ನೀವು ಸಹ ಸಿಬಿಎಸ್‌ಇ ರಿಸಲ್ಟ್‌ ನೋಡಲು ಕಾತುರರಾಗಿರುವ ವಿದ್ಯಾರ್ಥಿಗಳಾಗಿದ್ದಲ್ಲಿ, ಯಾವೆಲ್ಲ ವಿಧಾನಗಳಿಂದ ತಮ್ಮ ಫಲಿತಾಂಶ ಪಡೆಯಬಹುದು ಎಂದು ಈ ಕೆಳಗಿನಂತೆ ಒಮ್ಮೆ ಓದಿಕೊಳ್ಳಿ.
ಸಿಬಿಎಸ್‌ಇ ಅಧಿಕೃತ ವೆಬ್‌ಸೈಟ್‌ಗಳ ಮೂಲಕ
ಸಿಬಿಎಸ್‌ಇ 10ನೇ ತರಗತಿ, 12ನೇ ತರಗತಿ ರಿಸಲ್ಟ್‌ ಅನ್ನು ವಿದ್ಯಾರ್ಥಿಗಳು ಈ ಕೆಳಗಿನ ಪ್ರಮುಖ ಮೂರು ವೆಬ್‌ಸೈಟ್‌ಗಳ ಮೂಲಕ ಚೆಕ್‌ ಮಾಡಬಹುದಾಗಿದೆ.
- cbse.nic.in
- cbseresults.nic.in
- results.nic.in
ಸಿಬಿಎಸ್‌ಇ 10th, 12th ಬೋರ್ಡ್‌ ಎಕ್ಸಾಮ್‌ 2024 ಫಲಿತಾಂಶ ಯಾವಾಗ?., ಇಲ್ಲಿದೆ ನೋಡಿ ಉತ್ತರ
ವೆಬ್‌ಸೈಟ್‌ಗಳಲ್ಲಿ ರಿಸಲ್ಟ್‌ ಚೆಕ್‌ ಮಾಡುವ ಹಂತಗಳು
ಮೇಲಿನ ಯಾವುದೇ ವೆಬ್‌ಸೈಟ್‌ಗೆ ಭೇಟಿ ನೀಡಿ. ಮೊದಲಿಗೆ ಸಿಬಿಎಸ್‌ಇ ಪರೀಕ್ಷೆ ಬರೆದ ತರಗತಿ ರಿಸಲ್ಟ್‌ ಲಿಂಕ್ ಆಯ್ಕೆ ಮಾಡಿ. ನಂತರ ಮುಂದಿನ ಹಂತಗಳನ್ನು ಫಾಲೋ ಮಾಡಿ.
- ಶಾಲಾ ಕೋಡ್‌, ರಿಜಿಸ್ಟರ್ ನಂಬರ್, ಸೆಂಟರ್‌ ಕೋಡ್‌, ಅಡ್ಮಿಟ್‌ ಕಾರ್ಡ್‌ ಐಡಿ ನಂಬರ್ ಎಂಟರ್ ಮಾಡಿ.
- ಅಗತ್ಯ ಮಾಹಿತಿಗಳನ್ನು ನೀಡಿದ ನಂತರ 'Submit' ಬಟನ್‌ ಮೇಲೆ ಕ್ಲಿಕ್ ಮಾಡಿ.
- ರಿಸಲ್ಟ್‌ ಪೇಜ್ ಓಪನ್ ಆಗುತ್ತದೆ.
- ಡೌನ್ಲೋಡ್ ಮಾಡಿ, ಮುಂದಿನ ರೆಫರೆನ್ಸ್‌ಗಾಗಿ ಪ್ರಿಂಟ್ ತೆಗೆದುಕೊಳ್ಳಿ.
ನೆನಪಿರಲಿ: ಸಿಇಟಿ ಫಲಿತಾಂಶದ ನಂತರ Engineering, ಇತರೆ ಕೋರ್ಸ್‌ ಪ್ರವೇಶಕ್ಕೆ ಸರ್ಕಾರದಿಂದ ಈ ಸಾಲ ಸಿಗಲಿದೆ!
