K-CET ಪರೀಕ್ಷೆ ದಿನಾಂಕದಲ್ಲಿ ಯಾವುದೇ ಬದಲಾವಣೆ ಇಲ್ಲ: ಡಾ.ಅಶ್ವತ್ಥನಾರಾಯಣ ಸ್ಪಷ್ಟನೆ

ಕರ್ನಾಟಕ ಕಾಮನ್ ಎಂಟ್ರ್ಯಾನ್ಸ್‌ ಟೆಸ್ಟ್‌ (K-CET 2020) ಪರೀಕ್ಷೆಗೆ ಮೇ 13 ರಂದು ಪರಿಷ್ಕೃತ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಲಾಗಿತ್ತು. ಈ ವೇಳಾಪಟ್ಟಿಯಂತೆಯೇ ಪರೀಕ್ಷೆ ನಡೆಯಲಿದೆ ಎಂದು ಉನ್ನತ ಶಿಕ್ಷಣ ಸಚಿವ ಡಾ.ಅಶ್ವತ್ಥನಾರಾಯಣ ಇಂದು ಟ್ವೀಟ್‌ ಮಾಡುವ ಮೂಲಕ ತಿಳಿಸಿದ್ದಾರೆ.

ಡಾ ಅಶ್ವತ್ಥನಾರಾಯಣ ರವರು ಕೆಸಿಇಟಿ ಪರೀಕ್ಷೆ ದಿನಾಂಕದ ಕುರಿತು ಸ್ಪಷ್ಟನೆ ನೀಡಲು ಟ್ವೀಟ್‌ ಮಾಡಿರುವ ಅವರು, "K-CET 2020 ಪರೀಕ್ಷೆಗಳು ನಿಗದಿಯಂತೆ ಇದೇ ತಿಂಗಳ ಜುಲೈ 30 ಮತ್ತು 31 ರಂದು ನಡೆಯಲಿವೆ" ಎಂದು ಮಾಹಿತಿ ನೀಡಿದ್ದಾರೆ.

ಅಂದಹಾಗೆ K-CET 2020 ಪರಿಷ್ಕೃತ ವೇಳಾಪಟ್ಟಿ ಈ ಕೆಳಗಿನಂತಿದೆ.

30-07-2020- ಜೀವಶಾಸ್ತ್ರ ( ಬೆಳಿಗ್ಗೆ 10-30 ರಿಂದ 11-50 ರ ವರೆಗೆ)

30-07-2020 - ಗಣಿತ (02-30 ರಿಂದ 03-50 ವರೆಗೆ)

31-07-2020- ಭೌತಶಾಸ್ತ್ರ ( ಬೆಳಿಗ್ಗೆ 10-30 ರಿಂದ 11-50 ರ ವರೆಗೆ)

31-07-2020- ರಸಾಯನ ಶಾಸ್ತ್ರ (02-30 ರಿಂದ 03-50 ವರೆಗೆ)

ಕನ್ನಡ ಭಾಷಾ ಪರೀಕ್ಷೆ (ಬೆಂಗಳೂರು ಕೇಂದ್ರದಲ್ಲಿ ಮಾತ್ರ)

01-08-2020- ಬೆಳಿಗ್ಗೆ 11-30 ರಿಂದ ಮಧ್ಯಾಹ್ನ 12-30 ರವರೆಗೆ.

ಕನ್ನಡ ಭಾಷಾ ಪರೀಕ್ಷೆಯನ್ನು 50 ಅಂಕಗಳಿಗೆ ಹೊರನಾಡು ಹಾಗೂ ಗಡಿನಾಡು ಕನ್ನಡಿಗ ಅಭ್ಯರ್ಥಿಗಳಿಗೆ ನಡೆಸಲಾಗುತ್ತದೆ. ಇತರೆ ವಿಷಯಗಳ ಪರೀಕ್ಷೆಗಳನ್ನು 60 ಅಂಕಗಳಿಗೆ ನಡೆಸಲಾಗುತ್ತದೆ.

ICSE, ISC 2020 ಫಲಿತಾಂಶ ಪ್ರಕಟ: ಚೆಕ್‌ ಮಾಡುವುದು ಹೇಗೆ ಇಲ್ಲಿ ತಿಳಿಯಿರಿ