CBSE ಇಂದ 9, 11ನೇ ತರಗತಿ ವಿದ್ಯಾರ್ಥಿಗಳಿಗೂ ಡಿಜಿಲಾಕರ್ ಖಾತೆ

ಕೇಂದ್ರ ಪ್ರೌಢ ಶಿಕ್ಷಣ ಮಂಡಳಿ 9ನೇ ತರಗತಿ ಮತ್ತು 11ನೇ ತರಗತಿ ವಿದ್ಯಾರ್ಥಿಗಳಿಗೆ ಡಿಜಿಲಾಕರ್ ಖಾತೆಯನ್ನು ತೆರೆಯಲಿದೆಯಂತೆ. ಸಿಬಿಎಸ್ಇ ಅಧೀನದ ಶಾಲೆಗಳ ವಿದ್ಯಾರ್ಥಿಗಳ ರಿಜಿಸ್ಟ್ರೇಷನ್ ಕಾರ್ಡ್‌ಗಳನ್ನು ಡಿಜಿಟಲಿ ಸುರಕ್ಷಿತವಾಗಿರಿಸಲು ಈ ತೀರ್ಮಾನ ಕೈಗೊಂಡಿದೆ.

ಈವರೆಗೆ ಕೇವಲ 10ನೇ ತರಗತಿ ಮತ್ತು 12ನೇ ತರಗತಿ ವಿದ್ಯಾರ್ಥಿಗಳ ಸಿಬಿಎಸ್‌ಇ ಬೋರ್ಡ್‌ ಎಕ್ಸಾಮ್ ಅಂಕಪಟ್ಟಿಗಳನ್ನು ಮಾತ್ರ ವಿದ್ಯಾರ್ಥಿಗಳ ಖಾತೆಯಲ್ಲಿ ಸ್ಟೋರ್ ಮಾಡಲಾಗುತ್ತಿತ್ತು. ಇನ್ನುಮುಂದೆ 9 ಮತ್ತು 11 ನೇ ತರಗತಿ ವಿದ್ಯಾರ್ಥಿಗಳಿಗೂ ಈ ಸೌಲಭ್ಯ ಕಲ್ಪಿಸಲಾಗುತ್ತಿದೆ. ಈ ವಿದ್ಯಾರ್ಥಿಗಳ ರಿಜಿಸ್ಟ್ರೇಷನ್‌ ಕಾರ್ಡ್‌ನಲ್ಲಿ ಹೆಸರು, ವಿಷಯಗಳು, ದಿನಾಂಕಗಳು ಮತ್ತು ಇತರೆ ಮಾಹಿತಿಗಳು ಇರುತ್ತವೆ. ಈ ಮಾಹಿತಿಗಳನ್ನು ಬೋರ್ಡ್‌ ಎಕ್ಸಾಮ್‌ ಸಮಯದಲ್ಲಿ ಬಳಸಿಕೊಳ್ಳಲಾಗುತ್ತದೆ.

ಈ ರಿಜಿಸ್ಟ್ರೇಷನ್‌ ಕಾರ್ಡ್ ಸಿಬಿಎಸ್‌ಇ ಗೆ ಬೋರ್ಡ್‌ ಎಕ್ಸಾಮ್‌ ಸಮಯದಲ್ಲಿ ಎಷ್ಟು ವಿದ್ಯಾರ್ಥಿಗಳು ಪರೀಕ್ಷೆಗೆ ಕೂರಲಿದ್ದಾರೆ, ಯಾವ ವಿಷಯಗಳಿಗೆ ಎಷ್ಟು ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆ, ಅಂಕಪಟ್ಟಿ ತಯಾರಿಗೆ ಮತ್ತು ಇತರೆ ಹಲವು ಮಾಹಿತಿಗಳನ್ನು ಬಹುಬೇಗ ತಿಳಿಯಲು ಸಹಾಯಕವಾಗಲಿದೆ. ಅಲ್ಲದೇ ಈ ಹಂತದಲ್ಲೇ 9, 11 ನೇ ತರಗತಿ ವಿದ್ಯಾರ್ಥಿಗಳ ಮಾಹಿತಿಗಳು ತಪ್ಪಿದ್ದಲ್ಲಿ ಸರಿಪಡಿಸಲು ಅನುಕೂಲವಾಗಲಿದೆ.

