ಗ್ರಹಾಂ ರೀಡ್‌ ಭಾರತ ಪುರುಷರ ತಂಡದ ಹಾಕಿ ಕೋಚ್‌

ಆಸ್ಪ್ರೇಲಿಯಾದ ಗ್ರಹಾಂ ರೀಡ್‌ ಭಾರತ ಪುರುಷರ ಹಾಕಿ ತಂಡದ ನೂತನ ಮುಖ್ಯ ಕೋಚ್‌ ಆಗಿ ನೇಮಕವಾಗಿದ್ದಾರೆ. ಹಾಕಿ ಇಂಡಿಯಾ ಇವರನ್ನು ನೇಮಕ ಮಾಡಿದೆ. 54 ವರ್ಷದ ಹಾಕಿ ದಿಗ್ಗಜ ಶೀಘ್ರದಲ್ಲೇ ಬೆಂಗಳೂರಿನ ಭಾರತೀಯ ಕ್ರೀಡಾ ಪ್ರಾಧಿಕಾರದಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ಶಿಬಿರದಲ್ಲಿ ಪಾಲ್ಗೊಂಡಿರುವ ಭಾರತಿಯ ಬಳಗವನ್ನು ಕೂಡಿಕೊಳ್ಳಲಿದ್ದಾರೆ.

ರೀಡ್‌ ವೃತ್ತಿ ವಿವರ

* ಈ ಹಿಂದೆ ಆಸ್ಪ್ರೇಲಿಯಾದ ರಾಷ್ಟ್ರೀಯ ತಂಡದಲ್ಲಿ ಡಿಫೆಂಡರ್‌/ಮಿಡ್‌ಫೀಲ್ಡರ್‌ ಆಗಿ ಸಾಕಷ್ಟು ಹೆಸರು ಗಳಿಸಿದವರು.

* 1992ರ ಬಾರ್ಸಿಲೋನಾ ಒಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದ ಆಸ್ಪ್ರೇಲಿಯಾ ತಂಡದ ಸದಸ್ಯ.

* 1984, 1985 ಹಾಗೂ 1989, 1990ರಲ್ಲಿ ಬೆನ್ನುಬೆನ್ನಿಗೆ ಚಾಂಪಿಯನ್ಸ್‌ ಟ್ರೋಫಿ ಜಯಿಸಿದ ಆಸ್ಪ್ರೇಲಿಯಾ ತಂಡದಲ್ಲಿದ್ದರು.

* ಒಟ್ಟು 130 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಆಸ್ಪ್ರೇಲಿಯಾವನ್ನು ಪ್ರತಿನಿಧಿಸಿದ ಹಿರಿಮೆ.

* 2009ರಲ್ಲಿ ಆಸ್ಪ್ರೇಲಿಯಾ ತಂಡದ ಸಹಾಯಕ ಕೋಚ್‌ ಆಗಿ ನೇಮಕ. ಕೆಲವೇ ಸಮಯದಲ್ಲಿ ಮುಖ್ಯ ಕೋಚ್‌ ಆಗಿ ಬಡ್ತಿ. 2012ರಲ್ಲಿ ಆಸ್ಪ್ರೇಲಿಯಾ ತಂಡಕ್ಕೆ 5ನೇ ಬಾರಿಗೆ ಚಾಂಪಿಯನ್ಸ್‌ ಟ್ರೋಫಿ ಗೆದ್ದು ಕೊಟ್ಟ ಹೆಗ್ಗಳಿಕೆ.

* 2014ರಲ್ಲಿ ಹೆಡ್‌ ಕೋಚ್‌ ಆಗಿ ಆಸ್ಪ್ರೇಲಿಯಾಕ್ಕೆ ನಂ.1 ಪಟ್ಟ ಕೊಡಿಸಿದ ಅಗ್ಗಳಿಕೆ.

* ಆಮ್‌ಸ್ಟರ್‌ಡ್ಯಾಮ್‌ ಕ್ಲಬ್‌ನ ಮುಖ್ಯ ಕೋಚ್‌ ಆಗಿ ಕಾರ್ಯ ನಿರ್ವಹಿಸಲು 2017ರಲ್ಲಿ ನೆದರ್ಲೆಂಡ್‌ಗೆ ಪಯಣ.

* ಇತ್ತೀಚಿನ ದಿನಗಳಲ್ಲಿ ನೆದರ್ಲೆಂಡ್ಸ್‌ ತಂಡದ ಸಹಾಯಕ ಕೋಚ್‌ ಆಗಿ ಕಾಯಕ. ಇದೇ ಅವಧಿಯಲ್ಲಿ ನೆದರ್ಲೆಂಡ್ಸ್‌ ತಂಡ (2018ರಲ್ಲಿ) ಪುರುಷರ ಹಾಕಿ ವರ್ಲ್ಡ್‌ ಕಪ್‌ನಲ್ಲಿ ಬೆಳ್ಳಿ ಪದಕ ಗೆದ್ದಿತ್ತು.