ವೈದ್ಯರು ಆಪರೇಷನ್‌ಗೂ ‌ಮುನ್ನ ರೋಗಿಗಳ ಪ್ರಜ್ಞೆ ತಪ್ಪಿಸುವುದೇಕೆ ಗೊತ್ತೆ?

ಸೋಮ: ನಮ್‌ ರಂಗನಿಗೆ ಸಿಟಿ ಹುಡುಗಿನ ತಂದು ಮದುವೆ ಮಾಡಿದ್ರು ನಿನಗೆ ಗೊತ್ತಲ್ವಾ ಭೀಮ.
ಭೀಮ: ಹೌದು. ಏನಾಯ್ತು?
ಸೋಮ: ನಿನ್ನೆ ರಂಗನ ಅಮ್ಮ ಆ ಹುಡುಗಿಗೆ ಹಸುಗೆ ಹುಲ್ಲು ಹಾಕಮ್ಮ ಎಂದು ಹೇಳಿದ್ದಾರೆ. ಅವಳು ಹುಲ್ಲು ಹಾಕಲು ಹೋದಾಗ ಹಸು ಬಾಯಲ್ಲಿ ಬಿಳಿ ಜೊಲ್ಲು ಬರುವುದನ್ನು ನೋಡಿ ವಾಪಾಸ್‌ ಹೋಗಿದ್ದಾಳೆ. ರಂಗನ ಅಮ್ಮ ಕೇಳಿದ್ದಾರೆ ಯಾಕಮ್ಮ ವಾಪಸ್‌ ಬಂದೆ ಎಂದು. ಅದಕ್ಕೆ ಅವಳು ಹಸು ಈಗ ಬ್ರಶ್‌ ಮಾಡುತ್ತಿದ್ದೆ ಅತ್ತೆ ಎಂದಳಂತೆ!
***
ಮಗಳು ತುಂಬಾ ಸಮಯದಿಂದ ಮೊಬೈಲ್‌ ಫೋನಿನಲ್ಲಿ ಮಾತನಾಡುತ್ತಿದ್ದಳು. ಅದನ್ನು ಅವಳ ತಂದೆಯೂ ಗಮನಿಸುತ್ತಿದ್ದರು. ಸುಮಾರು ಒಂದು ಗಂಟೆ ಮಾತನಾಡಿದ ನಂತರ ಫೋನ್‌ ಕಟ್‌ ಮಾಡಿ ಮಗಳು ಒಳಗೆ ಬಂದಳು.
ಅಪ್ಪ: ಏನಮ್ಮ ಇವತ್ತು ಆಶ್ವರ್ಯವಾಗುತ್ತಿದ್ದೆ. ಯಾವಾಗಲೂ ಎರಡು ಗಂಟೆ ಮಾತನಾಡುವವಳು ಇವತ್ತೇನು ಬೇಗ ಫೋನ್‌ ಇಟ್ಟು ಬಿಟ್ಟಿದ್ದೀಯಾ?
ಮಗಳು: ಅದು ರಾಂಗ್‌ ನಂಬರ್‌ ಅಪ್ಪ!
***
ರಂಗ: ಲೋ ನಿಂಗ ನನಗೊಂದು ಡೌಟ್‌ ಕಣೋ. ಡಾಕ್ಟರ್‌ಗಳು ಆಪರೇಷನ್‌ ಮಾಡೋದಕ್ಕಿಂತ ಮುಂಚೆ ರೋಗಿಗಳ ಪ್ರಜ್ಞೆ ತಪ್ಪಿಸುತ್ತಾರಲ್ಲಾ ಏಕೆ?
ನಿಂಗ: ಅಷ್ಟು ಗೊತ್ತಿಲ್ವೇನೋ ರಂಗ. ಆಪರೇಷನ್‌ ಮಾಡೋದನ್ನ ರೋಗಿಗಳು ಕಲಿತು ಬಿಡ್ತಾರೆ ಅಂತಾ ಕಣೋ.