ಸೈನಿಕ್ ಶಾಲೆಗಳ ಪ್ರವೇಶ ಪರೀಕ್ಷೆಗೆ ಇಂದಿನಿಂದ ಆನ್‌ಲೈನ್‌ ಅರ್ಜಿ ಸ್ವೀಕಾರ

ಭಾರತದಾದ್ಯಂತ ಸೈನಿಕ್ ಶಾಲೆಗಳ ಪ್ರವೇಶ ಪರೀಕ್ಷೆಗಾಗಿ (AISSEE -2021) ಇಂದಿನಿಂದ (ಅಕ್ಟೋಬರ್ 20, 2020 )ಆನ್‌ಲೈನ್‌ ಅರ್ಜಿ ಸ್ವೀಕೃತಿ ಆರಂಭವಾಗಿದೆ. ಆಸಕ್ತ ವಿದ್ಯಾರ್ಥಿಗಳು ಈ ಪರೀಕ್ಷೆಗೆ ಇಂದಿನಿಂದ ಎನ್‌ಟಿಎ ವೆಬ್‌ಸೈಟ್‌ಗೆ ಭೇಟಿ ನೀಡಿ ರಿಜಿಸ್ಟ್ರೇಷನ್‌ ಪಡೆಯಬಹುದು. ಅಪ್ಲಿಕೇಶನ್‌ ಸಲ್ಲಿಸಲು ನವೆಂಬರ್ 11, 2020 ರವರೆಗೆ ಅವಕಾಶ ಇರುತ್ತದೆ.

ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿಯು (NTA) 2021-22 ರ ಶೈಕ್ಷಣಿಕ ವರ್ಷಕ್ಕಾಗಿ 6ನೇ ತರಗತಿ ಮತ್ತು 9 ನೇ ತರಗತಿಗಳ ಪ್ರವೇಶಕ್ಕಾಗಿ ದೇಶದಾದ್ಯಂತ 33 ಸೈನಿಕ್‌ ಸ್ಕೂಲ್‌ಗಳಲ್ಲಿ AISSEE -2021 ಪ್ರವೇಶ ಪರೀಕ್ಷೆ ನಡೆಸಲಿದೆ. ಸೈನಿಕ್ ಶಾಲೆಗಳು ಇಂಗ್ಲಿಷ್ ಮಾಧ್ಯಮ ವಸತಿ ಶಾಲೆಗಳಾಗಿ ಕೇಂದ್ರ ಪ್ರೌಢಶಿಕ್ಷಣ ಮಂಡಳಿ ಅಂಗಸಂಸ್ಥೆಯಾಗಿರುತ್ತವೆ. ಈ ಶಾಲೆಗಳಲ್ಲಿ ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿ ಮತ್ತು ಇಂಡಿಯನ್ ನೇವಲ್ ಅಕಾಡೆಮಿ ಹಾಗೂ ಇತರೇ ಟ್ರೈನಿಂಗ್ ಅಕಾಡೆಮಿಗಳಿಗಾಗಿ ಅಭ್ಯರ್ಥಿಗಳನ್ನು ಸಿದ್ಧತೆ ಮಾಡಲಾಗುತ್ತದೆ.

AISSEE -2021 ವೇಳಾಪಟ್ಟಿ

ಅರಿವು ಶೈಕ್ಷಣಿಕ ಸಾಲ ಯೋಜನೆಗೆ ಅರ್ಜಿ ಆಹ್ವಾನ

6 ನೇ ತರಗತಿಗೆ ಅರ್ಹತೆ

ಅಭ್ಯರ್ಥಿಗಳು ದಿನಾಂಕ -31-03-2021 ಕ್ಕೆ 10 ಮತ್ತು 12 ವರ್ಷಗಳ ನಡುವೆ ಇರಬೇಕು. ಆರನೇ ತರಗತಿಗೆ ಹೆಣ್ಣುಮಕ್ಕಳಿಗೂ ಎಲ್ಲಾ ಸೈನಿಕ್ ಶಾಲೆಗಳಿಗೆ ಪ್ರವೇಶ ಇರುತ್ತವೆ.

9ನೇ ತರಗತಿಗೆ ಅರ್ಹತೆ

ಅಭ್ಯರ್ಥಿಗಳು ದಿನಾಂಕ -31-03-2021 ಕ್ಕೆ 13 ಮತ್ತು 15 ವರ್ಷಗಳ ನಡುವೆ ಇರಬೇಕು. ಹಾಗೂ ಪ್ರವೇಶ ಸಮಯದಲ್ಲಿ ಒಂದು ಮಾನ್ಯತೆ ಹೊಂದಿರುವ ಶಾಲೆಯಿಂದ 8ನೇ ತರಗತಿ ತೇರ್ಗಡೆ ಹೊಂದಿರಬೇಕು.

ಇಗ್ನೊ ವಿವಿಧ ಕೋರ್ಸ್‌ ಪ್ರವೇಶಾತಿಗೆ ದಿನಾಂಕ ವಿಸ್ತರಣೆ

ಪ್ರವೇಶ ಪರೀಕ್ಷಾ ಶುಲ್ಕ ಎಷ್ಟು?

ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡ ವಿದ್ಯಾರ್ಥಿಗಳಿಗೆ ರೂ.400. ಇತರೆ ಎಲ್ಲಾ ವರ್ಗದ ಅಭ್ಯರ್ಥಿಗಳಿಗೆ ರೂ.550.

AISSEE -2021 ಪ್ರವೇಶ ಪರೀಕ್ಷೆಗೆ ಸಂಬಂಧಿಸಿದ ಇತರೆ ಹೆಚ್ಚಿನ ಮಾಹಿತಿಗಾಗಿ ವೆಬ್‌ಸೈಟ್‌ www.nta.ac.in / http://aissee.nta.nic.ac.in ಗೆ ಭೇಟಿ ನೀಡಿ.

ನೀಟ್ ಯುಜಿ 2020 ಟಾಪರ್‌ಗಳ ಲಿಸ್ಟ್‌ ಮತ್ತು ಅಂಕಗಳನ್ನು ಇಲ್ಲಿ ಚೆಕ್‌ ಮಾಡಿ..