CTET ಸರ್ಟಿಫಿಕೇಟ್‌ ಮಾನ್ಯತೆ 7 ವರ್ಷದ ಬದಲಾಗಿ ಲೈಫ್‌ಲಾಂಗ್!

ಕೇಂದ್ರ ಪ್ರೌಢಶಿಕ್ಷಣ ಮಂಡಳಿ (CBSE) ನಡೆಸುವ, ಕೇಂದ್ರ ಶಿಕ್ಷಕರ ಅರ್ಹತಾ ಪರೀಕ್ಷೆ ಸರ್ಟಿಫಿಕೇಟ್‌ ಸಿಂಧುತ್ವ ಇನ್ನುಮುಂದೆ 7 ವರ್ಷದ ಬದಲಾಗಿ ಲೈಫ್‌ಟೈಮ್‌ ಇರಲಿದೆ. ನ್ಯಾಷನಲ್ ಕೌನ್ಸಿಲ್ ಫಾರ್ ಟೀಚರ್ ಎಜುಕೇಷನ್(NCTE) ಸೆಪ್ಟೆಂಬರ್ 29 ರಂದು ನಡೆಸಿದ 50ನೇ ಸಾಮಾನ್ಯ ಸಭೆಯಲ್ಲಿ ಈ ಪ್ರಮುಖ ನಿರ್ಧಾರ ತೆಗೆದುಕೊಂಡಿದೆ. ಸಿಟಿಇಟಿ ಪಾಸ್ ಮಾಡಿರುವ, ಸರ್ಟಿಫಿಕೇಟ್‌ ಹೊಂದಿರುವ ಎಲ್ಲಾ ನಿರುದ್ಯೋಗಿ ಯುವಕ-ಯುವತಿಯರು ಇದರ ಉಪಯೋಗ ಪಡೆಯಲಿದ್ದಾರೆ.

ನ್ಯಾಷನಲ್ ಕೌನ್ಸಿಲ್ ಫಾರ್ ಟೀಚರ್ ಎಜುಕೇಷನ್(NCTE) ನ ಈ ಪ್ರಮುಖ ನಿರ್ಣಯದಿಂದ ಇನ್ನುಮುಂದೆ ಸಿಟಿಇಟಿ ಸರ್ಟಿಫಿಕೇಟ್ ವ್ಯಾಲಿಡಿಟಿ ಲೈಫ್‌ಲಾಂಗ್ ಇರಲಿದೆ. ಈ ನಿರ್ಣಯದಿಂದ ಇನ್ನುಮುಂದೆ ರಾಜ್ಯ ಶಿಕ್ಷಕರ ಅರ್ಹತಾ ಪ್ರಮಾಣ ಪತ್ರದ ಮಾನ್ಯತೆಯ ಅವಧಿ ಹೆಚ್ಚಿಸುವ ಬೇಡಿಕೆ ಕೇಳಿಬಂದರೂ ಬರಬಹುದಾಗಿದೆ.

ಸಿಬಿಎಸ್‌ಇ'ಯು ಟಿಇಟಿ ಅಥವಾ ಸಿಟಿಇಟಿ ಪರೀಕ್ಷೆಯನ್ನು ಪ್ರತಿವರ್ಷ ಜುಲೈ ಮತ್ತು ಡಿಸೆಂಬರ್‌ ತಿಂಗಳಲ್ಲಿ ನಡೆಸುತ್ತದೆ. ಸಿಟಿಇಟಿ ಪೇಪರ್‌-1 ರಲ್ಲಿ ಅರ್ಹತೆ ಪಡೆದ ಅಭ್ಯರ್ಥಿಗಳು 1ನೇ ತರಗತಿಯಿಂದ - 5 ತರಗತಿವರೆಗಿನ ಶಾಲಾ ಶಿಕ್ಷಕರ ನೇಮಕಾತಿಯಲ್ಲಿ ಭಾಗವಹಿಸಲು ಅರ್ಹತೆ ಪಡೆಯುತ್ತಾರೆ. ಸಿಟಿಇಟಿ ಪೇಪರ್‌-2 ಪರೀಕ್ಷೆಯಲ್ಲಿ ಅರ್ಹತೆ ಪಡೆದ ಅಭ್ಯರ್ಥಿಗಳು 6ನೇ ತರಗತಿಯಿಂದ 8ನೇ ತರಗತಿವರೆಗಿನ ಶಾಲಾ ಶಿಕ್ಷಕರ ನೇಮಕಾತಿಯಲ್ಲಿ ಭಾಗವಹಿಸಲು ಅರ್ಹತೆ ಪಡೆಯುತ್ತಾರೆ.

ಸಿಬಿಎಸ್‌ಇ ಸಿಟಿಇಟಿ ಪ್ರಮಾಣ ಪತ್ರ ಈ ಹಿಂದೆ 7 ವರ್ಷ ಮಾನ್ಯತೆ ಪಡೆದಿತ್ತು. ಇನ್ನುಮುಂದೆ ಅಭ್ಯರ್ಥಿಯ ಜೀವನ ಪರ್ಯಂತ ಮಾನ್ಯತೆ ಹೊಂದಿರುತ್ತದೆ.

