ರೈಲ್ವೆ ಭದ್ರತಾ ಪಡೆ ಪರೀಕ್ಷೆ: ಕೀ ಉತ್ತರ ಪ್ರಕಟ

ಭಾರತೀಯ ರೈಲ್ವೆಯು 'ರೈಲ್ವೆ ಭದ್ರತಾ ಪಡೆ'(ಆರ್‌ಪಿಎಫ್‌) ಮತ್ತು ರೈಲ್ವೆ ಭದ್ರತಾ ವಿಶೇಷ ಪಡೆಯಲ್ಲಿನ (ಆರ್‌ಪಿಎಸ್‌ಎಫ್‌) ಸಬ್‌ ಇನ್ಸ್‌ಪೆಕ್ಟರ್‌ ಹುದ್ದೆಗಳ ನೇಮಕಕ್ಕೆ ಸಂಬಂಧಪಟ್ಟಂತೆ ನಡೆಸಿದ ಲಿಖಿತ ಪರೀಕ್ಷೆಯ ಕೀ ಉತ್ತರಗಳನ್ನು ವೆಬ್‌ನಲ್ಲಿ ಪ್ರಕಟಿಸಿದೆ.

ಅಭ್ಯರ್ಥಿಗಳು ತಮ್ಮ ರೋಲ್‌ ನಂಬರ್‌, ಜನ್ಮದಿನಾಂಕ, ಪರೀಕ್ಷಾ ದಿನಾಂಕ ಮತ್ತು ಬ್ಯಾಚ್‌ ಕುರಿತಾದ ಮಾಹಿತಿಗಳೊಂದಿಗೆ ವೆಬ್‌ಗೆ ಲಾಗಿನ್‌ ಆಗಿ ಗ್ರೂಪ್‌ ಸಿ ಮತ್ತು ಗ್ರೂ ಡಿ ವಿಭಾಗದಲ್ಲಿ ಅಂಕಪಟ್ಟಿಯನ್ನು ನೋಡಬಹುದು. ಒಟ್ಟು 819 ಪುರುಷ ಮತ್ತು 301 ಮಹಿಳಾ ಸಬ್‌ ಇನ್ಸ್‌ಪೆಕ್ಟರ್‌ ಹುದ್ದೆಗಳ ನೇಮಕಕ್ಕೆ ಕಳೆದ ಡಿಸೆಂಬರ್‌ ಮತ್ತು ಜನವರಿ ತಿಂಗಳಿನಲ್ಲಿ ಆರ್‌ಪಿಎಫ್‌ ಪರೀಕ್ಷೆ ನಡೆಸಿತ್ತು.