ಕೀನ್ಯಾ ದೇಶದ ಮಾಧ್ಯಮಿಕ ಶಾಲೆಯ ಶಿಕ್ಷಕ ಪೀಟರ್ ತಬೀಚಿ ಅವರಿಗೆ 2019ನೇ ಸಾಲಿನ ಜಾಗತಿಕ ಶಿಕ್ಷಕ ಪ್ರಶಸ್ತಿ ಸಂದಿದೆ. ಇವರು, ತಮ್ಮ ತಿಂಗಳ ದುಡಿಮೆಯ ಶೇ. 80ರಷ್ಟುನ್ನು ಮಕ್ಕಳ ಶೈಕ್ಷಣಿಕ ಬೆಳವಣಿಗೆಗೆ ವಿನಿಯೋಗಿಸುತ್ತಾರೆ. ಪ್ರಶಸ್ತಿಯು 10 ಲಕ್ಷ ನಗದನ್ನು ಒಳಗೊಂಡಿದೆ. ದುಬೈ ಮೂಲದ ವರ್ಕಿ ಫೌಂಡೇಶನ್ ಈ ಪ್ರಶಸ್ತಿ ನೀಡಿ ಗೌರವಿಸಿದೆ. ವಿಶ್ವದಲ್ಲಿನ ಒಟ್ಟು 9 ಶಿಕ್ಷಕರನ್ನು ಅಂತಿಮ ಸುತ್ತಿಗೆ ಆಯ್ಕೆ ಮಾಡಲಾಗಿತ್ತು. ತಬೀಚಿ ಅವರ ಸಮರ್ಪಣಾ ಭಾವ, ಪಾಠ ಮಾಡುವ ವಿಧಾನ, ಸಾಮಾಜಿಕ ಸಾಮಸ್ಯೆಗಳಿಗೆ ಸ್ಪಧಿಸುವ ರೀತಿ ಈ ಎಲ್ಲಾ ಅಂಶಗಳನ್ನು ಆಧರಿಸಿ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ .36 ವರ್ಷದ ಪೀಟರ್ ತಬೀಬಿ ಕೀನ್ಯಾದ ಪ್ವಾನಿ ಎಂಬ ಗ್ರಾಮದ ಕೆರಿಕೊ ಮಿಕ್ಸಡ್ ಡೇ ಶಾಲೆಯ ಗಣಿತ ಮತ್ತು ಭೌತವಿಜ್ಞಾನದ ಶಿಕ್ಷಕ. ಇವರು ಹಳ್ಳಿಯ ಶೇ.95ರಷ್ಟು ಬಡ, ಅನಾಥ ವಿದ್ಯಾರ್ಥಿಗಳ ಶೈಕ್ಷಣಿಕ ಬೆಳವಣಿಗೆಗೆ ಶ್ರಮಿಸುತ್ತಿದ್ದಾರೆ. ಇವರು ಸೇವೆ ಸಲ್ಲಿಸುತ್ತಿರುವ ಗ್ರಾಮದಲ್ಲಿ ಬಾಲ್ಯವಿವಾಹ, ಆತ್ಮಹತ್ಯೆ, ದುಷ್ಚಟಗಳಿಗೆ ಬಲಿಯಾಗುವವರ ಸಂಖ್ಯೆ ಅಧಿಕವಾಗಿದೆ. ಇವುಗಳನ್ನು ನಿಯಂತ್ರಿಸುವಲ್ಲೂ ಇವರು ಪ್ರಮುಖ ಪಾತ್ರ ವಹಿಸುತ್ತಿದ್ದಾರೆ. ಈ ಪ್ರಶಸ್ತಿಯನ್ನು 2015ರಲ್ಲಿ ಸ್ಥಾಪನೆ ಮಾಡಲಾಗಿದ್ದು, ಇದುವರೆಗೆ ಒಟ್ಟು ಐದು ಜನರಿಗೆ ಪ್ರದಾನ ಮಾಡಲಾಗಿದೆ.
ಪೀಟರ್ ತಬೀಚಿ
ಕೀನ್ಯಾ ದೇಶದ ಮಾಧ್ಯಮಿಕ ಶಾಲೆಯ ಶಿಕ್ಷಕ ಪೀಟರ್ ತಬೀಚಿ ಅವರಿಗೆ 2019ನೇ ಸಾಲಿನ ಜಾಗತಿಕ ಶಿಕ್ಷಕ ಪ್ರಶಸ್ತಿ ಸಂದಿದೆ.
Vijaya Karnataka 26 Mar 2019, 5:00 am