ಭಾರತದ ಕ್ಯೂಸ್ಪೋರ್ಟ್ಸ್ (ಸ್ನೂಕರ್ ಮತ್ತು ಬಿಲಿಯರ್ಡ್ಸ್) ಆಟಗಾರ ಪಂಕಜ್ ಆಡ್ವಾಣಿ ಪ್ರಸಕ್ತ ಸಾಲಿನ ಏಷ್ಯನ್ ಸ್ನೂಕರ್ ಚಾಂಪಿಯನ್ಷಿಪ್ನಲ್ಲಿ ಪ್ರಶಸ್ತಿ ಮುಡಿಗೇರಿಸಿದ್ದಾರೆ. ಇದರೊಂದಿಗೆ ಬೆಂಗಳೂರಿನ ಆಟಗಾರ ವೃತ್ತಿ ಗ್ರ್ಯಾನ್ ಸ್ಲಾಮ್ ಸಾಧನೆಗೂ ಭಾಜನರಾಗಿದ್ದಾರೆ. ಅಂತಿಮ ಸುತ್ತಿನ ಸೆಣಸಾಟದಲ್ಲಿ ಪಂಕಜ್ ಹಾಲಿ ಏಷ್ಯನ್ 6ರೆಡ್ ಚಾಂಪಿಯನ್ ಆಟಗಾರ ಥಾಯ್ಲೆಂಡ್ನ ತೇನವಾತ್ ತಿರಪೊಂಗ್ಪೈಬೂನ್ ಅವರನ್ನು 6-3 ಫ್ರೇಮ್ಗಳಿಂದ ಸೋಲಿಸಿದರು. ಇದರೊಂದಿಗೆ 33 ವರ್ಷದ ಪಂಕಜ್ ಆಡ್ವಾಣಿ ತಮ್ಮ 16 ವರ್ಷಗಳ ವೃತ್ತಿಜೀವನದಲ್ಲಿ ಕ್ಯೂ ಸ್ಪೋರ್ಟ್ಸ್ನ ವಿವಿಧ ಮಾದರಿಗಳ 21 ವಿಶ್ವ ಹಾಗೂ 9 ಏಷ್ಯಾ ಪ್ರಶಸ್ತಿಗಳ ಒಡೆಯನಾಗಿದ್ದಾರೆ. ಇಷ್ಟೇ ಅಲ್ಲದೆ 2006ರ ದೋಹಾ ಮತ್ತು 2010ರ ಗುವಾಂಗ್ಜೌನಲ್ಲಿ ನಡೆದ ಏಷ್ಯನ್ ಗೇಮ್ಸ್ನಲ್ಲೂ ಚಿನ್ನದ ಪದಕ ಮುಡಿಗೇರಿಸಿಕೊಂಡಿದ್ದಾರೆ. ಪಂಕಜ್ ಅವರು ಹುಟ್ಟಿದ್ದು ಮಹಾರಾಷ್ಟ್ರದ ಪುಣೆಯಲ್ಲಿ. ನಂತರ ಕೆಲ ವರ್ಷ ಕುವೈತ್ನಲ್ಲಿದ್ದು ಬೆಂಗಳೂರಿಗೆ ಬಂದರು. ಬೆಂಗಳೂರಿನ ಫ್ರಾಂಕ್ ಅಂಥೋಣಿ ಪಬ್ಲಿಕ್ ಶಾಲೆಯಲ್ಲಿ ಆರಂಭಿಕ ಶಿಕ್ಷಣ ಪಡೆದರು. ಮಹಾವೀರ ಜೈನ್ ಕಾಲೇಜಿನಲ್ಲಿ ವಾಣಿಜ್ಯ ವಿಭಾಗದಲ್ಲಿ ಪದವಿ ಪಡೆದಿದ್ದಾರೆ. ಮಾಜಿ ರಾಷ್ಟ್ರೀಯ ಚಾಂಪಿಯನ್ ಅರವಿಂದ್ ಸವೂರ್ ಇವರ ಕ್ರೀಡಾ ಗುರು. ಜೂನಿಯರ್ ಬಿಲಿಯರ್ಡ್ಸ್ ಚಾಂಪಿಯನ್ಷಿಪ್ನಲ್ಲಿ ಪ್ರಶಸ್ತಿ ಗೆದ್ದ ಮೊದಲ ಭಾರತೀಯ ಎನ್ನುವ ಕೀರ್ತಿ ಪಂಕಜ್ ಅವರದು. ಇವರ ಕ್ರೀಡಾ ಸಾಧನೆಯನ್ನು ಗುರುತಿಸಿ ಭಾರತ ಸರಕಾರ ಪದ್ಮಶ್ರೀ, ರಾಜೀವ್ ಗಾಂಧಿ ಖೇಲ್ ರತ್ನ, ಅರ್ಜುನ ಪ್ರಶಸ್ತಿ ನೀಡಿ ಗೌರವಿಸಿದೆ.
ಪಂಕಜ್ ಆಡ್ವಾಣಿಗೆ ಏಷ್ಯನ್ ಸ್ನೂಕರ್ ಚಾಂಪಿಯನ್ಷಿಪ್ ಪ್ರಶಸ್ತಿ
ಭಾರತದ ಕ್ಯೂಸ್ಪೋರ್ಟ್ಸ್ (ಸ್ನೂಕರ್ ಮತ್ತು ಬಿಲಿಯರ್ಡ್ಸ್) ಆಟಗಾರ ಪಂಕಜ್ ಆಡ್ವಾಣಿ ಪ್ರಸಕ್ತ ಸಾಲಿನ ಏಷ್ಯನ್ ಸ್ನೂಕರ್ ಚಾಂಪಿಯನ್ಷಿಪ್ನಲ್ಲಿ ಪ್ರಶಸ್ತಿ ಮುಡಿಗೇರಿಸಿದ್ದಾರೆ.
Vijaya Karnataka 27 Jun 2019, 1:18 pm