ಸಿಇಟಿ-2020 ಮೂಲದಾಖಲೆಗಳ ಅಪ್‌ಲೋಡ್ ಆರಂಭ; ಪಾಲಿಸಲೇಬೇಕಾದ ಸೂಚನೆಗಳು ಇಲ್ಲಿವೆ..

ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಸೆಪ್ಟೆಂಬರ್ 07 ರಿಂದ ಯುಜಿಸಿಇಟಿ-2020 ಮೂಲ ದಾಖಲೆಗಳ ಅಪ್‌ಲೋಡ್‌ ಪ್ರಕ್ರಿಯೆಯನ್ನು ಆರಂಭಿಸಿದೆ. ಅತಿ ಹೆಚ್ಚಿನ ರ್ಯಾಂಕ್ ಹೊಂದಿರುವ ಡಿಸಿಪ್ಲೀನ್ ಆಧಾರದ ಮೇಲೆ ಆಕ್ಟೋಬರ್ 10, 2020 ರವರೆಗೆ ಮೂಲ ದಾಖಲೆಗಳನ್ನು ಅಪ್‌ಲೋಡ್‌ ಮಾಡಬಹುದಾಗಿದೆ.

ಕೆಇಎ'ಯು ಮೂಲ ದಾಖಲೆಗಳನ್ನು ಅಪ್‌ಲೋಡ್‌ ಮಾಡಲು ಕೆಲವು ಸೂಚನೆಗಳನ್ನು ನೀಡಿದ್ದು, ಅದರಂತೆ ಅಭ್ಯರ್ಥಿಗಳು ದಾಖಲೆಗಳ ಅಪ್‌ಲೋಡ್‌ ಪ್ರಕ್ರಿಯೆ ಪೂರ್ಣಗೊಳಿಸಬೇಕಾಗಿದೆ. ಆ ಸೂಚನೆಗಳು ಈ ಕೆಳಗಿನಂತಿವೆ.

1. Clause Code ಮತ್ತು ಕ್ಲೇಮ್ ಮಾಡಲಾದ ಮೀಸಲಾತಿಗಳಿಗೆ ಅನುಗುಣವಾಗಿ ದಾಖಲೆಗಳನ್ನು ಅಪ್‌ಲೋಡ್ ಮಾಡತಕ್ಕದ್ದು. ಅಭ್ಯರ್ಥಿಗಳು ಯಾವ ದಾಖಲೆಗಳನ್ನು ಅಪ್‌ಲೋಡ್‌ ಮಾಡಬೇಕು ಎಂದು ಹೆಚ್ಚಿನ ಮಾಹಿತಿ ತಿಳಿಯಲು ಕೆಇಎ ವೆಬ್‌ನಲ್ಲಿ ನೀಡಲಾದ ಬ್ರೌಚರ್ ಓದಿಕೊಳ್ಳಬಹುದು.

2. ಅಭ್ಯರ್ಥಿಯು ಒಂದಕ್ಕಿಂತ ಹೆಚ್ಚು ವ್ಯಾಸಂಗ ಪ್ರಮಾಣ ಪತ್ರಗಳನ್ನು ಪಡೆದಿದ್ದಲ್ಲಿ, ಎಲ್ಲಾ ವ್ಯಾಸಂಗ ಪ್ರಮಾಣ ಪತ್ರಗಳನ್ನು ಒಂದಾದ ನಂತರ ಒಂದನ್ನು ಸ್ಕ್ಯಾನ್‌ ಮಾಡಿ ಒಂದೇ (ಸಿಂಗಲ್) ಪಿಡಿಎಫ್‌ ಮಾಡಿ ಅಪ್‌ಲೋಡ್‌ ಮಾಡಬೇಕು.

3. ಅಗತ್ಯವಿರುವ ಎಲ್ಲಾ ದಾಖಲೆಗಳನ್ನು ಪಿಡಿಎಫ್ ರೂಪದಲ್ಲಿಯೇ ಅಪ್‌ಲೋಡ್‌ ಮಾಡಬೇಕು. ಮತ್ತು ಪ್ರತಿಯೊಂದು ದಾಖಲೆಯ ಪಿಡಿಎಫ್‌ ಫೈಲ್‌ ಸೈಜ್ 1MB ಮೀರಬಾರದು.

ಸಿವಿಲ್ ಪೊಲೀಸ್‌ ಕಾನ್ಸ್‌ಟೇಬಲ್‌ ಲಿಖಿತ ಪರೀಕ್ಷೆ ಪ್ರವೇಶ ಪತ್ರ ಪ್ರಕಟ

4. ಅಪ್‌ಲೋಡ್ ಮಾಡಬೇಕಾದ ಎಲ್ಲಾ ದಾಖಲೆಗಳನ್ನು ಪ್ರತ್ಯೇಕವಾಗಿ ಪಿಡಿಎಫ್ ರೂಪದಲ್ಲಿ ಸ್ಕ್ಯಾನ್‌ ಮಾಡಿ, ಅಪ್‌ಲೋಡ್ ಮಾಡಲು ಸುಲಭವಾಗುವಂತೆ ಸ್ಕ್ಯಾನ್‌ ಮಾಡಿದ ಪ್ರತಿಯೊಂದು ಪಿಡಿಎಫ್ ದಾಖಲೆ ಫೈಲ್‌ಗೆ ಒಂದು ಹೆಸರನ್ನು ನೀಡತಕ್ಕದ್ದು.