ಶಾಲೆಗಳಿಗೆ ಭೇಟಿ ನೀಡಿ ರಿಸಲ್ಟ್‌ ಪಡೆಯಬಹುದು
ಸಿಬಿಎಸ್‌ಇ ಯು ಶಾಲೆಗಳಿಗೂ ಸಹ ಹೊಸದಾಗಿ ಕ್ರಿಯೇಟ್‌ ಮಾಡಲಾದ ಇ-ಮೇಲ್‌ ಮೂಲಕ ಫಲಿತಾಂಶವನ್ನು ಕಳುಹಿಸುವ ವ್ಯವಸ್ಥೆ ಮಾಡುತ್ತದೆ. ಆದ್ದರಿಂದ ವಿದ್ಯಾರ್ಥಿಗಳು ತಮ್ಮ ಶಾಲೆಯ ಶಿಕ್ಷಕರು ಹಾಗೂ ಪ್ರಾಂಶುಪಾಲರನ್ನು ಸಹ ಸಂಪರ್ಕಿಸಿ ಫಲಿತಾಂಶ ಮಾಹಿತಿ ತಿಳಿಯಬಹುದು. ನೀವು ಓದಿದ ಶಾಲೆಗೆ ಹೋಗಿ, ಅಲ್ಲಿ ನಿಮ್ಮ ರಿಜಿಸ್ಟರ್ ನಂಬರ್ ನೀಡುವ ಮೂಲಕ ರಿಸಲ್ಟ್‌ ಪಡೆಯಬಹುದು.
ಸೀತಾರಾಮ್ ಜಿಂದಾಲ್ ಸ್ಕಾಲರ್‌ಶಿಪ್: ಪಿಯು ಇಂದ ಪಿಜಿ ವರೆಗೆ ಪ್ರತಿ ತಿಂಗಳು ರೂ.500 ರಿಂದ 3200 ವಿದ್ಯಾರ್ಥಿವೇತನ
ಡಿಜಿಲಾಕರ್‌ನಲ್ಲಿ ಫಲಿತಾಂಶ
ಸಿಬಿಎಸ್‌ಇ ಬೋರ್ಡ್‌ ಪರೀಕ್ಷೆ ಬರೆದ ವಿದ್ಯಾರ್ಥಿಗಳು ಡಿಜಿಲಾಕರ್ ಮೊಬೈಲ್ ಅಪ್ಲಿಕೇಶನ್‌ ಮೂಲಕ ಸಹ ತಮ್ಮ ರಿಸಲ್ಟ್‌ ಚೆಕ್‌ ಮಾಡಬಹುದು. ಅಲ್ಲದೇ ತಮ್ಮ ಅಂಕಪಟ್ಟಿಯನ್ನು ಡೌನ್ಲೋಡ್ ಮಾಡಿಕೊಳ್ಳಬಹುದು. ಅಲ್ಲದೇ ಸ್ಕಿಲ್‌ ಸರ್ಟಿಫಿಕೇಟ್‌ಗಳನ್ನು ಕೂಡ ಡೌನ್ಲೋಡ್ ಮಾಡಬಹುದು. ಅದು ಹೇಗೆ ಎಂದು ಕೆಳಗಿನಂತೆ ತಿಳಿಸಲಾಗಿದೆ ನೋಡಿ.
- ಸಿಬಿಎಸ್‌ಇ'ಯು ವಿದ್ಯಾರ್ಥಿಗಳು ರಿಜಿಸ್ಟರ್ ಮಾಡಿದ ಮೊಬೈಲ್ ನಂಬರ್‌ಗೆ ಡಿಜಿಲಾಕರ್ ಲಾಗಿನ್‌ ಮಾಹಿತಿಗಳನ್ನು ಎಸ್‌ಎಂಎಸ್‌ ಮೂಲಕ ಕಳುಹಿಸಿರುತ್ತದೆ.
- ಡಿಜಿಲಾಕರ್ ಮೊಬೈಲ್ ಅಪ್ಲಿಕೇಶನ್‌ ಡೌನ್ಲೋಡ್ ಮಾಡಿ, ಇನ್‌ಸ್ಟಾಲ್‌ ಮಾಡಿಕೊಳ್ಳಿ. ನಂತರ ಓಪನ್ ಮಾಡಿರಿ.
