ಅನ್‌ಲಾಕ್‌ 5.0 ಮಾರ್ಗಸೂಚಿ ವಿಸ್ತರಣೆ: ಶಾಲೆಗಳ ರೀಓಪನ್ ದಿನಾಂಕ ಮತ್ತೆ ಮುಂದೂಡಿಕೆ

ಕೇಂದ್ರ ಗೃಹ ಸಚಿವಾಲಯವು (MHA) ನವೆಂಬರ್.30 ರವರೆಗೆ ಅನ್‌ಲಾಕ್‌ 5.0 ಮಾರ್ಗಸೂಚಿಗಳನ್ನು ವಿಸ್ತರಣೆ ಮಾಡಿದೆ. ನವೆಂಬರ್ ಅಂತ್ಯದವರೆಗೆ ಶಾಲೆಗಳನ್ನು ತೆರೆಯುವಂತಿಲ್ಲ ಎಂದು ಕಡ್ಡಾಯ ಆದೇಶವನ್ನು ಹೊರಡಿಸಿದೆ.

ಮಿನಿಸ್ಟ್ರಿ ಅಫ್‌ ಹೋಮ್‌ ಅಫೇರ್ಸ್‌ ಈ ಹಿಂದೆ ಸೆಪ್ಟೆಂಬರ್ 30 ರಂದು ಅನ್‌ಲಾಕ್‌ 5.0 ಮಾರ್ಗಸೂಚಿಗಳನ್ನು ಅಕ್ಟೋಬರ್ 31 ರವರೆಗೆ ಜಾರಿಯಲ್ಲಿರುವಂತೆ ಹೊರಡಿಸಿತ್ತು. ಪ್ರಸ್ತುತ ಈ ಮಾರ್ಗಸೂಚಿಗಳೇ ನವೆಂಬರ್ 30 ರವರೆಗೆ ಮುಂದುವರೆಯಲಿವೆ ಎಂದು ಆದೇಶ ಹೊರಡಿಸಿದೆ. ಇದರ ಪ್ರಕಾರ ದೇಶದಾದ್ಯಂತ ನವೆಂಬರ್ 30 ರವರೆಗೆ ಶಾಲೆಗಳನ್ನು ತೆರೆಯುವಂತಿಲ್ಲ. ಸಿಬ್ಬಂದಿ ವರ್ಗದವರು ಮಾತ್ರ ಶಾಲೆಗಳಿಗೆ ಹಾಜರಾಗಬಹುದು. ವಿದ್ಯಾರ್ಥಿಗಳು ಸಹ ಎಂಹೆಚ್‌ಎ, ಶಾಲೆಗಳು ಮತ್ತು ಪೋಷಕರ ಅನುಮತಿಯೊಂದಿಗೆ ಸ್ವಯಂ ಆಸಕ್ತಿಯಿಂದ ಭೇಟಿ ನೀಡಬಹುದು. ಆದರೆ ಎಲ್ಲಾ ಸುರಕ್ಷತಾ ಕ್ರಮಗಳನ್ನು ಅನುಸರಿಸಬೇಕು.

ಕೆಲವೇ ಕೆಲವು ರಾಜ್ಯಗಳಾದ ಹರಿಯಾಣ, ಉತ್ತರ ಪ್ರದೇಶ, ಮಧ್ಯ ಪ್ರದೇಶ, ಅಸ್ಸಾಂ ಮತ್ತು ಇತರೆ ಶಾಲೆಗಳನ್ನು ಆರಂಭಿಸಲು ಅನುಮತಿ ನೀಡಿವೆ. ದೆಹಲಿ, ಕರ್ನಾಟಕ, ಮಹಾರಾಷ್ಟ್ರ ಸರ್ಕಾರಗಳು ಮಾತ್ರ ಶಾಲೆಗಳನ್ನು ಪುನರಾರಂಭಿಸುವ ದಿನಾಂಕಗಳ ಬಿಡುಗಡೆ ಮಾಡಿಲ್ಲ.

ನ.17 ರಿಂದ ಡಿಗ್ರಿ, ಡಿಪ್ಲೊಮ, ಇಂಜಿನಿಯರಿಂಗ್ ಕಾಲೇಜು ರೀಓಪನ್: ಇದು ಅಂತಿಮ ನಿರ್ಧಾರವೇ?

ತಮಿಳುನಾಡು ಸರ್ಕಾರ ಶಾಲೆಗಳ ಆರಂಭದ ಕುರಿತು ಇಂದು ನಿರ್ಧಾರ ತೆಗೆದುಕೊಳ್ಳಲಿದೆ. ದೆಹಲಿ ಸರ್ಕಾರ ಶಾಲೆಗಳ ಆರಂಭದ ಕುರಿತು ಇನ್ನೂ ಚಿಂತನೆ ನಡೆಸಿಲ್ಲ ಎಂದಿದೆ. ಪಶ್ಚಿಮ ಬಂಗಾಳ ಸರ್ಕಾರವು ಆಯುಧ ಪೂಜೆ ನಂತರ ಶಾಲೆಗಳ ಓಪನ್‌ ಬಗ್ಗೆ ತಿಳಿಸಲಾಗುತ್ತದೆ ಎಂದಿತ್ತು. ಆದರೆ ಇನ್ನೂ ಯಾವುದೇ ಫ್ರೆಶ್ ನೋಟಿಫಿಕೇಶನ್ ಬಿಡುಗಡೆ ಮಾಡಿಲ್ಲ.

ರಾಜ್ಯದಲ್ಲಿ ನ.17 ರಿಂದ ಕಾಲೇಜು ಆರಂಭ

ಕರ್ನಾಟಕ ಸರ್ಕಾರವು ಇಂಜಿನಿಯರಿಂಗ್, ಡಿಪ್ಲೊಮ, ಡಿಗ್ರಿ ಕಾಲೇಜುಗಳನ್ನು ನವೆಂಬರ್ 17 ರಿಂದ ಪುನರಾರಂಭಿಸಲು ಶುಕ್ರವಾರ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪನವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಈ ತೀರ್ಮಾನ ತೆಗೆದುಕೊಳ್ಳಲಾಗಿದೆ.

MHA Notification