ಸೈರಸ್ ಪೂನಾವಾಲ್ಲಾ ಎಂಬುವರು 1966 ರಲ್ಲಿ ಸಂಸ್ಥಾಪಿಸಿರುವ ಪುಣೆ ಮೂಲದ ಸೀರಂ ಇನ್‌ಸ್ಟಿಟ್ಯೂಟ್‌ ಆಫ್‌ ಇಂಡಿಯಾ(SII) ಪ್ರಪಂಚದ ಬಹುದೊಡ್ಡ ಲಸಿಕಾ ಉತ್ಪಾದಕ ಸಂಸ್ಥೆಯಾಗಿದೆ. 1.5 ಬಿಲಿಯನ್ ಡೋಸೆಸ್‌ ಮತ್ತು ಪ್ರಪಂಚದ ಶೇಕಡ 65 ರಷ್ಟು ಮಕ್ಕಳಿಗೆ ರೋಗನಿರೋಧಕಗಳನ್ನು ಉತ್ಪಾಧಿಸುವ ಸಂಸ್ಥೆ ಇದಾಗಿದೆ.

ಸೀರಂ ಸಂಸ್ಥೆ ಪ್ರಸ್ತುತ ಕೊರೊನಾ ವಿರುದ್ಧ ಹೋರಾಡಲು ಕೈಗೊಳ್ಳುತ್ತಿರುವ ಗಂಭೀರ ಕ್ರಮಗಳಿಂದ ಪ್ರಪಂಚದಾದ್ಯಂತದ ಮಾಧ್ಯಮಗಳಲ್ಲಿ ಹೆಡ್‌ಲೈನ್‌ ಪಡೆಯುತ್ತಿದೆ. ಈಗಾಗಲೇ ಯುಕೆ ಆಕ್ಡ್‌ಫರ್ಡ್‌ ಯುನಿವರ್ಸಿಟಿ, ಅಮೆರಿಕ ಮೂಲದ ಬಯೋಟೆಕ್ ಕಂಪನಿ ಕೊಡಾಜೆನಿಕ್ಸ್‌ ಗಳೊಂದಿಗಿನ ಉಪಕ್ರಮಗಳು ಮತ್ತು ಪುನರ್‌ ಸಂಯೋಜಿತ ಬಿಸಿಜಿ ಲಸಿಕೆ ಕ್ರಮಗಳಿಂದ ಹೆಚ್ಚು ಜನಪ್ರಿಯವಾಗಿದೆ.

ಈಗ ಪ್ರಪಂಚದ ಗಂಭೀರ ಸಮಸ್ಯೆಯಾದ ಕೊರೊನಾಗೆ ಲಸಿಕೆ ಕಂಡುಹಿಡಿಯಲು ಮುಂದಾಗಿದ್ದು, ಪ್ಲಾನ್‌ ಯಾಶಸ್ವಿಯಾದಲ್ಲಿ ರೂ.1000 ಕ್ಕೆ ಮಾರಾಟ ಮಾಡುವುದಾಗಿ ಸೀರಂ ಇನ್‌ಸ್ಟಿಟ್ಯೂಟ್‌ ಸಿಇಓ ಆದಾರ್ ಪೂನಾವಾಲ್ಲಾ ಹೇಳಿದ್ದಾರೆ.

ವಿವಿಧ ಪ್ರವೇಶಾತಿ ಪರೀಕ್ಷೆ ವೇಳಾಪಟ್ಟಿ ಕುರಿತು ಹೆಚ್‌ಆರ್‌ಡಿ ಮಿನಿಸ್ಟ್ರಿ ಹೇಳಿದ್ದೇನು?

ಈಗಾಗಲೇ 500 ರಿಂದ 600 ಕೋಟಿ ವೆಚ್ಚ ವಿನಿಯೋಗಿಸಿ ಹಲವು ಲಸಿಕೆಗಳನ್ನು ಉತ್ಪಾದಿಸಿದೆ. ಆಕ್ಸ್‌ಫರ್ಡ್‌ನೊಂದಿಗೆ ಎಬೊಲಾ ರೋಗಕ್ಕೆ ಲಸಿಕೆ ಕಂಡುಹಿಡಿದು ಹೆಸರು ಮಾಡಿದ ಸಂಸ್ಥೆ ಸೀರಂ. ಈಗ ಕೋವಿಡ್‌-19 ಗೆ ಲಸಿಕೆ ಕಂಡುಹಿಡಿಯಲು ಪ್ರಯೋಗ ನಡೆಸಲು ಮುಂದಾಗಿದೆ. ಲಸಿಕೆ ಕೊರೊನಾ ಹೋಗಲಾಡಿಸಿದ್ದಲ್ಲಿ ನಂತರ ಸಾವಿರ ರೂಪಾಯಿಗೆ ಮಾರಾಟ ಮಾಡುವುದಾಗಿ ಸಂಸ್ಥೆಯ ಸಿಇಓ ತಿಳಿಸಿದ್ದಾರೆ.

ಕೋವಿಡ್-19 ವಿರುದ್ಧ ಹೋರಾಡಲು ಲಸಿಕೆ ಕಂಡುಹಿಡಿಯಲು ಬಯೋಟೆಕ್ನಾಲಜಿ ಇಲಾಖೆಯ ಸಹಾಯವನ್ನು ಸೀರಂ ಸಂಸ್ಥೆ ತೆಗೆದುಕೊಳ್ಳಲು ಮುಂದಾಗಿದೆ. ಇನ್ನೆರಡು ವಾರಗಳಲ್ಲಿ ಲಸಿಕೆಯ ಪ್ರಯೋಗವನ್ನು ಭಾರತದಲ್ಲಿ ನಡೆಸಲಿದ್ದು, ಬಿಸಿಜಿ ಲಸಿಕೆ ಆಗ ತಾನೆ ಜನಿಸಿದ ಶಿಶುವಿಗೆ ನೀಡಲು ಸಹ ಸುರಕ್ಷಿತ ಲಸಿಕೆ ಇದಾಗಿದೆ. ನೂರಕ್ಕೂ ಹೆಚ್ಚು ದೇಶಗಳಿಗೆ ಎರಡು ದಶಕಗಳಿಂದ ಸೀರಂ ಇನ್‌ಸ್ಟಿಟ್ಯೂಟ್‌ ಬಿಸಿಜಿ ಲಸಿಕೆ ನೀಡಲಾಗುತ್ತಿದೆ ಎಂದಿದ್ದಾರೆ ಆದಾರ್ ಪೂನಾವಾಲ್ಲಾ.