ಅದಾನಿ-ಹಿಂಡನ್ಬರ್ಗ್ ಪ್ರಕರಣದ ವಿಚಾರಣೆಯನ್ನು ಸುಪ್ರೀಂ ಕೋರ್ಟ್ ಮುಂದೂಡಿಕೆ ಮಾಡಿದೆ. ಷೇರು ಮಾರುಕಟ್ಟೆ ನಿಯಂತ್ರಕ ಸಂಸ್ಥೆ ಸೆಬಿಯು ತನ್ನ ತನಿಖೆಗೆ ಸಂಬಂಧಿಸಿದಂತೆ ಸ್ಥಿತಿಗತಿ ವರದಿಯನ್ನು ಸುಪ್ರೀಂ ಕೋರ್ಟ್‌ಗೆ ಸಲ್ಲಿಸಿರುವ ನಡುವೆಯೇ ವಿಚಾರಣೆಯನ್ನು ಮುಂದೂಡಲಾಗಿದೆ.
ಬಂದರಿನಿಂದ ಇಂಧನದವರೆ ವಿವಿಧ ಉದ್ಯಮಗಳಲ್ಲಿ ತೊಡಗಿಸಿಕೊಂಡಿರುವ ಸಂಘಟಿತ ಸಂಸ್ಥೆ ಅದಾನಿ ವಿರುದ್ಧ ಜನವರಿಯಲ್ಲಿ ಶಾರ್ಟ್ ಸೆಲ್ಲರ್‌ ಹಿಂಡನ್ಬರ್ಗ್ ರಿಸರ್ಚ್ ವಿವಿಧ ಆರೋಪಗಳನ್ನು ಮಾಡಿತ್ತು. ಈ ಆರೋಪಗಳ ಸಂಬಂಧ ನಡೆಸಿದ ತನಿಖೆಯ ವರದಿಯನ್ನು ಸೆಬಿ ಆಗಸ್ಟ್ 25 ರಂದು ಸುಪ್ರೀಂ ಕೋರ್ಟ್‌ಗೆ ಸಲ್ಲಿಸಿದೆ.
ಗಮನಾರ್ಹ ಸಂಖ್ಯೆಯ ಘಟಕಗಳು ಕಡಲಾಚೆಯ ತೆರಿಗೆ ಸ್ವರ್ಗಗಳಲ್ಲಿ ನೆಲೆಗೊಂಡಿವೆ. ಹೀಗಾಗಿ 12 ವಿದೇಶಿ ಪೋರ್ಟ್‌ಫೋಲಿಯೊ ಹೂಡಿಕೆದಾರರ (ಎಫ್‌ಪಿಐ) ಷೇರುದಾರರ ಹಣಕಾಸಿನ ಪಾಲನ್ನು ನಿರ್ಧರಿಸುವುದು ತನಿಖೆಯಲ್ಲಿ ಸವಾಲಿನ ಅಂಶವಾಗಿದೆ ಎಂದು ಸೆಬಿ ತನ್ನ ವರದಿಯಲ್ಲಿ ಹೇಳಿದೆ.
ಸಂಘಟಿತ ಸಂಸ್ಥೆಯೊಂದಿಗೆ ತೊಡಗಿಸಿಕೊಂಡಿರುವ ವಿದೇಶಿ ಹೂಡಿಕೆದಾರರ ಹಿಂದಿರುವ ನಿಜವಾದ ಫಲಾನುಭವಿಗಳನ್ನು ಗುರುತಿಸಲು ಐದು ಕಡಲಾಚೆಯ ತೆರಿಗೆ ಸ್ವರ್ಗಗಳಿಂದ ದತ್ತಾಂಶಗಳನ್ನು ನಿರೀಕ್ಷಿಸಲಾಗುತ್ತಿದೆ ಎಂದು ಸೆಬಿ ಸುಪ್ರೀಂ ಕೋರ್ಟ್‌ಗೆ ತಿಳಿಸಿದೆ ಎಂದು ಪಿಟಿಐ ವರದಿ ಮಾಡಿದೆ.
