ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ನ್ಯೂಮರಿಕಲ್‌ ರೀಸನಿಂಗ್‌ಗೆ ಸಂಬಂಧಿಸಿದ ಟೆಸ್ಟ್‌ ಗಳನ್ನು ನಡೆಸುವುದು ನಿಮ್ಮೊಳಗಿರುವ ಸಾಂಖ್ಯಿಕ ಸಂಪತ್ತನ್ನು ಅಳೆಯುವುದಕ್ಕಾಗಿಯೇ ಹೊರತು ನೀವು ಕಲಿತಿರಬಹುದಾದ ಗಣಿತದ ಜ್ಞಾನವನ್ನಲ್ಲ. ಈ ಬಗ್ಗೆ ಸರಿಯಾದ ಮಾಹಿತಿ ಪಡೆದುಕೊಂಡರೆ ಪರೀಕ್ಷೆ ಎದುರಿಸುವುದು ನಿಮಗೆ ಸುಲಭವಾಗಲಿದೆ.

ನ್ಯೂಮರಿಕಲ್‌ ರೀಸನಿಂಗ್‌ ಟೆಸ್ಟ್‌ ನ ಫಲಿತಾಂಶವು, ನಿಮ್ಮ ಒಟ್ಟಾರೆ ಟೆಸ್ಟ್‌ ಸ್ಕೋರ್‌ನ ಮೇಲೆ ಪರಿಣಾಮ ಬೀರುವುದು ಮಾತ್ರವಲ್ಲದೆ, ಪ್ರಶ್ನೆಗಳಿಗೆ ಉತ್ತರಿಸಲು ನೀವೆಷ್ಟು ತುರ್ತಾಗಿ ಗಮನ ನೀಡುವಿರಿ, ಎಷ್ಟು ಕರಾರುವಾಕ್ಕಾಗಿ ಉತ್ತರ ಪಡೆಯುವಿರಿ ಎಂಬುದನ್ನು ಉದ್ಯೋಗದಾತರಿಗೆ ಪರೋಕ್ಷವಾಗಿ ತೋರ್ಪಡಿಸುತ್ತಿರುತ್ತದೆ. ಹೀಗಾಗಿ ಈ ಪರೀಕ್ಷೆ ಬಹಳ ಮುಖ್ಯವಾದದು.

ಗಣಿತದ ಪ್ರಶ್ನೆ ಎಂದರೆ ಬಹುತೇಕ ಅಭ್ಯರ್ಥಿಗಳು 'ಇದು ಕಷ್ಟ' ಎಂಬ ತೀರ್ಮಾನಕ್ಕೆ ಬಂದು, ಆತಂಕಕ್ಕೆ ಒಳಗಾಗುತ್ತಾರೆ. ಹೀಗಾಗಿ ಸುಲಭವಾಗಿ ಬಿಡಿಸಬಹುದಾದ ಪ್ರಶ್ನೆಗಳನ್ನು ಬಿಡಿಸುವಾಗಲೂ ತಪ್ಪು ಮಾಡಿ, ಅಂಕ ಕಳೆದುಕೊಳ್ಳುತ್ತಾರೆ. ಹೀಗಾಗಿ ಈ ವಿಭಾಗದ ಪ್ರಶ್ನೆಗಳಿಗೆ ಉತ್ತರ ಬರೆಯುವಾಗ ಆತ್ಮವಿಶ್ವಾಸ ಅತಿ ಮುಖ್ಯ. ಈ ಪರೀಕ್ಷೆಯನ್ನು ಎದುರಿಸಲು ಕೆಲವು ಸಲಹೆ ಇಲ್ಲಿವೆ;

1. ಪ್ರ್ಯಾಕ್ಟಿಸ್‌ ಮಾಡಿ: ಹಳೆಯ ಪ್ರಶ್ನೆ ಪತ್ರಿಕೆಗಳನ್ನು ನೋಡಿಕೊಂಡು ಅಭ್ಯಾಸ ಮಾಡಿ. ಪರೀಕ್ಷೆಯನ್ನು ಯಾವುದೇ ಉದ್ವೇಗವಿಲ್ಲದೆ ಎದುರಿಸಿ. ಆತಂಕಕ್ಕೆ ಒಳಗಾದರೆ ನಿಮಗೆ ಸಾಮರ್ಥ್ಯ‌ವಿದ್ದರೂ (ಉತ್ತರ ಕಂಡುಹಿಡಿಯುವ ವಿಧಾನ ಗೊತ್ತಿದ್ದರೂ )ಅದನ್ನು ಪ್ರದರ್ಶಿಸಲಾರಿರಿ.

