Shoppers Stop: ಈ ಷೇರಿನಲ್ಲಿ ಹೂಡಿದ ಹಣ ಎರಡೇ ವರ್ಷಗಳಲ್ಲಿ ಡಬಲ್‌ ಅಲ್ಲ ತ್ರಿಬಲ್‌!

ಶಾಪರ್ಸ್ ಸ್ಟಾಪ್ ಲಿ. 1991ರಲ್ಲಿ ಸ್ಥಾಪನೆಯಾದ ಫ್ಯಾಷನ್ ಮತ್ತು ಸೌಂದರ್ಯ ಬ್ರಾಂಡ್‌ಗಳ ದೇಶದ ಪ್ರಮುಖ ಚಿಲ್ಲರೆ ವ್ಯಾಪಾರ ಸಂಸ್ಥೆಯಾಗಿದೆ. 47 ನಗರಗಳಲ್ಲಿ 90 ಮಳಿಗೆಗಳನ್ನು ಹೊಂದಿರುವ ಕಂಪನಿ, 11 ಪ್ರೀಮಿಯಂ ಹೋಮ್ ಕಾನ್ಸೆಪ್ಟ್ ಸ್ಟೋರ್‌ಗಳು, 138 ವಿಶೇಷ ಸೌಂದರ್ಯ ಮಳಿಗೆಗಳಾದ ಮ್ಯಾಕ್‌ (ಎಂಎಸಿ), ಎಸ್ಟೀ ಲಾಡರ್, ಬಾಬ್ಬಿ ಬ್ರೌನ್, ಕ್ಲಿನಿಕ್, ಜೋ ಮ್ಯಾಲೋನ್, ಟೂ ಫೇಸ್‌ಡ್‌, ಎಸ್‌ಎಸ್ ಬ್ಯೂಟಿ ಮತ್ತು 25 ಏರ್‌ಪೋರ್ಟ್ಸ್‌ ಡೋರ್ಸ್‌ಗಳನ್ನು ಹೊಂದಿದ್ದು 38 ಲಕ್ಷ ಚದರ ಅಡಿ ಪ್ರದೇಶವನ್ನು ಆಕ್ರಮಿಸಿಕೊಂಡಿವೆ.

ಶಾಪರ್ಸ್‌ ಸ್ಟಾಪ್‌ ಲಿ. ಎಸ್‌&ಪಿ ಬಿಎಸ್‌ಇ ಸ್ಮಾಲ್‌ಕ್ಯಾಪ್‌ ಕಂಪನಿಯಾಗಿದ್ದು ಕಳೆದ ಎರಡು ವರ್ಷಗಳಲ್ಲಿ ತನ್ನ ಷೇರುದಾರರಿಗೆ ಮಲ್ಟಿಬ್ಯಾಗರ್ ರಿಟರ್ನ್‌ಗಳನ್ನು ನೀಡಿದೆ. ಈ ಅವಧಿಯಲ್ಲಿ, ಕಂಪನಿಯ ಷೇರಿನ ಬೆಲೆಯು ಆಗಸ್ಟ್ 11, 2020 ರಂದು ಇದ್ದ 154.93 ರೂ.ನಿಂದ ಆಗಸ್ಟ್ 08, 2022 ರಂದು 602.25 ರೂ.ಗೆ ಜಿಗಿದಿದೆ. ಈ ಮೂಲಕ ಕಳೆದ ಎರಡು ವರ್ಷಗಳಲ್ಲಿ ಶೇ. 289ರಷ್ಟು ಏರಿಕೆ ಕಂಡಿದೆ. ಈ ಅವಧಿಯಲ್ಲಿ ಸೂಚ್ಯಂಕವು ಆಗಸ್ಟ್ 11ರಂದು 2020 ರಂದು ಇದ್ದ 13,837.26ರ ಮಟ್ಟದಿಂದ ಆಗಸ್ಟ್ 8, 2022 ರಂದು 27,682.44 ಮಟ್ಟಕ್ಕೆ ಏರಿಕೆಯಾಗಿದ್ದು, ಶೇ. 100ರಷ್ಟು ಹೆಚ್ಚಳವಾಗಿದೆ. ಈ ರಿಟರ್ನ್ಸ್‌ನೊಂದಿಗೆ ಎಸ್‌&ಪಿ ಬಿಎಸ್‌ಇ ಸ್ಮಾಲ್‌ಕ್ಯಾಪ್‌ ಇಂಡೆಕ್ಸ್‌ ನೀಡಿದ ಆದಾಯಕ್ಕಿಂತ 2.89 ಪಟ್ಟು ಹೆಚ್ಚಿನ ಆದಾಯವನ್ನು ಇದೇ ಸೂಚ್ಯಂಕದ ಭಾಗವಾಗಿರುವ ಕಂಪನಿ ನೀಡಿದೆ.