5. ಅಪ್‌ಲೋಡ್ ಮಾಡುವಾಗ ಪ್ರತಿಯೊಂದು ದಾಖಲೆಯ ಪಿಡಿಎಫ್‌ ಫೈಲ್‌ ಅನ್ನು ಆಯ್ಕೆ ಮಾಡಿಕೊಂಡು ಕಡ್ಡಾಯವಾಗಿ ಪೋರ್ಟಲ್‌ ನಲ್ಲಿ ತೋರಿಸಿರುವ ಆಯಾ ದಾಖಲೆ ಹೆಸರಿನ / ಕ್ರಮ ಸಂಖ್ಯೆಯ ಮುಂದೆಯೇ ಅಪ್‌ಲೋಡ್ ಮಾಡಬೇಕು.

6. ಪ್ರಿವ್ಯೂ ಮತ್ತು ಕನ್ಫರ್ಮ್‌ - ಅಪ್‌ಲೋಡ್ ಮಾಡಿ ಅಂತಿಮ ಸಲ್ಲಿಕೆ ಮಾಡುವ ಮುಂಚಿತವಾಗಿ ಅಪ್‌ಲೋಡ್ ಮಾಡಿದ ಪ್ರತಿಯೊಂದು ದಾಖಲೆಗಳನ್ನು ಪ್ರತ್ಯೇಕವಾಗಿ ಸರಿಯಾಗಿದೆಯೇ ಎಂದು ಪರಿಶೀಲಿಸಿ ದೃಢೀಕರಿಸಿಕೊಳ್ಳತಕ್ಕದ್ದು, ಒಂದು ವೇಳೆ ಅಪ್‌ಲೋಡ್ ಮಾಡಲಾದ ದಾಖಲೆ ಪಿಡಿಎಫ್‌ ಸರಿಯಾಗಿಲ್ಲದಿದ್ದ ಪಕ್ಷದಲ್ಲಿ ಮೇಲಿನ ಕ್ರಮ ಸಂಖ್ಯೆ 01 ರಿಂದ 04 ರಲ್ಲಿ ಹೇಳಿದಂತೆ ಮತ್ತೊಮ್ಮೆ ಮರು ಸ್ಕ್ಯಾನ್ / ಮರು ಆಯ್ಕೆ ಮಾಡಿ ಅಪ್‌ಲೋಡ್‌ ಮಾಡತಕ್ಕದ್ದು.

ಡಿಪ್ಲೊಮ ಥಿಯರಿ ಪರೀಕ್ಷೆಗಳು ಮುಂದೂಡಿಕೆ

7. ಓಟಿಪಿಯೊಂದಿಗೆ ಅಂತಿಮ ಸಲ್ಲಿಕೆ - ಎಲ್ಲಾ ಪಿಡಿಎಫ್ ದಾಖಲೆಗಳನ್ನು ಅಪ್‌ಲೋಡ್ ಮಾಡಿದ ನಂತರ, ಕೆಳಗೆ ನೀಡಲಾದ ಡಿಕ್ಲೇರೇಷನ್ ಬಟನ್ ಒತ್ತಿದ ಕೂಡಲೇ ಅಪ್ಲಿಕೇಶನ್ ನಲ್ಲಿ ನೀಡಿದ ಮೊಬೈಲ್ ಸಂಖ್ಯೆಗೆ ಬಂದಿರುವ ಓಟಿಪಿಯನ್ನು ನಮೂದಿಸಿದ ನಂತರ ಅಂತಿಮವಾಗಿ ಸಬ್‌ಮಿಟ್‌ ನೀಡಬೇಕು.
( ಅಂತಿಮವಾಗಿ ಸಬ್‌ಮಿಟ್‌ ನೀಡಿದ ನಂತರ ಯಾವುದೇ ದಾಖಲೆಗಳ ಬದಲಾವಣೆ / ಮರು ಅಪ್ಲೋಡ್ ಮಾಡುವ ಅವಕಾಶವಿರುವುದಿಲ್ಲ. ಆದ್ದರಿಂದ ಘೋಷಣೆಗೆ ಮುಂಚಿತವಾಗಿ ಅಪ್ಲೋಡ್ ಮಾಡಲಾದ ದಾಖಲೆಗಳು ಸರಿಯಾಗಿದೆಯೇ / ಮತ್ತು ಅದರದೇ ಕ್ರಮ ಸಂಖ್ಯೆಯಲ್ಲಿದೆಯೇ ಎಂಬುವುದನ್ನು ಖಚಿತಪಡಿಸಿಕೊಳ್ಳಿ. ಒಂದು ವೇಳೆ ದಾಖಲೆಗಳನ್ನು ಬದಲಾಯಿಸಬೇಕಾದಲ್ಲಿ ಮತ್ತೊಮ್ಮೆ ಮರು ಅಪ್ಲೋಡ್ ಮಾಡಿ ನಂತರ ಅಂತಿಮವಾಗಿ ಘೋಷಣೆ ನೀಡಬೇಕು.)

8. ಅಪ್ಲೋಡ್ ಮಾಡಲಾದ ದಾಖಲೆಗಳ ಪಟ್ಟಿಯ ಪ್ರಿಂಟ್ ಪ್ರತಿಯನ್ನು ಪಡೆದುಕೊಳ್ಳಬೇಕು.

9. ದಾಖಲೆಗಳ ಪಟ್ಟಿಯ ಪ್ರಿಂಟ್ ಪ್ರತಿಯನ್ನು ಪ್ರವೇಶ ಪ್ರಕ್ರಿಯೆ ಮುಗಿಯುವ ತನಕ ಅಭ್ಯರ್ಥಿಗಳು ತಮ್ಮ ಬಳಿ ಇಟ್ಟುಕೊಂಡಿರಬೇಕು.

JAM 2021 ಪರೀಕ್ಷೆ ವೇಳಾಪಟ್ಟಿ ಪ್ರಕಟ; ರಿಜಿಸ್ಟ್ರೇಷನ್‌ ಇಂದಿನಿಂದ ಆರಂಭ