2018ನೇ ಸಾಲಿನ ಎಸ್ಎಸ್‌ಸಿ ಜೂನಿಯರ್ ಇಂಜಿನಿಯರ್ ಪರೀಕ್ಷೆ ಫಲಿತಾಂಶ ಪ್ರಕಟ

ಸ್ಟಾಫ್‌ ಸೆಲೆಕ್ಷನ್‌ ಕಮಿಷನ್‌ 2018 ನೇ ಸಾಲಿನ ಜೂನಿಯರ್ ಇಂಜಿನಿಯರ್ ಪರೀಕ್ಷೆಗೆ ಸಂಬಂಧಿಸಿದಂತೆ, ಅಂತಿಮ ಫಲಿತಾಂಶವನ್ನು ಪ್ರಕಟಿಸಿದೆ. ಈ ಪರೀಕ್ಷೆಗೆ ಅರ್ಜಿ ಸಲ್ಲಿಸಿ, ಮೂಲದಾಖಲೆಗಳ ಪರಿಶೀಲನೆ ಪ್ರಕ್ರಿಯೆಯಲ್ಲಿ ಭಾಗವಹಿಸಿದ ಅಭ್ಯರ್ಥಿಗಳು ಆಯೋಗದ ಅಫೀಶಿಯಲ್ ವೆಬ್‌ಸೈಟ್‌ಗೆ ಭೇಟಿ ನೀಡಿ ಫಲಿತಾಂಶ ಚೆಕ್‌ ಮಾಡಬಹುದು.

2018 ನೇ ಸಾಲಿನ ಜೆಇ ಪೇಪರ್-2 ಪರೀಕ್ಷೆಯ ಕಟ್‌ ಆಫ್‌ ಅಂಕಗಳ ಆಧಾರದಲ್ಲಿ ದಿನಾಂಕ 11-09-2020 ರಂದು ಮೂಲ ದಾಖಲೆಗಳ ಪರಿಶೀಲನೆಗೆ ಆಯ್ಕೆಪಟ್ಟಿ ಪ್ರಕಟಿಸಿತ್ತು.

ಕೆಲವು ಅಭ್ಯರ್ಥಿಗಳು ಎಸ್‌ಎಸ್‌ಸಿ ಕೀ ಉತ್ತರಗಳಿಗೆ ಆಕ್ಷೇಪಣೆ ಸಲ್ಲಿಸಿದ ಕಾರಣ, ಇವುಗಳ ಪರಿಶೀಲನೆ ನಡೆಸಲಾಗಿ, ಸಿವಿಲ್, ಇಲೆಕ್ಟ್ರಿಕಲ್, ಮೆಕ್ಯಾನಿಕಲ್ ವಿಭಾಗದ ಕೆಲವು ಅಭ್ಯರ್ಥಿಗಳನ್ನು ಅನರ್ಹಗೊಳಿಸಲಾಯಿತು. ಹಾಗೆಯೇ ಅನರ್ಹ ಗೊಂಡಿದ್ದ ಕೆಲವು ಅಭ್ಯರ್ಥಿಗಳಿಗೆ ಅರ್ಹತೆ ನೀಡಲಾಗಿದೆ. ಈ ಅಭ್ಯರ್ಥಿಗಳ ರಿಜಿಸ್ಟರ್ ನಂಬರ್ ಅನ್ನು ಫಲಿತಾಂಶ ಶೀಟ್‌ನಲ್ಲಿ ನೀಡಲಾಗಿದೆ.

ಎಸ್‌ಎಸ್‌ಸಿ ಸಿಜಿಎಲ್‌ 2020 ಪರೀಕ್ಷೆ ಅರ್ಜಿಗೆ ಕೊನೆ ದಿನ ಯಾವಾಗ?

ಪ್ರಸ್ತುತ ಎಸ್‌ಎಸ್‌ಸಿಯು 2018ನೇ ಸಾಲಿನ ಜೆಇ ಪರೀಕ್ಷೆ ಮೂಲಕ ಒಟ್ಟು 1840 (1506 ಸಿವಿಲ್ ಇಂಜಿನಿಯರ್, 192 ಇಲೆಕ್ಟ್ರಿಕಲ್ ಇಂಜಿನಿಯರ್, 142 ಮೆಕ್ಯಾನಿಕಲ್ ಇಂಜಿನಿಯರ್) ಅಭ್ಯರ್ಥಿಗಳಿಗೆ ವಿವಿಧ ಇಲಾಖೆಗೆ ನೇಮಕಾತಿ ಮಾಡಲು ಅಂತಿಮ ಫಲಿತಾಂಶ ಪ್ರಕಟಿಸಿದೆ.

ಎಸ್‌ಎಸ್‌ಸಿ ಜೂನಿಯರ್ ಇಂಜಿನಿಯರ್ ಅಂತಿಮ ಫಲಿತಾಂಶ ಚೆಕ್‌ ಮಾಡಲು ಅಫೀಶಿಯಲ್ ವೆಬ್‌ಸೈಟ್‌ಗೆ ಭೇಟಿ ನೀಡಿ. ಅಥವಾ ಈ ಕೆಳಗಿನ ಡೈರೆಕ್ಟ್‌ ಲಿಂಕ್ ಅನ್ನು ಕ್ಲಿಕ್ ಮಾಡಿರಿ.

SSC JE 2018 Final Result