ಶಾಲಾ ಮಕ್ಕಳಿಗೆ ISRO ದಿಂದ 'ಯುವ ವಿಜ್ಞಾನಿ ಕಾರ್ಯಕ್ರಮ': ಆನ್‌ಲೈನ್‌ ಅರ್ಜಿ ಆರಂಭ

ಫೆಬ್ರವರಿ 5 ರಿಂದ ಶಾಲೆಗಳಲ್ಲಿ ರಿಜಿಸ್ಟ್ರೇಷನ್‌ ಕಾರ್ಡ್‌ ಅನ್ನು ಸಿಬಿಎಸ್‌ಇ ಪೋರ್ಟಲ್‌ನಲ್ಲಿ ಡೌನ್‌ಲೋಡ್‌ ಮಾಡಿಕೊಳ್ಳಬಹುದು. ಇದಕ್ಕೆ ಪೋಷಕರು ಮತ್ತು ವಿದ್ಯಾರ್ಥಿಗಳು, ಎಲ್ಲಾ ಮಾಹಿತಿಗಳು ಸರಿ ಇರುವ ಬಗ್ಗೆ ಪರಿಶೀಲಿಸಿ ಸಹಿ ಮಾಡಬೇಕಿರುತ್ತದೆ. ನಂತರ ಮತ್ತೊಮ್ಮೆ ಶಾಲಾ ಹಂತದಲ್ಲೇ ವಿದ್ಯಾರ್ಥಿಗಳ ಮಾಹಿತಿ ಪರಿಶೀಲನೆ ನಡೆಸಿ, ಮೇ 15 ರ ನಂತರ ಎಲ್ಲಾ ವಿದ್ಯಾರ್ಥಿಗಳಿಗೆ ಡಿಜಿಲಾಕರ್ ಖಾತೆಯನ್ನು ತೆರೆಯಲಾಗುತ್ತದೆ.

ಮೋದಿ 'ಎಕ್ಸಾಮ್‌ ವಾರಿಯರ್ಸ್‌' ಖರೀದಿಸಲು ಶಿಕ್ಷಣ ಸಚಿವರ ಸೂಚನೆ

ಡಿಜಿಲಾಕರ್, ಎಲೆಕ್ಟ್ರಾನಿಕ್ಸ್‌ ಮತ್ತು ಐಟಿ ಸಚಿವಾಲಯವು ಡಿಜಿಟಲ್ ಇಂಡಿಯಾ ಕಾರ್ಯಕ್ರಮದಡಿ ಕೈಗೊಂಡಿರುವ ಪ್ರಮುಖ ಉಪಕ್ರಮವಾಗಿದೆ. ಡಿಜಿಲಾಕರ್ ಜನರ ನಿಖರ ಮಾಹಿತಿಗಳನ್ನು ಡಿಜಿಟಲ್‌ ವ್ಯಾಲೆಟ್‌ನಲ್ಲಿ ನೀಡುವ ಮೂಲಕ 'ಡಿಜಿಟಲ್ ಎಂಪಾವರ್‌ಮೆಂಟ್‌' ಉದ್ದೇಶ ಹೊಂದಿರುವ ಪ್ರಮುಖ ಕ್ರಮವಾಗಿದೆ. ಡಿಜಿಲಾಕರ್ ದಾಖಲೆಗಳನ್ನು, ಮಾಹಿತಿ ತಂತ್ರಜ್ಞಾನದ 9A ನಿಯಮದ ಪ್ರಕಾರ ಮೂಲದಾಖಲೆಗಳ ಹಾರ್ಡ್‌ ಕಾಪಿಗಳಂತೆಯೇ ಪರಿಗಣಿಸಲಾಗುತ್ತದೆ.

Union Budget 2020: ಶಿಕ್ಷಣ ಕ್ಷೇತ್ರಕ್ಕೆ ಕೇಂದ್ರ ಬಜೆಟ್‌ನಲ್ಲಿನ ಪ್ಲಾನ್‌ ಏನು?