NEET UG 2022 : ನೀಟ್‌ ಯುಜಿ ಕೀ ಉತ್ತರ, ಫಲಿತಾಂಶ ಯಾವಾಗ? ಕೋಟಾ ಸೀಟು ಹಂಚಿಕೆ ಹೇಗೆ? ಇಲ್ಲಿದೆ ಮಾಹಿತಿ

ಪದವಿ ಪೂರ್ವ ವೈದ್ಯಕೀಯ ಕೋರ್ಸ್‌ಗಳ ಪ್ರವೇಶಕ್ಕೆ ನಡೆಸಲಾಗುವ, ನೀಟ್‌ ಯುಜಿ-2022ರ ಪರೀಕ್ಷೆಯ ಕೀ ಉತ್ತರಗಳನ್ನು ರಾಷ್ಟ್ರೀಯ ಪರೀಕ್ಷಾ ಏಜನ್ಸಿಯು ಶೀಘ್ರದಲ್ಲೇ, ಬಿಡುಗಡೆ ಮಾಡಲಿದೆ. ಮೂಲಗಳ ಪ್ರಕಾರ ಆಗಸ್ಟ್ ಮೂರು ಅಥವಾ ನಾಲ್ಕುನೇ ವಾರದಲ್ಲಿ ಕೀ ಉತ್ತರಗಳನ್ನು ಬಿಡುಗಡೆ ಮಾಡುವ ಸಾಧ್ಯತೆ ಇದೆ ಎನ್ನಲಾಗಿದೆ. ನೀಟ್‌ ಯುಜಿ ಪರೀಕ್ಷೆ ಬರೆದ ಅಭ್ಯರ್ಥಿಗಳು ಕೀ ಉತ್ತರಗಳು ಬಿಡುಗಡೆಯಾದ ನಂತರ, ಎನ್‌ಟಿಎ ಅಧಿಕೃತ ವೆಬ್‌ಸೈಟ್‌ neet.nta.nic.inಗೆ ಭೇಟಿ ನೀಡಿ ಕೀ ಉತ್ತರಗಳನ್ನು ಪಡೆಯಬಹುದಾಗಿದೆ.ನೀಟ್‌ ಯುಜಿ -2022 ಪರೀಕ್ಷೆಯ ಫಲಿತಾಂಶವನ್ನು ಸಹ ಆಗಸ್ಟ್ ಮೂರು ಅಥವಾ ನಾಲ್ಕುನೇ ವಾರದಲ್ಲಿ ಬಿಡುಗಡೆ ಮಾಡುವ ಸಾಧ್ಯೆತೆ ಇದೆ. ಹೆಚ್ಚಿನ ಮಾಹಿತಿಗಾಗಿ ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್‌ neet.nta.nic.inಗೆ ಭೇಟಿ ನೀಡಬಹುದಾಗಿದೆ. ಈ ಬಾರಿಯ ನೀಟ್‌ ಯುಜಿ -2022 ಪರೀಕ್ಷೆಯನ್ನು ಜುಲೈ 17ರಂದು ದೇಶದಾದ್ಯಂತ ನಡೆಸಲಾಗಿತ್ತು. ನೀಟ್‌ ಯುಜಿ ಪ್ರವೇಶ ಪರೀಕ್ಷೆಯನ್ನು, ದೇಶದಾದ್ಯಂತ 546 ನಗರಗಳಲ್ಲಿ ಮತ್ತು ಭಾರತದ ಹೊರಗಿನ 14 ನಗರಗಳಲ್ಲಿ ನಡೆಸಲಾಗಿದೆ. ಈ ವರ್ಷ ನೀಟ್‌ ಯುಜಿ -2022 ಪ್ರವೇಶ ಪರೀಕ್ಷೆಗೆ ಸುಮಾರು 16 ಲಕ್ಷ ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದರು.