ಅದಾನಿ ಷೇರುಗಳ ಬೆಲೆ ಕುಸಿದಿದ್ದರಿಂದ 12 ಸಂಸ್ಥೆಗಳಿಗೆ ಲಾಭವಾಗಿದೆ ಎಂದು ಜಾರಿ ನಿರ್ದೇಶನಾಲಯ (ಇಡಿ) ಪತ್ತೆ ಹಚ್ಚಿರುವುದಾಗಿ ಇಂಡಿಯನ್ ಎಕ್ಸ್‌ಪ್ರೆಸ್‌ನ ವರದಿಯು ಹೇಳಿದೆ. ಶಾರ್ಟ್-ಸೆಲ್ಲರ್‌ಗಳಲ್ಲಿ ಎರಡು ಭಾರತೀಯ ಕಂಪನಿಗಳೂ ಸೇರಿದ್ದು, ಒಂದು ನವದೆಹಲಿಯಲ್ಲಿ ಮತ್ತು ಇನ್ನೊಂದು ಮುಂಬೈನಲ್ಲಿ ನೋಂದಾವಣೆಗೊಂಡಿದೆ ಎಂದು ವರದಿ ವಿವರ ನೀಡಿದೆ.
ಇವರಲ್ಲಿ ದೆಹಲಿ ಮೂಲದ ಕಂಪನಿಯ ಮಾಲೀಕರು, ಹೂಡಿಕೆದಾರರಿಗೆ ವಂಚಿಸಿದ ಮತ್ತು ಷೇರು ಮಾರುಕಟ್ಟೆಯಲ್ಲಿ ಮ್ಯಾನುಪ್ಯುಲೇಷನ್‌ ನಡೆಸಿದ ಆರೋಪ ಹೊಂದಿದ್ದು, ಇವರು ಸೆಬಿಯಿಂದ ಆದೇಶವನ್ನೂ ಪಡೆದವರಾಗಿದ್ದಾರೆ ಎಂದು ವರದಿ ಹೇಳಿದೆ.
ಅಮೆರಿಕದಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿರುವ ಹಿಂಡನ್ಬರ್ಗ್ ರಿಸರ್ಚ್ ಎತ್ತಿದ ಆಡಳಿತದ ಆತಂಕಗಳಿಗೆ ಪ್ರತಿಕ್ರಿಯೆಯಾಗಿ ಸೆಬಿ ಸಂಸ್ಥೆಯು ಗೌತಮ್ ಅದಾನಿ ನೇತೃತ್ವದ ಗುಂಪಿನ ಬಗ್ಗೆ ತನಿಖೆಯನ್ನು ಪ್ರಾರಂಭಿಸಿತ್ತು. ಹಿಂಡನ್ಬರ್ಗ್ ವರದಿಯಿಂದ ಒಂದು ಹಂತದಲ್ಲಿ ಅದಾನಿ ಕಂಪನಿಗಳ ಮಾರುಕಟ್ಟೆ ಮೌಲ್ಯ ಸುಮಾರು 150 ಬಿಲಿಯನ್‌ ಡಾಲರ್‌ಗಳಷ್ಟು ಕುಸಿತ ಕಂಡಿತ್ತು.
ಬಂದರಿನಿಂದ ಇಂಧನದವರೆ ವಿವಿಧ ಉದ್ಯಮಗಳಲ್ಲಿ ತೊಡಗಿಸಿಕೊಂಡಿರುವ ಸಂಘಟಿತ ಸಂಸ್ಥೆ ಅದಾನಿ ವಿರುದ್ಧ ಜನವರಿಯಲ್ಲಿ ಶಾರ್ಟ್ ಸೆಲ್ಲರ್‌ ಹಿಂಡನ್ಬರ್ಗ್ ರಿಸರ್ಚ್ ವಿವಿಧ ಆರೋಪಗಳನ್ನು ಮಾಡಿತ್ತು. ಈ ಆರೋಪಗಳ ಸಂಬಂಧ ನಡೆಸಿದ ತನಿಖೆಯ ವರದಿಯನ್ನು ಸೆಬಿ ಆಗಸ್ಟ್ 25 ರಂದು ಸುಪ್ರೀಂ ಕೋರ್ಟ್‌ಗೆ ಸಲ್ಲಿಸಿದೆ.
ಗಮನಾರ್ಹ ಸಂಖ್ಯೆಯ ಘಟಕಗಳು ಕಡಲಾಚೆಯ ತೆರಿಗೆ ಸ್ವರ್ಗಗಳಲ್ಲಿ ನೆಲೆಗೊಂಡಿವೆ. ಹೀಗಾಗಿ 12 ವಿದೇಶಿ ಪೋರ್ಟ್‌ಫೋಲಿಯೊ ಹೂಡಿಕೆದಾರರ (ಎಫ್‌ಪಿಐ) ಷೇರುದಾರರ ಹಣಕಾಸಿನ ಪಾಲನ್ನು ನಿರ್ಧರಿಸುವುದು ತನಿಖೆಯಲ್ಲಿ ಸವಾಲಿನ ಅಂಶವಾಗಿದೆ ಎಂದು ಸೆಬಿ ತನ್ನ ವರದಿಯಲ್ಲಿ ಹೇಳಿದೆ.
