ಕೆಪಿಸಿಎಲ್‌ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಇಂದು ಲಾಸ್ಟ್‌ ಡೇಟ್!

ಕರ್ನಾಟಕ ವಿದ್ಯುತ್‌ ನಿಗಮ ನಿಯಮಿತ (ಕೆಪಿಸಿಎಲ್‌) ವಿವಿಧ ಆಫೀಸರ್‌ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದ್ದು, ಅರ್ಜಿ ಸಲ್ಲಿಸಲು ಇಂದು (ಏ.22) ಕೊನೆಯ ದಿನವಾಗಿದೆ. ಈ ಸಂಬಂಧ ಮಾರ್ಚ್‌ 8ರಂದೇ ಅಧಿಸೂಚನೆ ಹೊಡಿಸಲಾಗಿದ್ದು, ಮಾರ್ಚ್‌ 20 ರಿಂದ ಅರ್ಜಿ ಸಲ್ಲಿಸಲು ಅವಕಾಶ ನೀಡಲಾಗಿತ್ತು.

ಮೆಡಿಕಲ್‌ ಆಫೀಸರ್‌, ಅಕೌಂಟ್‌ ಆಫೀಸರ್‌, ಸೇಫ್ಟಿ ಆಫೀಸರ್‌ ಸೇರಿದಂತೆ ಒಟ್ಟು 70 ಹುದ್ದೆಗಳಿಗೆ ನೇಮಕ ನಡೆಯುತ್ತಿದ್ದು, ಇದರಲ್ಲಿ 42 ಹುದ್ದೆಗಳು ಹೈ-ಕ ಅಭ್ಯರ್ಥಿಗಳಿಗೆ ಮೀಸಲಾಗಿದೆ. ಅರ್ಜಿ ಶುಲ್ಕ ಪಾವತಿಸಲು ಏ.26ರ ವರೆಗೆ ಅವಕಾಶ ನೀಡಲಾಗಿದೆ. ಇನ್ನೂ ಅರ್ಜಿ ಸಲ್ಲಿಸದೇ ಇರುವ ಅಭ್ಯರ್ಥಿಗಳು ಇಂದು ಸಂಜೆ 5 ಗಂಟೆಯ ಒಳಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ.

ಫ್ಯಾಕ್ಟರಿ ಮೆಡಿಕಲ್‌ ಆಫೀಸರ್‌-5, ಮೆಡಿಕಲ್‌ ಆಫೀಸರ್‌-8, ಅಕೌಂಟ್‌ ಆಫೀಸರ್‌-2, ವೆಲ್‌ಫೇರ್‌ ಆಫೀಸರ್‌ -9, ಸೇಫ್ಟಿ ಆಫೀಸರ್‌ -9 ಮತ್ತು ಜೂನಿಯರ್‌ ಪರ್ಸೋನೆಲ್‌ ಆಫೀಸರ್‌-37 ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ.

ಅರ್ಜಿ ಸಲ್ಲಿಸುವ ಎಸ್‌ಸಿ/ಎಸ್‌ಟಿ/ವಿಕಲ ಚೇತನ ಅಭ್ಯರ್ಥಿಗಳು ಅಂಚೆ ಸೇವಾ ಶುಲ್ಕ 25 ರೂ. ಸೇರಿ 275 ರೂ. ಹಾಗೂ ಇನ್ನುಳಿದ ಎಲ್ಲಾ ಅಭ್ಯರ್ಥಿಗಳು 525 ರೂ. ಶುಲ್ಕ ಪಾವತಿಸಬೇಕಿರುತ್ತದೆ. ಇದರ ಹೊರತಾಗಿ ಸೇವಾ ಪ್ರಕ್ರಿಯೆ ಶುಲ್ಕ 50 ರೂ. ಪಾವತಿಸಬೇಕಿರುತ್ತದೆ. ಅಂಚೆ ಕಚೇರಿಯ ಮೂಲಕ ಶುಲ್ಕ ಪಾವತಿಸಲು ಅವಕಾಶ ನೀಡಲಾಗಿದೆ.

ವಿದ್ಯಾರ್ಹತೆ, ವಯೋಮಿತಿ ಮತ್ತಿತರ ಮಾಹಿತಿಯನ್ನು ವೆಬ್‌ನಲ್ಲಿ ನೀಡಿರುವ ಅಧಿಸೂಚನೆಯಲ್ಲಿ ಒದಗಿಸಲಾಗಿದೆ. ಸಹಾಯವಾಣಿ ಸಂಖ್ಯೆ: 080ಧಿ-22269526/22269536/22354372 ಹೆಚ್ಚಿನ ಮಾಹಿತಿಗೆ ವೆಬ್‌: http://karnatakapower.com/recruitment/