ಪಾಕಿಸ್ತಾನ, ಭಾರತಕ್ಕೆ ಹೊಸ ಹೈಕಮಿಷನರ್ ಆಗಿ ವೃತ್ತಿಪರ ರಾಜತಾಂತ್ರಿಕ ನಿಪುಣ ಮೊಯಿನ್ ಉಲ್ ಹಕ್ ಅವರನ್ನು ನೇಮಕ ಮಾಡಿದೆ. ಇವರು, ಫ್ರಾನ್ಸ್ನಲ್ಲಿ ಪಾಕಿಸ್ತಾನದ ರಾಯಭಾರಿಯಾಗಿ ಸೇವೆಸಲ್ಲಿಸುತ್ತಿದ್ದರು. ಇವರು, ಮೊಹಮ್ಮೊದ್ ಸೋಹೆನ್ ಅವರ ಜಾಗವನ್ನು ತುಂಬಲಿದ್ದಾರೆ. ಸೋಹೆನ್ ಅವರನ್ನು ಪಾಕಿಸ್ತಾನ ವಿದೇಶಾಂಗ ಕಾರ್ಯದರ್ಶಿಯಾಗಿ ನೇಮಕ ಮಾಡಲಾಗಿದೆ. ಫ್ರಾನ್ಸ್ ರಾಯಭಾರಿಯಾಗುವುದಕ್ಕೂ ಪೂರ್ವದಲ್ಲಿ ಉಲ್ ಹಕ್ ಅವರು ಪಾಕ್ ವಿದೇಶಾಂಗ ವ್ಯವಹಾರಗಳ ಕಚೇರಿಯಲ್ಲಿ ಮುಖ್ಯ ಶಿಷ್ಟಾಚಾರ ನಿರ್ವಹಣಾಧಿಕಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದರು. 1987ರಲ್ಲಿ ಪಾಕಿಸ್ತಾನ ವಿದೇಶಾಂಗ ಸೇವೆಗಳ ಅಧಿಕಾರಿಯಾಗಿ ಕೆಲಸ ಆರಂಭಿಸಿದ ಇವರಿಗೆ ಟರ್ಕಿ, ಕೆನಡಾ ಮತ್ತು ಶ್ರೀಲಂಕಾ ದೇಶಗಳ ರಾಯಭಾರಿಯಾಗಿ ಕೆಲಸ ಮಾಡಿದ ಅನುಭವವಿದೆ. ಮಾತುಕತೆ ಮೂಲಕವೇ ಕಾಶ್ಮೀರ ಬಿಕ್ಕಟ್ಟಿಗೆ ಪರಿಹಾರ ಕಂಡುಕೊಳ್ಳಬೇಕಿದೆ. ಈ ನಿಟ್ಟಿನಲ್ಲಿ ಬೇಷರತ್ತಾಗಿ ಭಾರತದೊಂದಿಗೆ ಪಾಕಿಸ್ತಾನ ಒಲವು ತೋರಿತ್ತು. ಪ್ರಧಾನಿ ಇಮ್ರಾನ್ ಖಾನ್ ಕೂಡ ಖುದ್ದಾಗಿ ಈ ಸಂಬಂಧ ಹೇಳಿಕೆ ನೀಡಿದ್ದರು. ಹೀಗಾಗಿ ನೂತನ ರಾಯಭಾರಿ ಉಲ್ ಹಕ್ ಮೇಲೆ ಸಾಕಷ್ಟು ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ. ಇದೇ ವೇಳೆ, ಚೀನಾ ಹಾಗೂ ಜಪಾನ್ ಸೇರಿದಂತೆ ಸುಮಾರು 24ಕ್ಕೂ ಹೆಚ್ಚು ಹೊಸ ರಾಯಭಾರಿಗಳನ್ನು ನೇಮಿಸಲು ಪ್ರಧಾನಿ ಇಮ್ರಾನ್ ಖಾನ್ ಅನುಮೋದನೆ ನೀಡಿದ್ದಾರೆ.
ಮೊಯಿನ್ ಉಲ್ ಹಕ್ ಯಾರು ಗೊತ್ತೆ ?
ಪಾಕಿಸ್ತಾನ, ಭಾರತಕ್ಕೆ ಹೊಸ ಹೈಕಮಿಷನರ್ ಆಗಿ ವೃತ್ತಿಪರ ರಾಜತಾಂತ್ರಿಕ ನಿಪುಣ ಮೊಯಿನ್ ಉಲ್ ಹಕ್ ಅವರನ್ನು ನೇಮಕ ಮಾಡಿದೆ.
Vijaya Karnataka 22 May 2019, 5:00 am