ಜೆಇಇ ಮುಖ್ಯ ಪರೀಕ್ಷೆಯ ಕೀ ಉತ್ತರ ಬಿಡುಗಡೆ: ಆಕ್ಷೇಪ ಸಲ್ಲಿಸಲು ಏಪ್ರಿಲ್ 16ರವರೆಗೆ ಕಾಲಾವಕಾಶ

ಹೊಸದಿಲ್ಲಿ: ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ( ಎನ್‌ಟಿಎ) ಏಪ್ರಿಲ್‌ನಲ್ಲಿ ನಡೆದ ಜೆಇಇ ಮುಖ್ಯ ಪರೀಕ್ಷೆಯ ಕೀ ಉತ್ತರಗಳನ್ನು ಅಧಿಕೃತ ವೆಬ್‌ಸೈಟ್‌ನಲ್ಲಿ ಬಿಡುಗಡೆ ಮಾಡಿದೆ. ಏಪ್ರಿಲ್ 7, 8, 9 , 10 ಹಾಗೂ 12ರಂದು ನಡೆದಿದ್ದ ಜೆಇಇ ಮುಖ್ಯ ಪರೀಕ್ಷೆಗೆ ಹಾಜರಾಗಿದ್ದ ಅಭ್ಯರ್ಥಿಗಳು ಕೀ ಉತ್ತರಗಳನ್ನು jeemain.nic.in ನೋಡಬಹುದು.

ಇನ್ನು, ಜೆಇಇ ಬಿಡುಗಡೆ ಮಾಡಿರುವ ಕೀ ಉತ್ತರಗಳ ಬಗ್ಗೆ ಅಭ್ಯರ್ಥಿಗಳು ಚಾಲೆಂಜ್‌ ಮಾಡಿ ಆಕ್ಷೇಪ ಸಲ್ಲಿಸಬಹುದು. ಜೆಇಇಯ ಅಧಿಕೃತ ವೆಬ್‌ಸೈಟ್‌ jeemain.nic.inನಲ್ಲಿ ಏಪ್ರಿಲ್ 16, 2019 ರಾತ್ರಿ 11:50ರವರೆಗೆ ಆಕ್ಷೇಪ ವ್ಯಕ್ತಪಡಿಸಲು ಕಾಲಾವಕಾಶವನ್ನೂ ಜೆಇಇ ನೀಡಿದೆ.

ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ಈ ಸಂಬಂಧ ಅಧಿಕೃತ ಪ್ರಕಟಣೆ ಹೊರಡಿಸಿದೆ. ''ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ( ಎನ್‌ಟಿಎ) ಅಭ್ಯರ್ಥಿಗಳನ್ನು ಕೀ ಉತ್ತರಗಳನ್ನು ಪ್ರಕಟಿಸಿದ್ದು, ಚಾಲೆಂಜ್ ಮಾಡಲು ಅವಕಾಶ ನೀಡಿದೆ. ಆಕ್ಷೇಪ ಸಲ್ಲಿಸಲು ಇರುವ ನಿಯಮದಂತೆ ಚಾಲೆಂಜ್ ಮಾಡಬಹುದು. ಇದಕ್ಕೆ ಏಪ್ರಿಲ್ 14, 2019ರಿಂದ ಏಪ್ರಿಲ್ 16, 2019 ರಾತ್ರಿ 11:50ರವರೆಗೆ ಅವಕಾಶ ನೀಡಲಾಗಿದೆ'' ಎಂದು ತಿಳಿಸಿದೆ.

ಜೆಇಇ 2019ರ ಮುಖ್ಯ ಪರೀಕ್ಷೆಯ ಪ್ರಶ್ನೆ ಪತ್ರಿಕೆಗಳು ಹಾಗೂ ಅಧಿಕೃತ ವೆಬ್‌ಸೈಟ್‌ನಿಂದ ಬರುವ ಪ್ರತಿಕ್ರಿಯೆಗಳನ್ನು ಈ ಕೆಳಗಿನ ಡೈರೆಕ್ಟ್ ಲಿಂಕ್‌ನಲ್ಲಿ ನೋಡಬಹುದು.

ಜೆಇಇ ಮುಖ್ಯ ಪರೀಕ್ಷೆ ಏಪ್ರಿಲ್ 2019ರ ಕೀ ಉತ್ತರಗಳನ್ನು ನೋಡಲು ಈ ಲಿಂಕ್‌ ಕ್ಲಿಕ್‌ ಮಾಡಿ

ಪ್ರತಿ ಪ್ರಶ್ನೆಗಳ ಕೀ ಉತ್ತರಗಳನ್ನು ಚಾಲೆಂಜ್‌ ಮಾಡಲು ಅಭ್ಯರ್ಥಿಗಳು ಒಂದು ಸಾವಿರ ರೂ. ಸಂಸ್ಕರಣಾ ಶುಲ್ಕವನ್ನು ಕಟ್ಟಬೇಕಾಗುತ್ತದೆ. ಆದರೆ, ಅವರ ಆಕ್ಷೇಪಣೆ ಅಥವಾ ಚಾಲೆಂಜ್ ಸರಿ ಇದ್ದಲ್ಲಿ ಆ ಹಣವನ್ನು ವಾಪಸ್‌ ನೀಡಲಾಗುವುದು. ಹಣವನ್ನು ಡೆಬಿಟ್‌ / ಕ್ರೆಡಿಟ್ ಕಾರ್ಡ್ / ನೆಟ್‌ ಬ್ಯಾಂಕಿಂಗ್‌ನಲ್ಲಿ ಶುಲ್ಕ ಕಟ್ಟಬಹುದು. ಶುಲ್ಕ ಕಟ್ಟದಿದ್ದಲ್ಲಿ ಆಕ್ಷೇಪಣೆಯನ್ನು ತೆಗೆದುಕೊಳ್ಳುವುದಿಲ್ಲ'' ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಅಲ್ಲದೆ, ಅಭ್ಯರ್ಥಿಗಳ ಪ್ರಶ್ನೆ ಪತ್ರಿಕೆಯನ್ನು ಸಹ ಎನ್‌ಟಿಎ jeemain.nic.in ವೆಬ್‌ಸೈಟ್‌ನಲ್ಲಿ ಬಿಡುಗಡೆ ಮಾಡಿದೆ.

ಏಪ್ರಿಲ್ 7,8,9,10 ಹಾಗೂ 12ರಂದು ಜೆಇಇ ಮುಖ್ಯ ಪರೀಕ್ಷೆಯನ್ನು ಆನ್‌ಲೈನ್‌ ಮೂಲಕ ನಡೆಸಿತ್ತು. ಒಟ್ಟಾರೆ ಏಪ್ರಿಲ್‌ನಲ್ಲಿ ನಡೆದ ಜೆಇಇ ಮುಖ್ಯ ಪರೀಕ್ಷೆ 2019ರಲ್ಲಿ 9,58,619 ಅಭ್ಯರ್ಥಿಗಳು ನೋಂದಾಯಿಸಿಕೊಂಡಿದ್ದರು.