ಆರ್‌ಆರ್‌ಬಿ (ಜೆಇ) ಫಲಿತಾಂಶ ಪ್ರಕಟ

ಹೊಸದಿಲ್ಲಿ: ರೈಲ್ವೆ ನೇಮಕಾತಿ ಮಂಡಳಿ (ಆರ್‌ಆರ್‌ಬಿ)ಯು ಮಂಗಳವಾರ ಸಂಜೆ ಆರ್‌ಆರ್‌ಬಿ ಜೆಇ ಪರೀಕ್ಷಾ ಫಲಿತಾಂಶ ಪ್ರಕಟಿಸಿದೆ.

ಜೆಇ, ಡಿಎಂಎಸ್‌, ಸಿಎಂಎಗೆ ನಡೆದ ಆರ್‌ಆರ್‌ಬಿ ಜೆಇ 2019 ಪರೀಕ್ಷಾ ಫಲಿತಾಂಶ ಪ್ರಕಟಿಸಲಾಗಿದೆ.

http://www.rrcb.gov.in ವೆಬ್‌ಸೈಟ್‌ನಲ್ಲಿ ಪರೀಕ್ಷಾ ಫಲಿತಾಂಶ ಲಭ್ಯವಿದೆ. ಮೊದಲ ಹಂತದ ಪರೀಕ್ಷೆಯು ಮೇ 22 ರಿಂದ ಜೂನ್‌ 2ರವರೆಗೆ ಮತ್ತು ಜೂನ್‌ 26 ರಿಂದ ಜೂನ್‌ 28ರವರೆಗೆ ನಡೆದಿತ್ತು.

ಎರಡನೇ ಹಂತದ ಆರ್‌ಆರ್‌ಬಿ ಜೆಇ ಪರೀಕ್ಷೆಯು ಆಗಸ್ಟ್‌ 28 ರಿಂದ ಆಗಸ್ಟ್‌ 31ರವರೆಗೆ ನಡೆಯಲಿದೆ.

ಎರಡನೇ ಹಂತದಲ್ಲಿ ಆಯ್ಕೆಯಾಗುವ ಅರ್ಹ ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ, ಅಗತ್ಯ ದಾಖಲೆಗಳನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬೇಕೆಂದು ಸೂಚಿಸಲಾಗಿದೆ.

ನೇಮಕಾತಿ ಪ್ರಕ್ರಿಯೆ

ಸಂಪೂರ್ಣ ನೇಮಕ ಪ್ರಕ್ರಿಯೆಯು ಎರಡು ಹಂತಗಳಲ್ಲಿ ನಡೆಯಲಿದೆ. ಎರಡು ಹಂತಗಳಲ್ಲಿ ಕಂಪ್ಯೂಟರ್‌ ಆಧರಿತ ಟೆಸ್ಟ್‌, ದಾಖಲೆ ಪರಿಶೀಲನೆ, ವೈದ್ಯಕೀಯ ಪರೀಕ್ಷೆ ನಡೆಯಲಿದೆ. ಮೆರಿಟ್‌ ಆಧಾರದ ಮೇಲೆಯೇ ಆಯ್ಕೆ ನಡೆಯಲಿದೆ.