ACF ನೇಮಕಾತಿ ಆನ್‌ಲೈನ್‌ ಅಪ್ಲಿಕೇಶನ್‌ಗೆ ಲಿಂಕ್‌ ಬಿಡುಗಡೆ: ಅರ್ಜಿ ಸಲ್ಲಿಕೆ ಹೇಗೆ?

1. ಸಿಟಿಇಟಿ ಪ್ರಮಾಣಪತ್ರ ಸಿಂಧುತ್ವ ಅವಧಿ ವಿಸ್ತರಣೆ ಹೇಗೆ ಅನುಕೂಲವಾಗಲಿದೆ?
   ಈ ಹಿಂದೆ ಏಳು ವರ್ಷ ಮಾತ್ರ ಸಿಬಿಎಸ್‌ಇ ಸಿಟಿಇಟಿ ಸರ್ಟಿಫಿಕೇಟ್‌ ಪ್ರಮಾಣ ವ್ಯಾಲಿಡ್‌ ಇತ್ತು. ಅಂದರೆ ಈ ಪರೀಕ್ಷೆ ಪಾಸ್ ಆದ ಅಭ್ಯರ್ಥಿ ಏಳು ವರ್ಷದ ವರೆಗೆ ಮಾತ್ರ ಶಿಕ್ಷಕರ ನೇಮಕಾತಿ ಪ್ರಕ್ರಿಯೆಯಲ್ಲಿ ಭಾಗವಹಿಸಬಹುದಿತ್ತು. ಆದರೆ ಇನ್ನುಮುಂದೆ ಒಮ್ಮೆ ಸಿಟಿಇಟಿ ಅರ್ಹತೆ ಪಡೆದಲ್ಲಿ, ಅದು ಲೈಫ್‌ಲಾಂಗ್ ಉಪಯೋಗವಾಗಲಿದೆ.
2. ಸಿಬಿಎಸ್‌ಇ'ಯು ಸಿಟಿಇಟಿ ವ್ಯಾಲಿಡೇಷನ್‌ ವಿಸ್ತರಣೆ ಕುರಿತು ನೋಟಿಸ್‌ ನೀಡಲಾಗಿದೆಯೇ?
   ಈ ವರೆಗೆ ಸಿಬಿಎಸ್‌ಇ'ಯು ಸಿಟಿಇಟಿ ಪ್ರಮಾಣ ಪತ್ರ ವ್ಯಾಲಿಡಿಟಿ ವಿಸ್ತರಣೆ ಕುರಿತು ಯಾವುದೇ ಅಧಿಕೃತ ನೋಟಿಸ್ ನೀಡಿಲ್ಲ. ಆದರೆ ಈ ಮಾಹಿತಿಯು ಎನ್‌ಸಿಟಿಇ'ಯ 50ನೇ ಸಾಮಾನ್ಯ ಸಭೆ ನಿರ್ಣಯದ ಆಧಾರಿತ ಮಾಹಿತಿ ಆಗಿರುತ್ತದೆ. ಎನ್‌ಸಿಟಿಇ ಈ ಕುರಿತು ಅಧಿಕೃತ ನಿರ್ದೇಶನ ನೀಡಿದ ನಂತರ ಸಿಬಿಎಸ್‌ಇ'ಯು ಸಹ ನೋಟಿಸ್ ನೀಡಲಿದೆ.
3. ಸಿಟಿಇಟಿ ವ್ಯಾಲಿಡಿಟಿ ವಿಸ್ತರಣೆ ಈಗಿನಿಂದಲೇ ಜಾರಿಯಾಗಿದೆಯೇ?
   ಖಂಡಿತ ಇಲ್ಲ. ಟಿಇಟಿ ಅಥವಾ ಸಿಟಿಇಟಿ ವ್ಯಾಲಿಡಿಟಿ ಅವಧಿ ವಿಸ್ತರಣೆ ಈಗಿನಿಂದಲೇ ಜಾರಿ ಆಗಿಲ್ಲ. ಎನ್‌ಸಿಟಿಇ ಅಧಿಕೃತ ನಿರ್ದೇಶನ ನೀಡಿದ ನಂತರ ಆಯಾ ರಾಜ್ಯಗಳ ಸಂಬಂಧಿತ ಮಂಡಳಿಗಳು ಈ ನಿರ್ಧಾರದ ಕುರಿತು ನೋಟಿಸ್ ನೀಡಲಿವೆ. ಪ್ರಸ್ತುತ ಈ ಮಾಹಿತಿಯನ್ನು ಎನ್‌ಸಿಟಿಇ 50ನೇ ಸಾಮಾನ್ಯ ಸಭೆ ನಿರ್ಣಯಗಳಲ್ಲಿ ಮಾತ್ರ ಉಲ್ಲೇಖಿಸಲಾಗಿದೆ.