ನೀಟ್‌ 2019 ಆನ್‌ಲೈನ್‌ ಅರ್ಜಿ ತಿದ್ದುಪಡಿಗೆ ನಾಳೆ ಸಂಜೆ ವರೆಗೂ ಅವಕಾಶ

ಹೊಸದಿಲ್ಲಿ: ನ್ಯಾಷನಲ್‌ ಟೆಸ್ಟಿಂಗ್‌ ಏಜೆನ್ಸಿ(ಎನ್‌ಟಿಎ) ನೀಟ್‌ 2019ರ ಅರ್ಜಿ ತಿದ್ದುಪಡಿಗೆ ಅವಕಾಶ ಕಲ್ಪಿಸಿದ್ದು, ಎನ್‌ಟಿಎ ಅಧಿಕೃತ ವೆಬ್‌ಸೈಟ್‌ನಲ್ಲಿ ತಿದ್ದುಪಡಿ ಮಾಡಬಹುದಾಗಿದೆ.

ನೀಟ್‌ 2019 ಪರೀಕ್ಷೆಗೆ ಹಾಜರಾದ ವಿದ್ಯಾರ್ಥಿಗಳು ಅಧಿಕೃತ ವೆಬ್‌ಸೈಟ್‌ ntaneet.nic.inಗೆ ಭೇಟಿ ನೀಡಿ, ಅರ್ಜಿಯಲ್ಲಿ ಯಾವುದೇ ದೋಷ ಕಂಡುಬಂದಲ್ಲಿ ಸರಿ ಪಡಿಸಬಹುದಾಗಿದೆ.

ಆನ್‌ಲೈನ್‌ ಮೂಲಕ ತಿದ್ದುಪಡಿಗೆ ಮೇ 31, 2019 ಸಂಜೆ 5 ಗಂಟೆ ವರೆಗೆ ಅವಕಾಶ ನೀಡಲಾಗಿದೆ. ತಂದೆಯ ಹೆಸರು, ತಾಯಿಯ ಹೆಸರು, ಜನ್ಮ ದಿನಾಂಕ, ಲಿಂಗ ಮತ್ತು ವಿಭಾಗದಲ್ಲಿ ಯಾವುದಾದರು ತಿದ್ದುಪಡಿಯಿದ್ದರೆ ಮಾಡಬಹುದಾಗಿದೆ.

ಆರ್ಥಿಕವಾಗಿ ಹಿಂದುಳಿದ ವರ್ಗದವರು ದಾಖಲಾತಿ ವೇಳೆ ಸಿಗುವ ಬೆನಿಫಿಟ್‌ಗಳಿಗೆ ಸಂಬಂಧಿಸಿದ ತಿದ್ದುಪಡಿಗಳು ಇದ್ದರೆ ಮಾಡಬಹುದಾಗಿದೆ.

ನೀಟ್ ಅರ್ಜಿ 2019ರಲ್ಲಿ ತಿದ್ದುಪಡಿ ಮಾಡಲು ಅಭ್ಯರ್ಥಿಗಳು ಈ ಹಂತಗಳನ್ನು ಪಾಲಿಸಬಹುದು
1. ntaneet.nic.in ಅಧಿಕೃತ ವೆಬ್‌ಸೈಟ್‌ ಅನ್ನು ಓಪನ್ ಮಾಡಿ ಬಳಿಕ ಲಾಗಿನ್ ಆಗಬೇಕು.

2. ಲಾಗಿನ್ ಆದ ಬಳಿಕ ನೀಟ್‌ ಅರ್ಜಿಯ ಲಿಂಕ್‌ ಅನ್ನು ಓಪನ್‌ ಮಾಡಿ.

3. ಅಗತ್ಯವಿರುವ ಬದಲಾವಣೆಗಳನ್ನು ಮಾಡಿ ಅರ್ಜಿ ತುಂಬಿಸಿ. ನಂತರ ಬದಲಾವಣೆ ಮಾಡಿರುವುದನ್ನು ಕೂಲಂಕುಷವಾಗಿ ಪರಿಶೀಲಿಸಿ ನಂತರ ಸಬ್ಮಿಟ್ ಬಟನ್‌ ಕ್ಲಿಕ್ ಮಾಡಿ.

ನೀಟ್‌ 2019ರ ತಾತ್ಕಾಲಿಕ ಕೀ ಉತ್ತರಗಳು ಶೀಘ್ರದಲ್ಲೇ ಬಿಡುಗಡೆಯಾಗುವ ಸಾಧ್ಯತೆಗಳಿವೆ .