KCET 2022: ಕೆಇಎಯಿಂದ CET ಬರೆದ ಅಭ್ಯರ್ಥಿಗಳಿಗೆ ಮಹತ್ವದ ಮಾಹಿತಿ
ನೀಟ್‌ ಯುಜಿ -2022 ಕೀ ಉತ್ತರಗಳನ್ನು ಡೌನ್‌ಲೋಡ್‌ ಮಾಡುವ ವಿಧಾನ

• ನೀಟ್‌ ಅಧಿಕೃತ ವೆಬ್‌ಸೈಟ್‌ neet.nta.nic.inಗೆ ಭೇಟಿ ನೀಡಿ.
• ಮುಖಪುಟದಲ್ಲಿ "NEET UG 2022 Answer Key" ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿ.
• ನಂತರ ನಿಮ್ಮ ಲಾಗಿನ್‌ ಐಡಿ, ಜನ್ಮ ದಿನಾಂಕ, ನೋಂದಣಿ ಸಂಖ್ಯೆಯನ್ನು ನಮೂದಿಸಿ.
• ಆಗ ನಿಮಗೆ ನೀಟ್‌ ಯುಜಿ ಕೀ ಉತ್ತರಗಳು ಪರದೆಯ ಮೇಲೆ ಕಾಣಿಸುತ್ತದೆ.
• ಅದನ್ನು ಡೌನ್‌ಲೋಡ್‌ ಮಾಡಿಕೋಂಡು, ಪ್ರಿಂಟ್‌ ತೆಗೆದುಕೊಳ್ಳಿ.

ಅಭ್ಯರ್ಥಿಗಳು ಕೀ ಉತ್ತರಗಳನ್ನು ಡೌನ್‌ಲೋಡ್‌ ಮಾಡಿಕೊಂಡ ಮೇಲೆ ಅವುಗಳನ್ನು ಸರಿಯಾಗಿ ಗಮನಿಸಿಕೊಳ್ಳಿ. ನಿಮಗೆ ಯಾವುದಾದರು ಉತ್ತರಗಳ ಮೇಲೆ ಸಂದೇಹ ಇದ್ದರೆ ನೀವು ಆ ಕೀ ಉತ್ತರಗಳ ಮೇಲೆ ಆಕ್ಷೇಪಣೆ ಸಲ್ಲಿಸಲು ಅವಕಾಶಗಳಿರುತ್ತವೆ. ಅಭ್ಯರ್ಥಿಗಳು ಕೀ ಉತ್ತರಗಳ ಮೇಲೆ ಆಕ್ಷೇಪಣೆ ಸಲ್ಲಿಸಬೇಕೆಂದರೆ, ಒಂದು ಪ್ರಶ್ನೆಗೆ 200. ರೂಪಾಯಿ ಶುಲ್ಕವನ್ನು ಪಾವತಿಸಿ ಆಕ್ಷೇಪಣೆ ಸಲ್ಲಿಸಬಹುದಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಎನ್‌ಟಿಎ ಅಧಿಕೃತ ವೇಬ್‌ಸೈಟ್‌ಗೆ ಭೇಟಿ ನೀಡಬಹುದಾಗಿದೆ.

