ಆನ್‌ಲೈನ್‌ ತರಗತಿಗೆ ತಡೆಯಿಲ್ಲ; ಶುಲ್ಕ ಪಾವತಿಗೆ 15 ದಿನಗಳ ಗಡುವು

ಶುಲ್ಕ ಪಾವತಿಸದ ವಿದ್ಯಾರ್ಥಿಗಳಿಗೆ ಡಿಸೆಂಬರ್ 01 ರಿಂದ ಆನ್‌ಲೈನ್‌ ಕ್ಲಾಸ್‌ ರದ್ದು ಮಾಡುತ್ತೇವೆ ಎಂದು ಖಾಸಗಿ ಶಾಲೆಗಳ ಒಕ್ಕೂಟ ತಿಳಿಸಿತ್ತು. ಈ ಹಿನ್ನೆಲೆಯಲ್ಲಿ ಶಿಕ್ಷಣ ಇಲಾಖೆ ಖಾಸಗಿ ಶಾಲೆಗಳ ಆಡಳಿತ ಮಂಡಳಿ ಒಕ್ಕೂಟದ ಜತೆ ಸಭೆ ನಡೆಸಲಾಗಿತ್ತು. ಪ್ರಸ್ತುತ ಖಾಸಗಿ ಶಾಲೆಗಳು 'ಶುಲ್ಕ ಪಾವತಿಸದ ವಿದ್ಯಾರ್ಥಿಗಳಿಗೆ ಸದ್ಯದಲ್ಲಿ ಆನ್‌ಲೈನ್‌ ತರಗತಿ ಸ್ಥಗಿತಗೊಳಿಸುವುದಿಲ್ಲ. ಆದರೆ 15 ದಿನಗಳ ಒಳಗೆ ನಮ್ಮ ಬೇಡಿಕೆಗಳನ್ನು ಸರ್ಕಾರ ಈಡೇರಿಸಬೇಕು' ಎಂದು ಬೇಡಿಕೆ ಇಟ್ಟಿವೆ.

ಖಾಸಗಿ ಶಾಲಾ ಸಂಘಟನೆಗಳು ಶುಲ್ಕ ಪಾವತಿ ಸೇರಿ ಇತರೆ 6 ಬೇಡಿಕೆಗಳನ್ನು ಸರ್ಕಾರದ ಮುಂದಿಟ್ಟಿದ್ದು, ಅವುಗಳ ಪರಿಹಾರಕ್ಕೆ 15 ದಿನಗಳ ಗಡುವು ನೀಡಿವೆ.

ಶಿಕ್ಷಣ ಇಲಾಖೆ ಜತೆಗೆ ಸಭೆಯಲ್ಲಿ ಕ್ಯಾಮ್ಸ್‌, ಕುಸ್ಮಾ ಮಿಸ್ಕಾ, ರುಪ್ಸಾ, ಐಸಿಎಸ್‌ಇ ಶಾಲಾ ಪ್ರತಿನಿಧಿಗಳ ಸಂಘ, ಅಲ್ಪಸಂಖ್ಯಾತರ ಶಾಲೆಗಳ ಒಕ್ಕೂಟಗಳ ಸಂಘಟನೆಗಳು ಭಾಗವಹಿಸಿದ್ದವು. 'ಈವರೆಗೆ ಶೇಕಡ.40 ಪಾಲಕರು ಶುಲ್ಕ ಪಾವತಿಸಿ ಮಕ್ಕಳಿಗೆ ಪ್ರವೇಶವನ್ನು ಪಡೆದಿಲ್ಲ. ಶುಲ್ಕ ಪಾವತಿಸದೇ ಇದ್ದರೂ ಮಕ್ಕಳನ್ನೂ ಮುಂದಿನ ವರ್ಷಕ್ಕೆ ಪಾಸ್ ಮಾಡುತ್ತಾರೆ ಎಂಬ ಕಲ್ಪನೆಯಲ್ಲಿದ್ದಾರೆ. ಸರ್ಕಾರ ಪಾಲಕರಿಗೆ ಈ ಬಗ್ಗೆ ಮನವರಿಕೆ ನೀಡಬೇಕಿದೆ. ಪ್ರಮುಖವಾಗಿ ಶುಲ್ಕ ವಿವಾದ ಬಗೆಹರಿಸಲು ಕ್ರಮ ತೆಗೆದುಕೊಳ್ಳಬೇಕಿದೆ ಎಂದು ಕ್ಯಾಮ್ಸ್‌ ಸಂಘಟನೆ ಪ್ರಧಾನ ಕಾರ್ಯದರ್ಶಿ ಡಿ.ಶಶಿಕುಮಾರ್ ತಿಳಿಸಿದ್ದಾರೆ.

