ಕೊರೊನಾದ ಈ ದುಸ್ಥಿತಿಯ ಸಮಯದಲ್ಲಿ ಯಾವುದೇ ಕೋಚಿಂಗ್ ತರಗತಿಗಳು ಇಲ್ಲದೇ ಆನ್‌ಲೈನ್‌ ಮೂಲಕ, ಮನೆಯಲ್ಲೇ ಸಿದ್ಧತೆ ನಡೆಸುವುದು ಒಂದು ರೀತಿಯ ಟಫ್‌ ಟಾಸ್ಕ್‌ ಆಗಿದೆ. ರೆಡಿಮೇಡ್ ಸೋರ್ಸ್‌ ಅನ್ನು ಓದುವ ಜತೆಗೆ, ಮೆಂಟಲಿ ಸಿದ್ಧತೆ ತುಂಬಾ ಚೆನ್ನಾಗಿರಬೇಕು. ಆದ್ದರಿಂದ ಕೇವಲ ಇನ್ನು ಕೆಲವೇ ದಿನಗಳು ಇರುವ ಈ ಸಮಯದಲ್ಲಿ ರಿವಿಷನ್ ಹೇಗಿರಬೇಕು ಎಂದು ಇಲ್ಲಿ ಸಲಹೆಗಳನ್ನು ನೀಡಲಾಗಿದೆ.
ಈಗಾಗಲೇ ಓದಿರುವುದಕ್ಕೆ ಸೀಮಿತರಾಗಿರಿ
ನೀಟ್‌ ಪರೀಕ್ಷೆಗೆ ದಿನಗಣನೆ ಶುರುವಾಗಿದೆ. ಇಂತಹ ಸಮಯದಲ್ಲಿ ಹೊಸ ಟಾಪಿಕ್‌ಗಳನ್ನು ಟಚ್‌ ಮಾಡಲೇಬಾರದು. ಓದಿರುವಷ್ಟಕ್ಕೆ ಸೀಮಿತರಾಗಿರಿ. ಈಗಾಗಲೇ ಓದಿರುವ ವಿಷಯಗಳನ್ನೇ ರಿವಿಷನ್ ಮಾಡಿರಿ.
ಮಾದರಿ ಪರೀಕ್ಷೆಗಳು ಕಡ್ಡಾಯ
ಪರೀಕ್ಷೆಗೆ ಕೇವಲ 15 ದಿನಗಳು ಬಾಕಿ ಇರುವ ವೇಳೆ ನೀಟ್‌ ಮಾಡೆಲ್ ಗ್ರ್ಯಾಂಡ್‌ ಟೆಸ್ಟ್‌ ಅನ್ನು ತೆಗೆದುಕೊಳ್ಳಿ. ಇದರಿಂದ ನಿಮ್ಮ ಸಿದ್ಧತೆಯ ಮಟ್ಟ ಹೇಗಿದೆ ಎಂದು ತಿಳಿಯಬಹುದು. ಮಾಕ್‌ ಟೆಸ್ಟ್‌ಗಳು ನಿಮಗೆ ಟೈಮ್‌ ಮ್ಯಾನೇಜ್ಮೆಂಟ್‌ ಅನ್ನು ಕಲಿಸುತ್ತವೆ. ಅಲ್ಲದೇ ಸಕ್ಸಸ್‌ಗೆ ಅಡಿಗಲ್ಲಾಗಿ ಸಹಾಯ ಮಾಡುತ್ತವೆ ಮಾಕ್‌ ಟೆಸ್ಟ್‌.
ಸ್ಮಾರ್ಟ್‌ ಸ್ಟಡಿ
ಎಫೆಕ್ಟಿವ್ ಸ್ಟಡಿಗಾಗಿ ಸ್ಮಾರ್ಟ್‌ ಪ್ರಿಪೆರೇಷನ್‌ ಸಹ ಅಗತ್ಯ. ನಿಮ್ಮ ಅರಿವು ವೀಕ್ ಎನಿಸುವ ಟಾಪಿಕ್‌ಗಳನ್ನು ಸ್ಟ್ರಾಂಗ್‌ ಮಾಡಿಕೊಳ್ಳಲು ಪ್ರಯತ್ನಿಸಿ. ಹಾಗೆ ಬಹುಮುಖ್ಯ ಎನಿಸುವ, ಆದರೆ ನೀವು ವೀಕ್ ಎನಿಸುವ ಟಾಪಿಕ್‌ಗಳನ್ನು ಬಿಡದಿರಿ.
