2020 ಸಿಎ ಪರೀಕ್ಷೆ ಮುಂದೂಡಿಕೆ; ಹೊಸ ವೇಳಾಪಟ್ಟಿ ಇಲ್ಲಿದೆ

ಭಾರತೀಯ ಚಾರ್ಟರ್ಡ್‌ ಅಕೌಂಟಂಟ್ ಸಂಸ್ಥೆಯು, 2020 ಮೇ ತಿಂಗಳ ಸಿಎ ಪರೀಕ್ಷೆಯನ್ನು ಮುಂದೂಡಿದೆ. ಈ ಬಗ್ಗೆ ಐಸಿಎಐ ಅಧಿಕೃತ ಪ್ರಕಟಣೆಯನ್ನು ಹೊರಡಿಸಿದೆ. ಪರೀಕ್ಷೆಗೆ ರಿಜಿಸ್ಟ್ರೇಷನ್‌ ಪಡೆದಿರುವ ಅಭ್ಯರ್ಥಿಗಳು ಈ ಬಗ್ಗೆ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ ಸಹ ಮಾಹಿತಿ ತಿಳಿಯಬಹುದು.

ದೇಶದಾದ್ಯಂತ ಲಾಕ್‌ಡೌನ್‌ ಪರಿಣಾಮ ಪ್ರಸ್ತುತ ಮುಂದೂಡಲಾದ ಚಾರ್ಟರ್ಡ್‌ ಅಕೌಂಟಂಟ್ ಪರೀಕ್ಷೆಯನ್ನು ಜೂನ್ 19 ರಿಂದ ಜುಲೈ 4, 2020 ವರೆಗೆ ನಡೆಸಲಾಗುತ್ತದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಈ ಹಿಂದೆ ಮೇ 2 ರಿಂದ 18 ರವರೆಗೆ ಪರೀಕ್ಷೆಯನ್ನು ನಿಗದಿಪಡಿಸಲಾಗಿತ್ತು.

"ಫೌಂಡೇಶನ್ ಕೋರ್ಸ್‌ ಎಕ್ಸಾಮ್‌ ಅನ್ನು ಫೈನಲ್ ಗ್ರೂಪ್ 2 ಪರೀಕ್ಷೆಯೊಂದಿಗೆ ಜೂನ್ 27, 29 ಮತ್ತು ಜುಲೈ 1, 3 ರಂದು ನಡೆಸಲಾಗುತ್ತದೆ. ಐಎನ್‌ಟಿಟಿ-ಎಟಿ ಪೋಸ್ಟ್‌ ಕ್ವಾಲಿಫಿಕೇಶನ್ ಕೋರ್ಸ್ ಪರೀಕ್ಷೆಯನ್ನು ಸಹ ಫೈನಲ್ ಗ್ರೂಪ್-2 ಪರೀಕ್ಷೆಯೊಂದಿಗೆ ನಡೆಸಲಿದ್ದು, ಜೂನ್ 27, 29 ರಂದೇ ಐಟಿಎಲ್ ಮತ್ತು ಡಬ್ಲ್ಯೂಟಿಒ ಪರೀಕ್ಷೆಗಳು ನಾಲ್ಕು ಪೇಪರ್‌ಗಳೊಂದಿಗೆ ನಡೆಸಲಾಗುತ್ತದೆ. ಗ್ರೂಪ್‌ 1 ಇಂಟರ್‌ಮೀಡಿಯೇಟ್ ಪರೀಕ್ಷೆಗಳು ಸಹ ಅಂದೇ ನಡೆಯಲಿವೆ" ಎಂದು ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಐಟಿಎಲ್ ಮತ್ತು ಡಬ್ಲ್ಯೂಟಿಒ ಪಾರ್ಟ್‌ 1 ಪರೀಕ್ಷೆಗೆ ಸಂಬಂಧಿಸಿದಂತೆ, ಗ್ರೂಪ್‌ 'ಎ' ಪರೀಕ್ಷೆಗಳು ಜೂನ್ 20, 22 ರಂದು, ಗ್ರೂಪ್ 'ಬಿ' ಪರೀಕ್ಷೆಗಳು ಜೂನ್ 24, 26 ರಂದು ಜರುಗಲಿವೆ.

ಮುಂದೂಡಲಾದ ಪರೀಕ್ಷೆ ವೇಳಾಪಟ್ಟಿಯ ಬಗ್ಗೆ ಅಧಿಕೃತ ಪ್ರಕಟಣೆ ಈ ಕೆಳಗಿನಂತಿದೆ.

ನೋಟಿಫಿಕೇಶನ್
CA EXAM 2020 MAY postponed Notification