2. ಟೆಸ್ಟ್‌ನ ಬಗ್ಗೆ ಮಾಹಿತಿ ಪಡೆಯಿರಿ: ಟೆಸ್ಟ್‌ನ ಬಗ್ಗೆ ಆದಷ್ಟೂ ಮಾಹಿತಿಯನ್ನು ತಿಳಿದುಕೊಳ್ಳಿ. ಉದಾಹರಣೆಗೆ -ಟೆಸ್ಟ್‌ನ್ನು ಏಕೆ ಮಾಡಲಾಗುತ್ತಿದೆ; ಪ್ರಶ್ನೆಗಳು ಹೇಗಿರುತ್ತವೆ, ಫಲಿತಾಂಶದಲ್ಲಿ ಈ ವಿಭಾಗದ ಪ್ರಶ್ನೆಗಳಿಗೆ ಉತ್ತರಿಸುವುದು ಎಷ್ಟು ಮುಖ್ಯ; ಒಂದು ಪ್ರಶ್ನೆಗೆ ಉತ್ತರಿಸಲು ಎಷ್ಟು ಸಮಯ ದೊರೆಯಲಿದೆ, ಟೆಸ್ಟ್‌ನಲ್ಲಿ ಅಳೆಯುವುದಕ್ಕೆ ಮಾನದಂಡವೇನು ಇತ್ಯಾದಿ.

3. ನೋಟ್‌ ಮಾಡಿಕೊಳ್ಳಿ: ಪ್ರಶ್ನೆಗೆ ಉತ್ತರ ಬರೆಯುವ ಮೊದಲು ನಿಮ್ಮ ಕ್ಯಾಲ್ಕುಲೇಷನ್‌ಗಳಲ್ಲಿನ ಪ್ರಮುಖ ಹಂತಗಳನ್ನು ಒಂದು ಕಾಗದದಲ್ಲಿ ಬರೆದುಕೊಳ್ಳಿ. ಅದರಂತೆಯೇ ಲೆಕ್ಕಾಚಾರ ಹಾಕಿ ಉತ್ತರ ಕೊಂಡುಕೊಳ್ಳಿ. ಇಷ್ಟು ಮಾಡಲು ನೀವ ಕಾಲಮಿತಿಯೊಳಗೆ ಉತ್ತರಿಸಲು ಪ್ರ್ಯಾಕ್ಟಿಸ್‌ ಮಾಡಿರುವುದು ಬಹಳ ಮುಖ್ಯ.

ಉದ್ಯೋಗ ಹುಡುಕುವಾಗ ಫ್ರೆಶರ್‌ ಎಂಬ ಪ್ರೆಶರ್‌ ಬೇಡ.. ಈ ಟಿಪ್ಸ್‌ ಫಾಲೋ ಮಾಡಿ ಜಾಬ್‌ ಹುಡುಕಿ

4. ಕ್ಯಾಲ್ಕುಲೆಟರ್‌ ಬಳಸಿ: ಕೆಲವು ಪರೀಕ್ಷೆಗಳಲ್ಲಿ ಕ್ಯಾಲ್ಕುಲೆಟರ್‌ ಬಳಕೆಗೆ ಅವಕಾಶವಿರುತ್ತದೆ. ಈ ಬಗ್ಗೆ ಮೊದಲೇ ಮಾಹಿತಿ ಪಡೆದುಕೊಳ್ಳಿ. ಈಗ ಬಹುತೇಕ ಆನ್‌ಲೈನ್‌ ಪರೀಕ್ಷೆಗಳಲ್ಲಿ ವಚ್ರ್ಯುಯಲ್‌ ಕ್ಯಾಲ್ಕುಲೇಟರ್‌ ಒದಗಿಸಲಾಗುತ್ತದೆ. ಇದನ್ನು ವೇಗವಾಗಿ ಬಳಸುವುದನ್ನು ಅಭ್ಯಾಸ ಮಾಡಿಕೊಳ್ಳಿ. ನಿಮಗೆ ಪರಿಚಿತವಾದ ಕ್ಯಾಲ್ಕುಲೆಟರ್‌ನ್ನು ಬಳಸಿರಿ. ಮನೆಯಲ್ಲಿಯೇ ಕುಳಿತು ಆನ್‌ಲೈನ್‌ ಟೆಸ್ಟ್‌ ಬರೆಯುವಿರಾದರೆ ಯಾವುದಾದರೂ ಕ್ಯಾಲ್ಕುಲೆಟರ್‌ನ್ನುಬಳಸಬಹುದು.

