ಮಹಿಳೆಯ ಗಾಡಿ ನಂಬರ್‌ ನೋಡದ ಗಂಡನ ಪಾಡು ಏನಾಯ್ತು ಗೊತ್ತಾ

ಊದಿಕೊಂಡ ಬಲಗಣ್ಣು, ಕೈ ಕಾಲುಗಳ ಮೇಲೆ ತರಚಿದ ಗಾಯಗಳಿಂದ, ಗಂಡ ಮನೆಗೆ ಬಂದ. ಗಾಬರಿಗೊಂಡ ಹೆಂಡತಿ ಕೇಳಿದಳು ಏನಾಯ್ತು ರೀ?

ಗಂಡ: ಏನಿಲ್ಲ ಟೂವೀಲರ್‌ ಓಡಿಸುತ್ತಿದ್ದ ಮಹಿಳೆಯೊಬ್ಬಳು ಡಿಕ್ಕಿ ಹೊಡೆದು ಹೋದಳು.

ಹೆಂಡತಿ: ಅಯ್ಯೋ ತುಂಬಾ ಪೆಟ್ಟಾಯ್ತಾ? ಗಾಡಿ ನಂಬರ್‌ ಬರೆದು ಕೊಂಡ್ರಾ? ಅವಳು ಯಾರು? ಅವಳ ಬಗ್ಗೆ ಏನಾದ್ರೂ ಗೊತ್ತಾಯ್ತಾ?

ಗಂಡ: ಇಲ್ಲ. ತುಂಬಾ ನೋವಾಗ್ತಾ ಇತ್ತು. ಗಾಡಿ ನಂಬರ್‌ ನೋಡಕೆ ಆಗಲಿಲ್ಲ. ಆದರೆ ಅವಳು ಬೆಳ್ಳಗಿದ್ಲು, ಉದ್ದನೆ ಕೂದಲಿತ್ತು. ಡಾರ್ಕ್‌ ಗ್ರೀನ್‌ ಕಲರ್‌ ಚೂಡಿದಾರ್‌ ಹಾಕಿದ್ಲು. ಪಿಂಕ್‌ ಕಲರ್‌ ಬಳೆ ತೊಟ್ಟಿದ್ಲು, ಕೆಂಪು ಬಣ್ಣದ ಲಿಪ್‌ಸ್ಟಿಕ್‌ ಹಚ್ಚಿದ್ಲು. ಕಿವಿಯಲ್ಲಿ ದೊಡ್ಡ ಜುಮ್ಕಿ ಇತ್ತು. ಕೈಗಳಿಗೆ ಸುಂದರ ಮೆಹಂದಿ ಹಾಕಿದ್ಲು. ಹಾ, ಬಲಗೆನ್ನೆಯ ಮೇಲೊಂದು ಕಪ್ಪು ಚುಕ್ಕಿ ಇತ್ತು.

ಇಷ್ಟು ಹೇಳಿದ ತಕ್ಷಣವೇ ಗಂಡನ ಇನ್ನೊಂದು ಕಣ್ಣು ಊದಿಕೊಂಡಿತು.