ಜೋಕ್‌ಬಾಕ್ಸ್‌

ಹೆಂಡತಿ: ರೀ, ನಿನ್ನೆ ರಾತ್ರಿ ನನ್ನ ಕನಸಿನಲ್ಲಿ ನೀವು ನನಗೆ ಚಿನ್ನದ ಸರ, ಓಲೆ, ಬಳೆ ಎಲ್ಲಾ ಕೊಡ್ಸಿದ್ರಿ ಗೊತ್ತಾ?

ಪತಿ: ಹೌದಾ!? ಸರಿ, ಹುಷಾರಾಗಿ ಇಟ್ಕೊ. ಮತ್ತೆ ಮತ್ತೆ ಕೊಡ್ಸೋಕೆ ಆಗಲ್ಲ!

*

ಪತ್ನಿ ಐಸಿಯುನಲ್ಲಿ ದಾಖಲಾಗಿದ್ದಳು. ಪತಿ ಕಣ್ಣೀರಿಡುತ್ತಿದ್ದ.

ವೈದ್ಯ: ನಾವು ನಮ್ಮಿಂದಾಗುವ ಎಲ್ಲಾ ಪ್ರಯತ್ನ ಮಾಡಿದ್ದೇವೆ. ಆದರೆ ಆಕೆಯ ದೇಹ ಯಾವುದಕ್ಕೂ ಸ್ಪಂದಿಸುತ್ತಿಲ್ಲ. ಆಕೆ ಕೋಮಾಕ್ಕೆ ಹೋಗಿರಬಹುದು.

ಪತಿ: ಅವಳನ್ನು ಉಳಿಸಿ ಡಾಕ್ಟ್ರೇ. ಆಕೆಗೆ ಈಗ 50 ವರ್ಷ. ನಮ್ಮ ಕುಟುಂಬಕ್ಕೆ ಆಕೆಯ ಅಗತ್ಯವಿದೆ.

ಆಗ ಇಸಿಜಿ ಯಂತ್ರ ಜೋರಾಗಿ ಬೀಪ್‌ ಆಗಲು ಶುರುವಾಯ್ತು.

ಬೆಡ್‌ನಲ್ಲಿದ್ದ ಪತ್ನಿ ಇದಕ್ಕಿದ್ದಂತೆ ಎದ್ದು ನನಗೆ ಕೇವಲ 49 ವರ್ಷ ಎಂದಳು!