5. ಶಾರ್ಟ್‌ಕಟ್‌ ಬಳಸಿ: ನ್ಯೂಮರಿಕಲ್‌ ರೀಸನಿಂಗ್‌ನ ಪ್ರಶ್ನೆಗಳಿಗೆ ಉತ್ತರಿಸಲು ಶಾರ್ಟ್‌ಕಟ್‌ಗಳ ಬಳಕೆ ಅಗತ್ಯ. ಎಲ್ಲೆಲ್ಲಿ ಶಾರ್ಟ್‌ಕಟ್‌ಗಳನ್ನು ಬಳಸಬಹುದು ಎಂಬುದನ್ನು ಸರಿಯಾಗಿ ತಿಳಿದುಕೊಳ್ಳಿ.

ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ನ್ಯೂಮರಿಕಲ್‌ ರೀಸನಿಂಗ್‌ನ ಪ್ರಶ್ನೆಯೊಂದನ್ನು ಕೇಳಿದಾಗ ಒಂದು ನಿಮಿಷದ ಸಮಯದಲ್ಲಿ ನೀವೇನು ಮಾಡಬೇಕೆಂದರೆ..

- 5 ಸೆಕೆಂಡುಗಳಲ್ಲಿ ಪ್ರಶ್ನೆಯೊಂದಿಗೆ ನೀಡಲಾಗಿರುವ ಮಾಹಿತಿ (ಡಾಟಾ)ವನ್ನು ಗಮನಿಸಿ.

- 8 ಸೆಕೆಂಡುಗಳಲ್ಲಿ ಪ್ರಶ್ನೆಯನ್ನು ಓದಿ ಅರ್ಥ ಮಾಡಿಕೊಳ್ಳಿ.

- ಸರಿಯಾಗಿ ಅರ್ಥಮಾಡಿಕೊಳ್ಳಲು ಬಹುಶಃ ಎರಡು ಸಲ ಓದಬೇಕಾದೀತು.

ಪದವೀಧರ ಪ್ರಾಥಮಿಕ ಶಿಕ್ಷಕರ ನೇಮಕಾತಿಗೆ ಪರೀಕ್ಷೆ ಹೇಗಿರುತ್ತದೆ? ಪಠ್ಯಕ್ರಮ ಏನು?

- 5 ಸೆಕೆಂಡುಗಳಲ್ಲಿ ಪ್ರಶ್ನೆಗೆ ಉತ್ತರಿಸಲು ಏನು ಮಾಡಬೇಕೆಂದು ಯೋಚಿಸಿ.

- 2 ಸೆಕೆಂಡುಗಳಲ್ಲಿ ಬಹು ಆಯ್ಕೆಯ ಉತ್ತರಗಳತ್ತ ಕಣ್ಣು ಹಾಯಿಸಿ. (ಆಯ್ಕೆಗಳು ಸರಿಯಾಗಿವೆಯೇ, ಪ್ರಶ್ನೆಯನ್ನು ತಪ್ಪಾಗಿ ಅರ್ಥೈಸಿಕೊಂಡಿರಬಹುದೇ..?).

- 35 ಸೆಕೆಂಡುಗಳಲ್ಲಿ ಲೆಕ್ಕಾಚಾರ ಮಾಡಿ.

- 0 ಸೆಕೆಂಡು: ಮಾಡಿದ್ದನ್ನು ಪರಿಶೀಲಿಸಿ. (ಇದಕ್ಕೆ ಸಮಯವಿಲ್ಲ.)

- 5 ಸೆಕೆಂಡು: ಪ್ರಶ್ನೆಯನ್ನು ಮತ್ತೊಮ್ಮೆ ಓದಿ, ಉತ್ತರ ಸರಿಯಾಗಿದೆಯೇ ನೋಡಿ.