- ವಿದ್ಯಾರ್ಥಿಗಳು ಸಿಬಿಎಸ್‌ಇ ರಿಜಿಸ್ಟರ್ ಮೊಬೈಲ್ ನಂಬರ್ ಅನ್ನು ಎಂಟರ್ ಮಾಡಿ. ನಿಮಗೆ ಸಂಖ್ಯೆಗಳಲ್ಲಿ ಓಟಿಪಿ ಬರುತ್ತದೆ.
- ನಂತರ ಓಟಿಪಿ ನೀಡಿ ಹಾಗೂ ಪಾಸ್‌ವರ್ಡ್‌ ಆಗಿ ನಿಮ್ಮ ರಿಜಿಸ್ಟರ್ ನಂಬರ್ ನ ಕೊನೆ 6 ಸಂಖ್ಯೆಗಳನ್ನು ಎಂಟರ್ ಮಾಡಿ.
- ನಂತರ ಫಲಿತಾಂಶ ಶೀಟ್‌, ಇತರೆ ಸರ್ಟಿಫಿಕೇಟ್‌ಗಳು ಪ್ರದರ್ಶಿತವಾಗಲಿದ್ದು, ಡೌನ್ಲೋಡ್ ಮಾಡಬಹುದು. ಪ್ರಿಂಟ್ ತೆಗೆದುಕೊಳ್ಳಬಹುದು.
SMS ಮೂಲಕ ರಿಸಲ್ಟ್‌
- ಎಸ್‌ಎಂಎಸ್‌ ಮೂಲಕ ಸಹ ಸಿಬಿಎಸ್‌ಇ ಫಲಿತಾಂಶ ಪಡೆಯಲು ಅವಕಾಶ ಇದೆ.
- ಹತ್ತನೇ ತರಗತಿ ಪರೀಕ್ಷೆ ಬರೆದವರು 'CBSE10 ಎಂದು ಟೈಪಿಸಿ ಸ್ಪೇಸ್‌ ನೀಡಿ, ನಂತರ ರೋಲ್‌ ನಂಬರ್ ಟೈಪಿಸಿ ಸ್ಪೇಸ್‌ ನೀಡಿ, ನಂತರ ಅಡ್ಮಿಟ್‌ ಕಾರ್ಡ್‌ ಐಡಿ ಟೈಪಿಸಿ.
- ಹನ್ನೆರಡನೇ ತರಗತಿ ಪರೀಕ್ಷೆ ಬರೆದವರು 'CBSE12 ಎಂದು ಟೈಪಿಸಿ ಸ್ಪೇಸ್‌ ನೀಡಿ, ನಂತರ ರೋಲ್‌ ನಂಬರ್ ಟೈಪಿಸಿ ಸ್ಪೇಸ್‌ ನೀಡಿ, ನಂತರ ಅಡ್ಮಿಟ್‌ ಕಾರ್ಡ್‌ ಐಡಿ ಟೈಪಿಸಿ.
- ಮೇಲಿನ ಮಾಹಿತಿಯಂತೆ ಟೈಪಿಸಿದ ಮೆಸೇಜ್‌ ಅನ್ನು ನಂಬರ್ - 7738299899 ಗೆ ಕಳುಹಿಸಿ.
- ಫಲಿತಾಂಶವು ನಿಮ್ಮ ಮೊಬೈಲ್‌ಗೆ ಮೆಸೇಜ್‌ ರೂಪದಲ್ಲಿ ಬರಲಿದ್ದು ಚೆಕ್‌ ಮಾಡಿಕೊಳ್ಳಬಹುದು.
UMANG ಅಪ್ಲಿಕೇಶನ್‌ ಮೂಲಕ ಫಲಿತಾಂಶ
- ವಿದ್ಯಾರ್ಥಿಗಳು ಸಿಬಿಎಸ್‌ಇ ಫಲಿತಾಂಶವನ್ನು UMANG ಮೊಬೈಲ್ ಅಪ್ಲಿಕೇಶನ್‌ ಮೂಲಕ ಸಹ ಚೆಕ್‌ ಮಾಡಬಹುದು.
