ನೀಟ್‌ 2019 ಒಎಂಆರ್ ಶೀಟ್‌ ಬಿಡುಗಡೆ: ಡೌನ್ಲೋಡ್ ಮಾಡಲು ಇಲ್ಲಿದೆ ವಿವರ

ಹೊಸದಿಲ್ಲಿ: ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿ (ಎನ್‌ಟಿಎ) ನೀಟ್ 2019ರ ಒಎಂಆರ್ ಉತ್ತರದ ಶೀಟ್‌ಗಳನ್ನು ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಬಿಡುಗಡೆ ಮಾಡಿದೆ. ಎನ್‌ಟಿಎ ನೀಟ್‌ 2019ರ ಪರೀಕ್ಷೆಗೆ ಹಾಜರಾಗಿದ್ದ ಅಭ್ಯರ್ಥಿಗಳು ಎನ್‌ಟಿಎ ಅಧಿಕೃತ ವೆಬ್‌ಸೈಟ್ -ntaneet.nic.in ಗೆ ಭೇಟಿ ನೀಡಿ ತಮ್ಮ ನೀಟ್ ಒಎಂಆರ್‌ ಉತ್ತರದ ಶೀಟ್‌ಗಳನ್ನು ಚೆಕ್‌ ಮಾಡಿ ಡೌನ್ಲೋಡ್‌ ಮಾಡಿಕೊಳ್ಳಬಹುದು.

ಈ ಸಂಬಂಧ ಅಧಿಕೃತ ಅಧಿಸೂಚನೆ ಬಿಡುಗಡೆ ಮಾಡಿರುವ ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿ (ಎನ್‌ಟಿಎ) ಒಎಂಆರ್‌ ಉತ್ತರದ ಶೀಟ್‌ಗಳು ಹಾಗೂ ಅಭ್ಯರ್ಥಿಗಳು ದಾಖಲಿಸಿರುವ ಉತ್ತರಗಳನ್ನು ಅಪ್ಲೋಡ್‌ ಮಾಡಿರುವುದಾಗಿ ಮಾಹಿತಿ ನೀಡಿದೆ.

ಅಲ್ಲದೆ, ಅಭ್ಯರ್ಥಿಗಳು ತಮಗೆ ಇಷ್ಟಬಂದಲ್ಲಿ ಇದನ್ನು ಚಾಲೆಂಜ್‌ ಮಾಡಬಹುದು. ಎನ್‌ಟಿಎ ಅಧಿಕೃತ ವೆಬ್‌ಸೈಟ್ www.ntaneet.nic.inನಲ್ಲಿ ಅಭ್ಯರ್ಥಿಗಳು ಲಾಗಿನ್ ಆಗುವ ಮೂಲಕ ಜೂನ್ 2, 2019 ರವರೆಗೆ ಆಕ್ಷೇಪಣೆ ಸಲ್ಲಿಸಬಹುದು ಎಂದು ತಿಳಿಸಿದೆ.

ನೀಟ್ 2019 ಕೀ ಉತ್ತರಗಳನ್ನು ಎನ್‌ಟಿಎ ಮೇ 29, 2019ರಂದು ಬಿಡುಗಡೆ ಮಾಡಿತ್ತು. ಅಲ್ಲದೆ, ಆಕ್ಷೇಪಣೆ ಸಲ್ಲಿಸಲು ಮೇ 31, 2019ರವರೆಗೆ ಅವಕಾಶ ನೀಡಿತ್ತು.