಾಗುತ್ತೇವೆ. ಅದಾನಿ ಸಮೂಹದಲ್ಲಿ ಇನ್ನೂ ನಾವು ಪೂರ್ಣ ಪ್ರಮಾಣದ ಹೂಡಿಕೆ ಮಾಡಿಲ್ಲ,” ಎಂದು ಅವರು ಅದಾನಿ ಸಮೂಹದ ಹೂಡಿಕೆ ಸಂದರ್ಭದಲ್ಲಿ ತಿಳಿಸಿದ್ದರು.
ಮಾರ್ಚ್ನಲ್ಲಿ ಜಿಕ್ಯೂಜಿ ಪಾರ್ಟ್ನರ್ಸ್ ನಾಲ್ಕು ಅದಾನಿ ಗ್ರೂಪ್ ಕಂಪನಿಗಳಲ್ಲಿ 15,446 ಕೋಟಿ ರೂ. ಹೂಡಿಕೆ ಮಾಡಿತ್ತು. ಅದಾನಿ ಎಂಟರ್ಪ್ರೈಸಸ್, ಅದಾನಿ ಪೋರ್ಟ್ಸ್ ಆಂಡ್ ಸ್ಪೆಷಲ್ ಎಕನಾಮಿಕ್ ಝೋನ್, ಅದಾನಿ ಗ್ರೀನ್ ಎನರ್ಜಿ ಹಾಗೂ ಅದಾನಿ ಟ್ರಾನ್ಸ್ಮಿಷನ್ನಲ್ಲಿ ಸಂಸ್ಥೆ ಈ ಹಣವನ್ನು ಹೂಡಿತ್ತು. ಇತ್ತೀಚಿನ ಷೇರು ಬೆಲೆಗಳ ಪ್ರಕಾರ ಈ ಹೂಡಿಕೆಯ ಮೌಲ್ಯ 25,000 ಕೋಟಿ ರೂ.ಗಳನ್ನು ದಾಟಿದೆ.
ಅಮೆರಿಕದಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿರುವ ಜಿಕ್ಯೂಜಿ ತನ್ನ ಆರಂಭಿಕ ಹೂಡಿಕೆಯ ಬಳಿಕ ಮುಕ್ತ ಮಾರುಕಟ್ಟೆಯಲ್ಲಿ ಷೇರುಗಳನ್ನು ಖರೀದಿಸಿ ಅದಾನಿ ಗ್ರೂಪ್ನಲ್ಲಿನ ತನ್ನ ಪಾಲನ್ನು ಈಗಾಗಲೇ ಶೇ. 10ರಷ್ಟು ಹೆಚ್ಚಿಸಿದೆ ಎಂದು ಈ ಹೂಡಿಕೆ ನಿಧಿಯ ಸಂಸ್ಥಾಪಕ ಮತ್ತು ಮುಖ್ಯ ಹೂಡಿಕೆ ಅಧಿಕಾರಿ ರಾಜೀವ್ ಜೈನ್ ಹೇಳಿದ್ದಾರೆ.
ಮುಂದಿನ ಐದು ವರ್ಷಗಳಲ್ಲಿ ಜಿಕ್ಯೂಜಿಯು ಅದಾನಿ ಗ್ರೂಪ್ ಮಾಲೀಕರಾದ ಅದಾನಿ ಕುಟುಂಬದ ಬಳಿಕ ಅತಿ ಹೆಚ್ಚಿನ ಷೇರುಗಳನ್ನು ಹೊಂದಿರುವ ಸಂಸ್ಥೆಯಾಗಲು ಉದ್ದೇಶಿಸಿದೆ ಎಂದು ಅವರು ತಮ್ಮ ಬಯಕೆ ವ್ಯಕ್ತಪಡಿಸಿದ್ದಾರೆ.
ಅದಾನಿ ಗ್ರೂಪ್ ಷೇರುಗಳು ಇತ್ತೀಚಿನ ದಿನಗಳಲ್ಲಿ ತೀವ್ರ ಏರಿಕೆ ಕಂಡಿರುವ ಹಿನ್ನೆಲೆಯಲ್ಲಿ ಜಿಕ್ಯೂಜಿಯ ಹೂಡಿಕೆಯ ಮೌಲ್ಯವು ಈಗಾಗಲೇ 3.5 ಬಿಲಿಯನ್ ಡಾಲರ್ಗೆ ತಲುಪಿದೆ ಎಂದು ರಾಜೀವ್ ಜೈನ್ ತಿಳಿಸಿದ್ದಾರೆ.
ಜಿಕ್ಯೂಜಿ ಷೇರು ಮಾರುಕಟ್ಟೆಯಲ್ಲಿ ಪಟ್ಟಿ ಮಾಡಲ್ಪಟ್ಟಿರುವ ಆಸ್ಟ್ರೇಲಿಯಾದಲ್ಲಿ ಮಾರ್ಚ್ನಲ್ಲಿ ನಡೆದ ಹೂಡಿಕೆದಾರರೊಂದಿಗಿನ ಸಭೆಯಲ್ಲಿ ರಾಜೀವ್ ಜೈನ್, ಗೌತಮ್ ಅದಾನಿ ನೇತೃತ್ವದ ಸಂಘಟಿತ ಸಂಸ್ಥೆಯಲ್ಲಿ ನಾವು ಹೂಡಿಕೆಯನ್ನು ಹೆಚ್ಚಿಸುವ ಸಾಧ್ಯತೆ ಇದೆ ಎಂದು ಹೇಳಿದ್ದರು.
"ನಾವು ಬಹುಶಃ ಹೆಚ್ಚಿನ ಷೇರುಗಳನ್ನು ಖರೀದಿಸುವ ಸಾಧ್ಯತೆಗಳಿವೆ. ನಾವು ಸಾಮಾನ್ಯವಾಗಿ ಹೂಡಿಕೆಯನ್ನು ಪ್ರಾರಂಭಿಸುತ್ತೇವೆ ಹಾಗೂ ನಂತರ ಪರಿಸ್ಥಿತಿ ಹೇಗೆ ಮುಂದುವರಿಯುತ್ತದೆ, ಗಳಿಕೆಗಳು ಹೇಗೆ ಬರುತ್ತವೆ ಎಂಬುದರ ಆಧಾರದ ಮೇಲೆ ನಾವು ಪೂರ್ಣ ಪ್ರಮಾಣದ ಹೂಡಿಕೆಗೆ ಮುಂದಾಗುತ್ತೇವೆ. ಅದಾನಿ ಸಮೂಹದಲ್ಲಿ ಇನ್ನೂ ನಾವು ಪೂರ್ಣ ಪ್ರಮಾಣದ ಹೂಡಿಕೆ ಮಾಡಿಲ್ಲ,” ಎಂದು ಅವರು ಅದಾನಿ ಸಮೂಹದ ಹೂಡಿಕೆ ಸಂದರ್ಭದಲ್ಲಿ ತಿಳಿಸಿದ್ದರು.