ಗ್ರ್ಯಾಜುಯೇಟ್ ಆಪ್ಟಿಟ್ಯೂಡ್ ಟೆಸ್ಟ್ ಇನ್‌ ಎಂಜಿನಿಯರಿಂಗ್ 2020 ರ ಪರೀಕ್ಷೆಗೆ ಆನ್‌ಲೈನ್‌ ಅರ್ಜಿ ಸಲ್ಲಿಸಿರುವ ಅಭ್ಯರ್ಥಿಗಳು ತಮ್ಮ ಪ್ರಾಥಮಿಕ ಮಾಹಿತಿಗಳನ್ನು ಸರಿಪಡಿಸಲು ಅಕ್ಟೋಬರ್ 15 ರಿಂದ ಅವಕಾಶ ಸಿಗಲಿದ್ದು, ವಿಂಡೋ ಓಪನ್ ಆಗಲಿದೆ. ಅಭ್ಯರ್ಥಿಗಳು ತಮ್ಮ ಅರ್ಜಿಯಲ್ಲಿ ಹೆಸರು, ತಂದೆ ಹೆಸರು, ಕಾಲೇಜು ಹೆಸರು ಮತ್ತು ಇತರೆ ಮಾಹಿತಿಗಳನ್ನು ತಪ್ಪಾಗಿ ನೀಡಿದ್ದಲ್ಲಿ ಸರಿಪಡಿಸಿಕೊಳ್ಳಬಹುದಾಗಿದೆ.

ಅಭ್ಯರ್ಥಿಗಳು ಈಗಾಗಲೇ ರಿಜಿಸ್ಟ್ರೇಷನ್‌ ವೇಳೆ ನೀಡಿರುವ ಮಾಹಿತಿ ತಪ್ಪಾಗಿದ್ದಲ್ಲಿ, ಅವುಗಳನ್ನು ಸರಿಪಡಿಸಿಕೊಳ್ಳಬೇಕು. ಒಂದು ವೇಳೆ ಅಂಕಪಟ್ಟಿಯಲ್ಲಿರುವ ಮಾಹಿತಿಗಳು ಮತ್ತು ಅರ್ಜಿಯಲ್ಲಿ ನೀಡಿರುವ ಮಾಹಿತಿಗಳು ಬೇರೆ ಬೇರೆ ಎಂದು ಕಂಡುಬಂದಲ್ಲಿ ಪ್ರವೇಶಾತಿ ವೇಳೆ ಸಮಸ್ಯೆ ಎದುರಾಗುತ್ತದೆ. ಆದ್ದರಿಂದ ಆನ್‌ಲೈನ್‌ ರಿಜಿಸ್ಟ್ರೇಷನ್‌ ಫಾರ್ಮ್‌ ಅನ್ನು ಸರಿಪಡಿಸಿಕೊಳ್ಳಲು ಅವಕಾಶ ನೀಡಲಾಗುತ್ತಿದೆ.

2020 ಜೆಇಇ ಮುಖ್ಯ ಪರೀಕ್ಷೆ ಆನ್‌ಲೈನ್‌ ಅರ್ಜಿ ತಿದ್ದುಪಡಿಗೆ ಅವಕಾಶ: ಲಿಂಕ್‌ ಇಲ್ಲಿದೆ..

ಈಗಾಗಲೇ ಸಂಪೂರ್ಣವಾಗಿ ಅರ್ಜಿ ಸಲ್ಲಿಸಿ, ಅರ್ಜಿ ಶುಲ್ಕ ಪಾವತಿಸಿರುವ ಅಭ್ಯರ್ಥಿಗಳು ಮಾತ್ರ ಅರ್ಜಿ ಕರೆಕ್ಷನ್‌ಗೆ ಲಾಗಿನ್‌ ಆಗಬಹುದು.

ಅಭ್ಯರ್ಥಿಗಳು ರಿಜಿಸ್ಟ್ರೇಷನ್‌ ಫಾರ್ಮ್‌ ಕರೆಕ್ಷನ್‌ ಮಾಡಲು, ಹೆಚ್ಚುವರಿ ಅರ್ಜಿ ಶುಲ್ಕವನ್ನು ಪಾವತಿಸಬೇಕು. ಆನ್‌ಲೈನ್‌ನಲ್ಲೇ ಶುಲ್ಕವನ್ನು ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್, ಯುಪಿಐ ಮತ್ತು ಪೇಟಿಎಂ ಬಳಸಿ ಪಾವತಿಸಬಹುದು. ರಿಜಿಸ್ಟ್ರೇಷನ್‌ ವೇಳೆ ನೀಡಿದ ಇಮೇಲ್ ವಿಳಾಸ ಮತ್ತು GOAPS ಪಾಸ್‌ವರ್ಡ್‌ ನೀಡಿ ಅಭ್ಯರ್ಥಿಗಳು ಮಾಹಿತಿಗಳ ತಿದ್ದುಪಡಿಗೆ ಲಾಗಿನ್‌ ಆಗಬೇಕು.

GATE 2020 ರಿಜಿಸ್ಟ್ರೇಷನ್ ಫಾರ್ಮ್‌ ತಿದ್ದುಪಡಿಗಾಗಿ ಕ್ಲಿಕ್ ಮಾಡಿ

ದೆಹಲಿ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ(ಐಐಟಿ ದೆಹಲಿ) ಗೇಟ್ 2020 ಪರೀಕ್ಷೆಯನ್ನು ಫೆಬ್ರವರಿ 1, 2, 8, 9 2020 ರಂದು ನಡೆಸಲಿದೆ. ಅಭ್ಯರ್ಥಿಗಳಿಂದ ಆನ್‌ಲೈನ್ ರಿಜಿಸ್ಟ್ರೇಷನ್‌ ಅನ್ನು ಸೆಪ್ಟೆಂಬರ್ 3 ರಿಂದ ಅಕ್ಟೊಬರ್ 5 ರವರೆಗೆ ಸ್ವೀಕರಿಸಲಾಗಿತ್ತು.