SSC CGL 2017 ಅಂತಿಮ ಫಲಿತಾಂಶ ಯಾವಾಗ?

ಸಿಬ್ಬಂದಿ ನೇಮಕಾತಿ ಆಯೋಗವು ಕೇಂದ್ರ ಸರ್ಕಾರದ ವಿವಿಧ ಇಲಾಖೆಗಳಿಗೆ ಕಂಬೈನ್ಡ್‌ ಗ್ರಾಜುಯೇಟ್ ಲೆವೆಲ್‌ ಹುದ್ದೆಗಳ ನೇಮಕಾತಿಗೆ 2017 ರಲ್ಲಿ ಪರೀಕ್ಷೆ ನಡೆಸಿತ್ತು. ಎಸ್‌ಎಸ್‌ಸಿ ಸಿಜಿಎಲ್‌ 2017 ಟೈಯರ್-1, ಟೈಯರ್-2, ಟೈಯರ್-3 ಫಲಿತಾಂಶವನ್ನು 2019 ರ ಮೇ 9 ರಂದು ಬಿಡುಗಡೆ ಮಾಡಲಾಗಿತ್ತು. ಒಟ್ಟು 35,990 ಅಭ್ಯರ್ಥಿಗಳು ಸ್ಕಿಲ್ ಟೆಸ್ಟ್‌ ಮತ್ತು ದಾಖಲೆಗಳ ಪರಿಶೀಲನೆಗೆ ಆಯ್ಕೆ ಆಗಿದ್ದರು. ಪ್ರಸ್ತುತ ಎಸ್‌ಎಸ್‌ಸಿ ಸಿಜಿಎಲ್‌ 2017 ನೇಮಕಾತಿ ಅಧಿಸೂಚನೆಯ ಅಂತಿಮ ಫಲಿತಾಂಶ ಪ್ರಕಟಣೆ ಒಂದೇ ಬಾಕಿ ಇರುವುದು. ಈ ರಿಸಲ್ಟ್‌ ಇಂದು(ನವೆಂಬರ್ 15, 2019) ರಂದು ಪ್ರಕಟವಾಗುವ ಸಾಧ್ಯತೆ ಇದೆ.

SSC CGL 2017 ನೇಮಕಾತಿಗೆ ಅರ್ಜಿ ಸಲ್ಲಿಸಿ, ಎಲ್ಲಾ ಹಂತಗಳ ಪರೀಕ್ಷೆಯಲ್ಲಿ ಪಾಲ್ಗೊಂಡಿರುವ ಅಭ್ಯರ್ಥಿಗಳು ಎಸ್‌ಎಸ್‌ಸಿ ಅಧಿಕೃತ ವೆಬ್‌ಸೈಟ್‌ನಲ್ಲಿ ಇಂದು ತಮ್ಮ ಫಲಿತಾಂಶ ಚೆಕ್‌ ಮಾಡಬಹುದಾಗಿದೆ. ಈ ಫಲಿತಾಂಶ ಬಂದ ನಂತರ ಅಭ್ಯರ್ಥಿಗಳಿಗೆ ಅಪಾಯಿಂಟ್‌ಮೆಂಟ್‌ ಲೆಟರ್ ಅನ್ನು ನೀಡಲಾಗುತ್ತದೆ.

SSC CGL 2017 Final Result - Check Here

SSC CGL 2017 ಅಂತಿಮ ಫಲಿತಾಂಶ ಚೆಕ್‌ ಮಾಡುವುದು ಹೇಗೆ?

- ಸಿಬ್ಬಂದಿ ನೇಮಕಾತಿ ಆಯೋಗದ ಅಧಿಕೃತ ವೆಬ್‌ಸೈಟ್‌ https://ssc.nic.in ಗೆ ಭೇಟಿ ನೀಡಿ.

- ಓಪನ್ ಆದ ಹೋಮ್‌ಪೇಜ್‌ನಲ್ಲಿ SSC CGL 2017 ನೇಮಕಾತಿಗೆ ಸಂಬಂಧಿಸಿದ ಲಿಂಕ್‌ ಮೇಲೆ ಕ್ಲಿಕ್ ಮಾಡಿ.

- ವಿವಿಧ ಪೋಸ್ಟ್‌ಗಳಿಗೆ ಪ್ರತ್ಯೇಕ ಫಲಿತಾಂಶ ಲಿಂಕ್‌ ನೀಡಿದ್ದರೆ, ಸಂಬಂಧಪಟ್ಟ ಲಿಂಕ್‌ ಮೇಲೆ ಕ್ಲಿಕ್ ಮಾಡಿ.

- ಓಪನ್‌ ಆದ ಪಿಡಿಎಫ್‌ ಲಿಂಕ್‌ನಲ್ಲಿ, ಅಭ್ಯರ್ಥಿಗಳು ತಮ್ಮ ರಿಜಿಸ್ಟರ್ ನಂಬರ್ ಚೆಕ್‌ ಮಾಡುವ ಮೂಲಕ ಫಲಿತಾಂಶ ತಿಳಿಯಬಹುದು.