ಫಾರ್ಮುಲಾಗಳು ಮತ್ತು ನೋಟ್ಸ್‌
ನೀಟ್‌ ಓದುವ ವೇಳೆ ಸಿದ್ಧಪಡಿಸಿದ ಪ್ರಮುಖ ಅಂಶಗಳು ಮತ್ತು ಫಾರ್ಮುಲಾಗಳನ್ನು ಮಿಸ್ ಮಾಡದೇ ರಿವಿಷನ್ ಮಾಡಿರಿ. ಈ ಅಂಶಗಳ ಮೇಲೆ ಗ್ರಿಪ್‌ ಇರಬೇಕು ಎಂದರೆ ಪ್ರತಿದಿನವು ಒಮ್ಮೆ ಹೈಲೈಟ್ಸ್‌ಗಳ ಮೇಲೆ ಕಣ್ಣಾಡಿಸಿ.
ನೋಟ್ಸ್‌ಗಳನ್ನು ರಿವಿಷನ್ ಮಾಡಿರಿ
ಪರೀಕ್ಷೆಯಲ್ಲಿ ನಿಮ್ಮ ಫರ್‌ಫಾರ್ಮೆನ್ಸ್‌ ನೀವು ಎಷ್ಟು ಓದಿದ್ದೀರಿ ಎಂಬುದರ ಆಧಾರವಾಗಿರುವುದಿಲ್ಲ. ಬದಲಾಗಿ ಎಷ್ಟು ಚೆನ್ನಾಗಿ ಪರೀಕ್ಷೆ ಬರೆದೆ ಎಂಬುದಾಗಿರುತ್ತದೆ ಎಂಬುದನ್ನು ಮರೆಯದಿರಿ. ಆದ್ದರಿಂದ ಕಂಪ್ಲೀಟ್ ನೋಟ್ಸ್‌ ಅನ್ನು ರಿವಿಷನ್ ಮಾಡಿರಿ. ಸಿಲ್ಲಾಬಸ್ ಅನ್ನು ಡಿವೈಡ್‌ ಮಾಡಿಕೊಂಡು, ಸಂಪೂರ್ಣವಾಗಿ ಓದಿಕೊಳ್ಳಿ. ನೋಟ್ಸ್‌ ಟೈಮ್‌ ಅನ್ನು ಉಳಿಸುವುದಲ್ಲದೇ ಅಲೋಚನೆಗಳನ್ನು ವ್ಯವಸ್ಥಿತವಾಗಿ ಇಡಲು ಸಹಾಯಕಾರಿ. ನೋಟ್ಸ್‌ ಹೈಲೈಟ್ಸ್‌ಗಳನ್ನು ಒಳಗೊಂಡಿರಬೇಕು, ಓದಲು ಸುಲಭವಾಗಿರಬೇಕು.
ಹಿಂದಿನ ವರ್ಷದ ಪ್ರಶ್ನೆ ಪತ್ರಿಕೆಗಳನ್ನು ಬಿಡಿಸಿ
ತಯಾರಿಯ ಹಂತವನ್ನು ಚೆಕ್‌ ಮಾಡಲು ಮಾಡೆಲ್ ಗ್ರ್ಯಾಂಡ್‌ ಟೆಸ್ಟ್‌ ಪೇಪರ್‌ಗಳು, ಹಿಂದಿನ ವರ್ಷದ ಪ್ರಶ್ನೆ ಪತ್ರಿಕೆಗಳನ್ನು ಬಿಡಿಸುವುದು ಉತ್ತಮ. ಅಲ್ಲದೇ ಪ್ರಶ್ನೆ ಪತ್ರಿಕೆ ಬಿಡಿಸುವಾಗ ಯಾವ ವಿಭಾಗಗಳನ್ನು ಮಿಸ್ ಮಾಡಿದ್ದೇನೆ, ಯಾವ ಪಾರ್ಟ್‌ ನಲ್ಲಿ ವೀಕ್ ಇದ್ದೇನೆ ಎಂಬೆಲ್ಲಾ ಅಂಶಗಳನ್ನು ಮನನ ಮಾಡಿಕೊಳ್ಳಬಹುದು. ಪ್ರಮುಖ ಕಾನ್‌ಸೆಪ್ಟ್‌ಗಳನ್ನು ಮಿಸ್ ಮಾಡಿಕೊಂಡಿದ್ದರೆ, ಮತ್ತೊಮ್ಮೆ ಕಣ್ಣಾಡಿಸಿಕೊಳ್ಳಲು ಮಾಕ್‌ಟೆಸ್ಟ್‌ ಮತ್ತು ಹಿಂದಿನ ವರ್ಷದ ಪ್ರಶ್ನೆ ಪತ್ರಿಕೆಗಳು ಮುಖ್ಯ.