KCET 2022 : ಕರ್ನಾಟಕದ ಟಾಪ್‌ 20 ಇಂಜಿನಿಯರಿಂಗ್ ಕಾಲೇಜುಗಳ ಪಟ್ಟಿ ಇಲ್ಲಿದೆ

ನೀಟ್‌ ಯುಜಿ -2022 ಕೋಟಾ ಸೀಟುಗಳು ಹಂಚಿಕೆ
NEET UG ಕೌನ್ಸೆಲಿಂಗ್‌ನ್ನು ಅಖಿಲ ಭಾರತ ಕೋಟಾ (AIQ) ಮತ್ತು ರಾಜ್ಯ ಕೋಟಾದ ಸೀಟುಗಳಿಗೆ ನಡೆಸಲಾಗುತ್ತದೆ. ವೈದ್ಯಕೀಯ ಆಕಾಂಕ್ಷಿಗಳಿಗೆ ಲಭ್ಯವಿರುವ ಒಟ್ಟು ಸೀಟುಗಳನ್ನು ಈ ಎರಡು ವಿಭಾಗಗಳಾಗಿ ವಿಂಗಡಿಸಲಾಗಿದೆ. ಶೇಕಡಾ.15 ರಷ್ಟು ಸೀಟುಗಳನ್ನು ಅಖಿಲ ಭಾರತ ಕೋಟಾ (AIQ)ದಡಿ ಹಂಚಿಕೆ ಮಾಡಿದರೆ, ಶೇಕಡಾ. 85 ರಷ್ಟು ಸೀಟುಗಳನ್ನು ರಾಜ್ಯ ಕೋಟಾದಡಿ ಹಂಚಿಕೆ ಮಾಡಲಾಗುತ್ತದೆ.

ಕೋಟಾ ಸೀಟು ಹಂಚಿಕೆ

• ಶೇಕಡಾ.15 ರಷ್ಟು ಅಖಿಲ ಭಾರತ ಕೋಟಾ (AIQ)ಸೀಟುಗಳು.
• ಶೇಕಡಾ. 85 ರಷ್ಟು ರಾಜ್ಯ ಕೋಟಾದ ಸೀಟುಗಳು.
• ಡೀಮ್ಡ್ ಮತ್ತು ಕೇಂದ್ರೀಯ ವಿಶ್ವವಿದ್ಯಾಲಯಗಳ ಸೀಟುಗಳು.
• ESIC ಮತ್ತು AFMS ಸೀಟುಗಳು.
• ಖಾಸಗಿ ಸಂಸ್ಥೆಗಳಲ್ಲಿ ಸೀಟುಗಳು.
• AIIMS ಸಂಸ್ಥೆಯ ಸೀಟುಗಳು.

NEET, KCET ಬರೆದ ವಿದ್ಯಾರ್ಥಿಗಳ ಗಮನಕ್ಕೆ.. ರಾಜ್ಯದ ಟಾಪ್‌ 25 ಮೆಡಿಕಲ್‌ ಕಾಲೇಜುಗಳ ಪಟ್ಟಿ ಇಲ್ಲಿದೆ
ಮೆರಿಟ್ ಆಧಾರದ ಮೇಲೆ ಆಯ್ಕೆ
ನೀಟ್‌ ಯುಜಿ 2022ರ ಅಂಕಗಳನ್ನು ಸಾಮಾನ್ಯ ಮೆರಿಟ್‌ ಲಿಸ್ಟ್‌ ಆಧಾರದ ಮೇಲೆ ಅತಿ ಹೆಚ್ಚು ಅಂಕಗಳಿಸಿದವರ ಆಯ್ಕೆ ನಡೆಸಲಾಗುವುದು. ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗೆ ನೀಟ್‌ನ ಕಟ್‌ ಆಫ್‌ ಅಂಕಗಳಿಗಿಂತ ಹೆಚ್ಚು ಅಂಕ ಪಡೆಯಬೇಕಿದೆ. ಅಂದರೆ, 720-138 ಶ್ರೇಣಿ. ಇನ್ನು ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡ, ಹಿಂದುಳಿದ ವರ್ಗದ ಅಭ್ಯರ್ಥಿಗಳು 137-108 ಅಂಕಗಳನ್ನು ಪಡೆಯಬೇಕಿದೆ.

ಕೀ ಉತ್ತರ ಬಿಡುಗಡೆಗೆ ಮುನ್ನವೇ ಅಭ್ಯರ್ಥಿಗಳು ವೈದ್ಯಕೀಯ ಮತ್ತು ದಂತ ವೈದ್ಯಕೀಯ ಕೋರ್ಸ್‌ಗಳಿಗೆ ಪ್ರವೇಶಕ್ಕಾಗಿ ವಿವಿಧ ಕೋಟಾಗಳ ಅಡಿಯಲ್ಲಿ ಲಭ್ಯವಿರುವ ಸೀಟುಗಳನ್ನು ಪರಿಶೀಲಿಸಬಹುದಾಗಿದೆ.