ಕೊರೊನಾ ಎಫೆಕ್ಟ್‌: ಯುಜಿ-ನೀಟ್‌ ಪರೀಕ್ಷೆ ಮುಂದೂಡಿಕೆ!

ಹೊಸದಿಲ್ಲಿ: ಕೊರೊನಾ ವೈರಸ್‌ಗೆ ಕಡಿವಾಣ ಹಾಕಲು ಇಡೀ ದೇಶವೇ ಲಾಕ್‌ಡೌನ್‌ ಆಗಿದೆ. ಈ ಹಿನ್ನೆಲೆಯಲ್ಲಿ ರಾಷ್ಟ್ರೀಯ ಅರ್ಹತಾ ಮತ್ತು ಪ್ರವೇಶ ಪರೀಕ್ಷೆ - ಯುಜಿ (ನೀಟ್‌-ಯುಜಿ) ಪರೀಕ್ಷೆಗಳನ್ನು ಮುಂದೂಡುವುದಾಗಿ ರಾಷ್ಟ್ರೀಯ ಮಾನವ ಅಭಿವೃದ್ದಿ ಸಚಿವಾಲಯ ಶುಕ್ರವಾರ ನಿರ್ಧಾರ ಕೈಗೊಂಡಿದೆ.



ಈ ಮೊದಲೇ ನಿರ್ಧರಿಸಿದಂತೆ ಯುಜಿ- ನೀಟ್‌ ಪರೀಕ್ಷೆಗಳನ್ನು 2020ರ ಮೇ 3 ರಂದು ನಡೆಸಬೇಕಿತ್ತು. ಇದೀಗ ಪರೀಕ್ಷೆಯನ್ನು ಮುಂದೂಡಲಾಗಿದ್ದು, ಪರೀಕ್ಷೆ ದಿನಾಂಕವನ್ನು ನಂತರದಲ್ಲಿ ತಿಳಿಸಲಾಗುತ್ತದೆ ಎಂದು ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ ತಿಳಿಸಿದೆ.

ನೀಟ್ ಪಿಜಿ 2020 ಎಲ್ಲಾ ಹಂತಗಳ ಕೌನ್ಸಿಲಿಂಗ್ ಮುಂದೂಡಿಕೆ

ನ್ಯಾಷನಲ್‌ ಟೆಸ್ಟಿಂಗ್ ಏಜೆನ್ಸಿ (ಎನ್‌ಟಿಎ) ಯುಜಿ-ನೀಟ್‌ ಪರೀಕ್ಷೆಗಳ ಪ್ರವೇಶ ಪತ್ರಗಳನ್ನು ಬಿಡುಗಡೆ ಮಾಡದಿರಲು ಶುಕ್ರವಾರವೇ ನಿರ್ಧರಿಸಿತ್ತು. ಎಲ್ಲವೂ ಅಂದು ಕೊಂಡಂತೆ ನಡೆದಿದ್ದರೆ ಇಂದು (ಮಾರ್ಚ್‌ 27) ಪ್ರವೇಶ ಪತ್ರಗಳನ್ನು ಬಿಡುಗಡೆ ಮಾಡಬೇಕಿತ್ತು.

ಏಪ್ರಿಲ್‌ 14ರವೆರೆಗೆ ಲಾಕ್‌ಡೌನ್ ಇರುವ ಕಾರಣ ಜೆಇಇ (ಮೇನ್ಸ್‌) ಪರೀಕ್ಷೆಯನ್ನು ಕೂಡ ಮುಂದೂಡಲಾಗಿದೆ.