UPSC ಪರ್ಸನಾಲಿಟಿ ಟೆಸ್ಟ್‌ ಹೇಗಿರುತ್ತದೆ? ಸಿದ್ಧತೆ ಹೇಗೆ?
ನಿಖರತೆ ಮತ್ತು ಸಮಯದ ನಿರ್ವಹಣೆ
ನೀಟ್‌ ಪರೀಕ್ಷೆ ಬರೆಯುವ ಅಭ್ಯರ್ಥಿಗಳು, ಸಮಯದ ನಿರ್ವಹಣೆಗೆ ಉತ್ತಮ ಸ್ಟ್ರಟೆಜಿಗಳನ್ನು ಫಾಲೋ ಮಾಡಬೇಕು. ಜತೆಗೆ ಉತ್ತರ ನೀಡುವಲ್ಲಿ ನಿಖರತೆ ಕಾಪಾಡಿಕೊಳ್ಳಬೇಕು. ಈ ಎರಡು ಅಂಶಗಳು ಸಹ ಒಂದನ್ನೊಂದನ್ನು ಅವಲಂಭಿಸಿವೆ. ಯಾವ ಪ್ರಶ್ನೆಯನ್ನು ಅಟೆಂಡ್ ಮಾಡಬಹುದು, ಮಾಡಲು ಆಗುವುದಿಲ್ಲ ಎಂಬುದರ ಬಗ್ಗೆ ಕ್ಲಿಯರ್ ಐಡಿಯಾ ಇರಬೇಕು. ಎಲ್ಲವನ್ನು ಅಟೆಂಟ್‌ ಮಾಡಬೇಕು ಎಂದುಕೊಳ್ಳುವುದಕ್ಕಿಂತ, ಗೊತ್ತಿರುವ ಎಲ್ಲ ಪ್ರಶ್ನೆಗಳಿಗೆ ಮೊದಲು ಉತ್ತರಿಸಬೇಕು ಎಂಬ ಅಲೋಚನೆ ಬಹಳ ಮುಖ್ಯ.
ಪಂಚಾಯತ್‌ ರಾಜ್‌ ಇಲಾಖೆಯಲ್ಲಿ ಅಕೌಂಟ್ ಎಕ್ಸ್‌ಪರ್ಟ್‌ ಹುದ್ದೆಗೆ ಅರ್ಜಿ ಆಹ್ವಾನ
ಉತ್ತಮ ಆರೋಗ್ಯ ಹವ್ಯಾಸ ಮತ್ತು ಲೈಫ್‌ಸ್ಟೈಲ್ ಇರಲಿ
ಪ್ರಸ್ತುತ ಕೊರೊನಾ ಸ್ಥಿತಿಯನ್ನು ಗಂಭೀರವಾಗಿ ಪರಿಗಣಿಸಿ, ಎಲ್ಲಾ ರೀತಿಯ ಸುರಕ್ಷತಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಅಧ್ಯಯನ ಸಂದರ್ಭದಲ್ಲಿ ಆಗಾಗ ಶಾರ್ಟ್‌ ಬ್ರೇಕ್‌ಗಳನ್ನು ತೆಗೆದುಕೊಳ್ಳಬೇಕು. ದಿನನಿತ್ಯ ಕನಿಷ್ಠ 6-7 ಗಂಟೆಗಳ ಕಾಲ ನಿದ್ರೆ ಮಾಡಿರಿ. ಒತ್ತಡಕ್ಕೀಡಾಗ ಬೇಡಿ. ಹಾಗೂ ಅಗತ್ಯ ನೀರನ್ನು ಸೇವಿಸಿ.
KPSC ಗ್ರೂಪ್‌ ಸಿ ತಾಂತ್ರಿಕೇತರ ಹುದ್ದೆಗಳ ಆನ್‌ಲೈನ್‌ ಅರ್ಜಿಗೆ ಲಿಂಕ್‌ ಬಿಡುಗಡೆ