ಆ್ಯಪ್ನಗರ

ಶಾರದಾ ಚಿಟ್‌ ಫಂಡ್‌ ಹಗರಣದಲ್ಲಿ ತನಿಖೆ ಎದುರಿಸುತ್ತಿರುವ ಚಿದಂಬರಂ ಪತ್ನಿ!

ಒಟ್ಟಾರೆ ಕಾಂಗ್ರೆಸ್‌ ಹಿರಿಯ ನಾಯಕ, ಮಾಜಿ ವಿತ್ತ ಸಚಿವ ಪಿ.ಚಿದಂಬರಂ, ಪತ್ನಿ ನಳಿನಿ ಚಿದಂಬರಂ ಮತ್ತು ಮಗ ಕಾರ್ತಿ ಚಿದಂಬರಂ ಎಲ್ಲರೂ ಭಾರಿ ಹಗರಣವನ್ನು ಎದುರಿಸುತ್ತಿದ್ದಾರೆ.

Vijaya Karnataka Web 22 Aug 2019, 2:39 pm
ಹೊಸದಿಲ್ಲಿ: ಮಾಜಿ ವಿತ್ತ ಸಚಿವ ಪಿ ಚಿದಂಬರಂ ಅವರ ಇಡೀ ಕುಟುಂಬವೇ ಭಾರಿ ಹಗರಣಗಳ ಆರೋಪ ಎದುರಿಸುತ್ತಿದೆ. ಅಪ್ಪ-ಮಗ ಐಎನ್‌ಎಕ್ಸ್‌ ಮೀಡಿಯಾ ಮತ್ತು ಏರ್‌ಸೆಲ್‌ ಮ್ಯಾಕ್ಸಿಸ್‌ ಹಗರಣದ ಆರೋಪ ಎದುರಿಸುತ್ತಿದ್ದರೆ, ಚಿದಂಬರಂ ಪತ್ನಿ ನಳಿನಿ ಚಿದಂಬರಂ ಶಾರಾದಾ ಚಿಟ್‌ ಫಂಡ್‌ ಹಗರಣದಲ್ಲಿ ಸಿಬಿಐ ತನಿಖೆ ಎದುರಿಸುತ್ತಿದ್ದಾರೆ.
Vijaya Karnataka Web Nalini Chidambaram


ಶಾರದಾ ಚಿಟ್‌ ಫಂಡ್‌ ಹಗರಣಕ್ಕೆ ಸಂಬಂಧಿಸಿ ಸುಮಾರು 1.4 ಕೋಟಿ ರೂ. ಲಂಚ ಸ್ವೀಕರಿಸಿದ ಆರೋಪವನ್ನು ನಳಿನಿ ಚಿದಂಬರಂ ಹೊತ್ತಿದ್ದಾರೆ. ಶಾರದಾ ಗ್ರೂಪ್‌ನ ಮಾಲೀಕ ಸುದೀಪ್ತ ಸೇನ್‌ ಜತೆಗೂಡಿ ವಂಚನೆಯ ಸೂತ್ರಧಾರಿಗಳಾಗಿದ್ದಾರೆ ಎಂದು ಸಿಬಿಐ ತನ್ನ ಆರೋಪಪಟ್ಟಿಯಲ್ಲಿ ಹೇಳಿದೆ. ಒಟ್ಟಾರೆ ಮಾಜಿ ಹಣಕಾಸು ಸಚಿವ ಚಿದಂಬರಂ ಹಾಗೂ ಅವರ ಕುಟುಂಬ ಭಾರಿ ಹಗರಣಗಳ ಆರೋಪ ಎದುರಿಸುತ್ತಿರುವುದು ವಿಪರ್ಯಾಸ.

ಇಂದ್ರಾಣಿ ಮುಖರ್ಜಿಯಾ ನೀಡಿದ್ದ ಈ ಹೇಳಿಕೆಯೇ ಚಿದಂಬರಂಗೆ ಮುಳುವಾಯಿತೆ?

ಐಎನ್‌ಎಕ್ಸ್‌ ಮೀಡಿಯಾ ಪ್ರಕರಣದಲ್ಲಿ ಇಂದ್ರಾಣಿ ಮುಖರ್ಜಿ ತಪ್ಪೊಪ್ಪಿಗೆ ನೀಡಿ ಮಾಫಿ ಸಾಕ್ಷಿಯಾಗಿ ಬದಲಾದ ನಂತರ ಕೇಸ್‌ ಬಲವಾಗಿತ್ತು. ಇಂದ್ರಾಣಿ ಮುಖರ್ಜಿ ಅವರು ದಿಲ್ಲಿ ಕೋರ್ಟ್‌ನಲ್ಲಿ ತಪ್ಪೊಪ್ಪಿಗೆ ನೀಡಿದ್ದರು. ಇದರೊಂದಿಗೆ ಇಂದ್ರಾಣಿ, ಅವರ ಪತಿ ಪೀಟರ್‌ ಮುಖರ್ಜಿ, ಚಿದಂಬರಂ ಹಾಗೂ ಕಾರ್ತಿ ಚಿದಂಬರಂ ಹಗರಣದಲ್ಲಿ ಷಾಮೀಲಾಗಿರುವ ಆರೋಪಕ್ಕೆ ಮತ್ತಷ್ಟು ಪುಷ್ಟಿ ಸಿಕ್ಕಿತ್ತು.

ಐಎನ್‌ಎಕ್ಸ್‌ ಮೀಡಿಯಾ ಹಗರಣ: ಚಿದಂಬರಂ ತೊಂದರೆಗೆ ಸಿಕ್ಕಿಹಾಕಿಕೊಂಡಿದ್ದು ಹೇಗೆ?

3 ಕೋಟಿ ರೂ. ಲಂಚ?: ವಿತ್ತ ಸಚಿವಾಲಯದ ವ್ಯಾಪ್ತಿಯಲ್ಲಿ­ರುವ ಬೋರ್ಡ್‌ನಲ್ಲಿ ಕಾರ್ತಿ ಗೋಲ್‌ಮಾಲ್‌ ಮಾಡಿ, ಐಎನ್‌ಎಕ್ಸ್‌ ಮೀಡಿಯಾಗೆ ತೆರಿಗೆ ವಂಚನೆಗೆ ಸಹಕರಿಸಿದ್ದರು. ಇದಕ್ಕೆ ಪ್ರತಿಯಾಗಿ ಅವರಿಗೆ 3 ಕೋಟಿ ರೂ. ಲಂಚ ಸಂದಾಯವಾಗಿತ್ತು ಎಂದು ಸಿಬಿಐ ಆರೋಪಿಸಿದೆ.

ಚಿದಂಬರಂ, ಕಾರ್ತಿ ಬರೋಬ್ಬರಿ ಎಷ್ಟು ಬಾರಿ ಬೇಲ್‌ ಪಡೆದಿದ್ದಾರೆ?

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