- ಮೊದಲಿಗೆ ಮೊಬೈಲ್ ನಲ್ಲಿ UMANG ಅಪ್ಲಿಕೇಶನ್‌ ಡೌನ್ಲೋಡ್ ಮಾಡಿ ಇನ್‌ಸ್ಟಾಲ್‌ ಮಾಡಿ. ನಂತರ ಓಪನ್ ಮಾಡಿ. ಅಲ್ಲಿ ಡಿಜಿಲಾಕರ್ ಅಪ್ಲಿಕೇಶನ್‌ ಆಕ್ಸೆಸ್‌ಗೆ ಅವಕಾಶ ಸಿಗಲಿದೆ. ಅದರ ಮೇಲೆ ಕ್ಲಿಕ್ ಮಾಡಿ.
- ವಿದ್ಯಾರ್ಥಿಗಳು ಸಿಬಿಎಸ್‌ಇ ರಿಜಿಸ್ಟರ್ ಮೊಬೈಲ್ ನಂಬರ್ ಅನ್ನು ಎಂಟರ್ ಮಾಡಿ. ಓಟಿಪಿ ಬರುತ್ತದೆ.
- ನಂತರ ಓಟಿಪಿ ಹಾಗೂ ಪಾಸ್‌ವರ್ಡ್‌ ಆಗಿ ನಿಮ್ಮ ರಿಜಿಸ್ಟರ್ ನಂಬರ್ ನ ಕೊನೆ 6 ಸಂಖ್ಯೆಗಳನ್ನು ಎಂಟರ್ ಮಾಡಿ.
- ನಂತರ ಫಲಿತಾಂಶ ಶೀಟ್‌, ಇತರೆ ಸರ್ಟಿಫಿಕೇಟ್‌ಗಳನ್ನು ಪಡೆಯಬಹುದು.
IVR ವಿಧಾನ ಮೂಲಕ ಫಲಿತಾಂಶ
ಕೇಂದ್ರ ಪ್ರೌಢಶಿಕ್ಷಣ ಮಂಡಳಿ IVR (Interactive voice response) ಪ್ರೊಸೆಸ್‌ ಮೂಲಕವು ಸಹ ವಿದ್ಯಾರ್ಥಿಗಳ ಫಲಿತಾಂಶವನ್ನು ಲಭ್ಯಗೊಳಿಸಲಿದೆ. ಈ ವಿಧಾನದ ಮೂಲಕ
ವಿದ್ಯಾರ್ಥಿಗಳು ಸಂವಾದಾತ್ಮಕ ಧ್ವನಿ ಪ್ರತಿಕ್ರಿಯೆ ಇಂದ ಸಿಬಿಎಸ್‌ಸಿ 10ನೇ, 12ನೇ ತರಗತಿ ಫಲಿತಾಂಶ ಚೆಕ್‌ ಮಾಡಬಹುದು.
ಈ ಕೆಳಗಿನ ನಂಬರ್‌ಗಳು ನ್ಯಾಷನಲ್ ಇನ್‌ಫಾರ್ಮೆಟಿಕ್ ಸೆಂಟರ್‌(ಎನ್‌ಐಸಿ) ನಂಬರ್‌ಗಳು. ನಿಮ್ಮ ಮೊಬೈಲ್‌ನಲ್ಲಿ ಈ ನಂಬರ್‌ಗಳನ್ನು ಡಯಲ್‌ ಮಾಡಿ ರಿಸಲ್ಟ್‌ ಪಡೆಯಬಹುದು.
- ದೆಹಲಿ ಸ್ಥಳೀಯ ಸಬ್‌ಸ್ಕ್ರೈಬರ್‌ಗಳು 24300699 ಮೂಲಕ ಫಲಿತಾಂಶ ತಿಳಿಯಬಹುದು.
- ದೆಹಲಿ ಹೊರತುಪಡಿಸಿ ದೇಶದ ಇತರೆ ಭಾಗದವರು 011-24300699 ಡಯಲ್‌ ಮಾಡಿ ಫಲಿತಾಂಶ ತಿಳಿಯಬಹುದು.