ಏಕೀಕೃತ ಆಧಾರದ ಮೇಲೆ ಕಂಪನಿಯು ಜೂನ್ 30, 2022ರಂದು ಕೊನೆಗೊಂಡ ತ್ರೈಮಾಸಿಕದಲ್ಲಿ 22.83 ಕೋಟಿ ರೂ. ನಿವ್ವಳ ಲಾಭವನ್ನು ವರದಿ ಮಾಡಿದೆ. ಹಿಂದಿನ ವರ್ಷದ ಇದೇ ತ್ರೈಮಾಸಿಕದಲ್ಲಿ ಕಂಪನಿ 104.89 ಕೋಟಿ ರೂ. ನಿವ್ವಳ ನಷ್ಟವನ್ನು ವರದಿ ಮಾಡಿತ್ತು. ಕಂಪನಿಯ ಒಟ್ಟು ಆದಾಯವು ಹಿಂದಿನ ವರ್ಷದ ಇದೇ ತ್ರೈಮಾಸಿಕದಲ್ಲಿ 269.50 ಕೋಟಿ ರೂ. ಇದ್ದದ್ದು ಈ ಬಾರಿ 954.00 ಕೋಟಿ ರೂ.ಗೆ ಏರಿಕೆಯಾಗಿದ್ದು 3 ಪಟ್ಟು ಹೆಚ್ಚಳವಾಗಿದೆ. ಇದರೊಂದಿಗೆ ಕಂಪನಿಯು ಸಾಲ ಮುಕ್ತವಾಗಿದ್ದು, ಜೂನ್ ತ್ರೈಮಾಸಿಕದಲ್ಲಿ 6 ಹೊಸ ಮಳಿಗೆಗಳನ್ನು ತೆರೆಯುವಲ್ಲಿಯೂ ಯಶಸ್ವಿಯಾಗಿದೆ

ಗುರುವಾರ ಬೆಳಿಗ್ಗೆ 9:58 ಗಂಟೆಗೆ ಶಾಪರ್ಸ್ ಸ್ಟಾಪ್ ಲಿಮಿಟೆಡ್‌ನ ಷೇರುಗಳು 618.10 ರೂ.ನಲ್ಲಿ ವಹಿವಾಟು ನಡೆಸುತ್ತಿದ್ದವು. ಇದು ಬಿಎಸ್‌ಇಯಲ್ಲಿ ಷೇರಿನ ಹಿಂದಿನ ಮುಕ್ತಾಯದ ಬೆಲೆ 610.85 ರೂ.ಗಿಂತ ಶೇ. 1.17ರಷ್ಟು ಹೆಚ್ಚಾಗಿದೆ. ಬಿಎಸ್‌ಇನಲ್ಲಿ ಷೇರುಗಳ 52 ವಾರಗಳ ಗರಿಷ್ಠ ದರ 629.70 ರೂ. ಮತ್ತು 52 ವಾರಗಳ ಕನಿಷ್ಠ ದರ 225.75 ರೂ.ಗಳಾಗಿವೆ.

ಈ ಲೇಖನವನ್ನು ಭಾರತದ ನಂ.1 ಹೂಡಿಕೆ ನಿಯತಕಾಲಿಕ 'ದಲಾಲ್ ಸ್ಟ್ರೀಟ್ ಇನ್ವೆಸ್ಟ್‌ಮೆಂಟ್ ಜರ್ನಲ್'ನಿಂದ ನಡೆಸಲಾಗುತ್ತಿದೆ. ಲಾಭದಾಯಕ ಷೇರುಗಳ ಬಗ್ಗೆ ನಿಯಮಿತವಾಗಿ ಮಾಹಿತಿ ಮತ್ತು ಶಿಫಾರಸುಗಳನ್ನು ಪಡೆಯಲು ಇಲ್ಲಿ ಕ್ಲಿಕ್ಮಾಡುವ ಮೂಲಕ ಸೇರಿಕೊಳ್ಳಿ.

This above is third-party content and TIL hereby disclaims any and all warranties, express or implied, relating to the same. TIL does not guarantee, vouch for or endorse any of the above content or its accuracy nor is responsible for it in any manner whatsoever. The content does not constitute any investment advice or solicitation of any kind. Users are advised to check with certified experts before taking any investment decision and take all steps necessary to ascertain that any information and content provided is correct, updated and verified.