ಪಿಯು ಪ್ರವೇಶಾತಿಗೆ ದಿನಾಂಕ ವಿಸ್ತರಣೆ

ತಮಿಳುನಾಡಿನಲ್ಲಿ ಶೇಕಡ.75 ಶುಲ್ಕ ಪಡೆಯಲು ಅಲ್ಲಿನ ಹೈಕೋರ್ಟ್‌ ಅವಕಾಶ ನೀಡಿದೆ. ಅದೇ ಮಾದರಿಯಲ್ಲಿ ರಾಜ್ಯದಲ್ಲೂ ಶುಲ್ಕ ಪಡೆಯಲು ಸರ್ಕಾರ ಅನುಕೂಲ ಮಾಡಿಕೊಡಬೇಕು. ಶಾಲೆಗಳ ಆರ್ಥಿಕ ದುಸ್ಥಿತಿ ಪರಿಹಾರಕ್ಕೆ ಬಡ್ಡಿ ರಹಿತ ಸಾಲ ನೀಡಬೇಕು. ಖಾಸಗಿ ಶಾಲೆಗಳಿಗೆ ಬಾಕಿ ಇರುವ ಆರ್‌ಟಿಇ ಮರುಪಾವತಿ ಹಣವನ್ನು ಕೂಡಲೇ ಬಿಡುಗಡೆ ಮಾಡಲು ಕ್ರಮ ತೆಗೆದುಕೊಳ್ಳಬೇಕು ಎಂದು ಖಾಸಗಿ ಶಾಲೆಗಳ ಆಡಳಿತ ಮಂಡಳಿ ಒಕ್ಕೂಟ ಆಗ್ರಹಿಸಿದೆ.

NTSE ಪರೀಕ್ಷೆಗೆ ನೋಂದಣಿ ಮಾಡಲು ನ.30 ಕೊನೆ ದಿನ

ಖಾಸಗಿ ಶಾಲೆಗಳ ಆಡಳಿತ ಮಂಡಳಿ ಒಕ್ಕೂಟದ ಬೇಡಿಕೆಗಳು

- ಕಳೆದ ಸಾಲಿನಲ್ಲಿನ ಬಾಕಿ ಶುಲ್ಕ ಪಾವತಿಸುವಂತೆ ಹೈಕೋರ್ಟ್‌ ಆದೇಶದಂತೆ ಪಾಲಕರಿಗೆ ಸ್ಪಷ್ಟೀಕರಣದ ಮರು ಆದೇಶ ಹೊರಡಿಸಬೇಕು.

- ಕೊರೊನಾ ಸಂಕಷ್ಟದಲ್ಲಿರುವ ಖಾಸಗಿ ಶಾಲೆ ಶಿಕ್ಷಕರಿಗೆ ಆಹಾರ ಕಿಟ್, ಗೌರವಧನ ನೀಡಬೇಕು.

- ಖಾಸಗಿ ಬ್ಯಾಂಕ್‌ಗಳು ಶಾಲೆಗಳಿಗೆ ನೀಡುತ್ತಿರುವ ಕಿರುಕುಳವನ್ನು ನಿಲ್ಲಿಸುವಂತೆ ಸೂಚಿಸಬೇಕು.

- ಹೊಸ ಸ್ಕೂಲ್‌ಗಳಲ್ಲಿನ ಸುರಕ್ಷತಾ ನಿಯಮಗಳನ್ನು ಹಳೆಯ ಶಾಲೆಗಳಲ್ಲೂ ಅನುಷ್ಠಾನಕ್ಕೆ ತರುವಂತೆ ನಡೆಯುತ್ತಿರುವ ಪ್ರಯತ್ನ ನಿಲ್ಲಿಸಬೇಕು.

NIT Engineering Courses: ಐಐಟಿ, ಎನ್‌ಐಟಿ'ಗಳಲ್ಲಿ ಮಾತೃಭಾಷೆಯಲ್ಲಿ ಇಂಜಿನಿಯರಿಂಗ್ ಕೋರ್ಸ್‌!