ಸಂಘಟಿತ ಸಂಸ್ಥೆಯೊಂದಿಗೆ ತೊಡಗಿಸಿಕೊಂಡಿರುವ ವಿದೇಶಿ ಹೂಡಿಕೆದಾರರ ಹಿಂದಿರುವ ನಿಜವಾದ ಫಲಾನುಭವಿಗಳನ್ನು ಗುರುತಿಸಲು ಐದು ಕಡಲಾಚೆಯ ತೆರಿಗೆ ಸ್ವರ್ಗಗಳಿಂದ ದತ್ತಾಂಶಗಳನ್ನು ನಿರೀಕ್ಷಿಸಲಾಗುತ್ತಿದೆ ಎಂದು ಸೆಬಿ ಸುಪ್ರೀಂ ಕೋರ್ಟ್‌ಗೆ ತಿಳಿಸಿದೆ ಎಂದು ಪಿಟಿಐ ವರದಿ ಮಾಡಿದೆ.
ಅದಾನಿ ಷೇರುಗಳ ಬೆಲೆ ಕುಸಿದಿದ್ದರಿಂದ 12 ಸಂಸ್ಥೆಗಳಿಗೆ ಲಾಭವಾಗಿದೆ ಎಂದು ಜಾರಿ ನಿರ್ದೇಶನಾಲಯ (ಇಡಿ) ಪತ್ತೆ ಹಚ್ಚಿರುವುದಾಗಿ ಇಂಡಿಯನ್ ಎಕ್ಸ್‌ಪ್ರೆಸ್‌ನ ವರದಿಯು ಹೇಳಿದೆ. ಶಾರ್ಟ್-ಸೆಲ್ಲರ್‌ಗಳಲ್ಲಿ ಎರಡು ಭಾರತೀಯ ಕಂಪನಿಗಳೂ ಸೇರಿದ್ದು, ಒಂದು ನವದೆಹಲಿಯಲ್ಲಿ ಮತ್ತು ಇನ್ನೊಂದು ಮುಂಬೈನಲ್ಲಿ ನೋಂದಾವಣೆಗೊಂಡಿದೆ ಎಂದು ವರದಿ ವಿವರ ನೀಡಿದೆ.
ಇವರಲ್ಲಿ ದೆಹಲಿ ಮೂಲದ ಕಂಪನಿಯ ಮಾಲೀಕರು, ಹೂಡಿಕೆದಾರರಿಗೆ ವಂಚಿಸಿದ ಮತ್ತು ಷೇರು ಮಾರುಕಟ್ಟೆಯಲ್ಲಿ ಮ್ಯಾನುಪ್ಯುಲೇಷನ್‌ ನಡೆಸಿದ ಆರೋಪ ಹೊಂದಿದ್ದು, ಇವರು ಸೆಬಿಯಿಂದ ಆದೇಶವನ್ನೂ ಪಡೆದವರಾಗಿದ್ದಾರೆ ಎಂದು ವರದಿ ಹೇಳಿದೆ.
ಅಮೆರಿಕದಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿರುವ ಹಿಂಡನ್ಬರ್ಗ್ ರಿಸರ್ಚ್ ಎತ್ತಿದ ಆಡಳಿತದ ಆತಂಕಗಳಿಗೆ ಪ್ರತಿಕ್ರಿಯೆಯಾಗಿ ಸೆಬಿ ಸಂಸ್ಥೆಯು ಗೌತಮ್ ಅದಾನಿ ನೇತೃತ್ವದ ಗುಂಪಿನ ಬಗ್ಗೆ ತನಿಖೆಯನ್ನು ಪ್ರಾರಂಭಿಸಿತ್ತು. ಹಿಂಡನ್ಬರ್ಗ್ ವರದಿಯಿಂದ ಒಂದು ಹಂತದಲ್ಲಿ ಅದಾನಿ ಕಂಪನಿಗಳ ಮಾರುಕಟ್ಟೆ ಮೌಲ್ಯ ಸುಮಾರು 150 ಬಿಲಿಯನ್‌ ಡಾಲರ್‌ಗಳಷ್ಟು ಕುಸಿತ ಕಂಡಿತ್ತು.