ದಿನಚರಿಯನ್ನು ಪಟ್ಟಿ ಮಾಡಿ
ಮಕ್ಕಳು ಆನ್ಲೈನ್ ಶಿಕ್ಷಣ ಪಡೆಯುವಾಗ ಕೆಲವು ಗೊಂದಲಗಳು ಹಾಗೂ ದಿನಚರಿಯ ಬದಲಾವಣೆಗಳು ಮಕ್ಕಳ ಮನೋಭಾವದಲ್ಲಿ ಬದಲಾವಣೆಯನ್ನು ಉಂಟುಮಾಡುತ್ತದೆ. ಮಕ್ಕಳ ವಿದ್ಯಾಭ್ಯಾಸ ಸೂಕ್ತ ರೀತಿಯಲ್ಲಿ ನಡೆಯಬೇಕು ಎಂದರೆ ಕೆಲವು ಕ್ರಮಗಳು ಅತ್ಯಗತ್ಯವಾಗಿರುತ್ತದೆ. ಅದಕ್ಕಾಗಿ ಮೊದಲು ಮಕ್ಕಳ ದಿನಚರಿ ಹಾಗೂ ಚಟುವಟಿಕೆಗಳನ್ನು ಕ್ರಮಬದ್ಧಗೊಳಿಸಬೇಕು. ಅಂದರೆ ಮುಂಜಾನೆ ಎದ್ದ ನಂತರ ತಿಂಡಿಯ ಸಮಯ, ತರಗತಿಯನ್ನು ಪಡೆದುಕೊಳ್ಳುವ ಸಮಯ, ಆಡುವ ಸಮಯ, ವಿಶ್ರಾಂತಿ ಸಮಯ ಹಾಗೂ ಶೈಕ್ಷಣಿಕ ವಿಷಗಳನ್ನು ಪುನರಾವರ್ತಿಸುವುದು ಸೇರಿದಂತೆ ಇನ್ನಿತರ ಚಟುವಟಿಕೆಗಳಿಗೂ ಸೂಕ್ತ ಸಮಯವನ್ನು ನಿಯೋಜಿಸಬೇಕು. ಆಗ ಮಕ್ಕಳು ವಿಷಯದಲ್ಲಿ ಆಸಕ್ತಿ ಹಾಗೂ ಉತ್ತಮ ಕಲಿಕೆಯ ಪ್ರವೃತ್ತಿಯನ್ನು ತೋರುವರು.
ಶಾಲಾ ಮಕ್ಕಳಿಗೆ ಆನ್ಲೈನ್ ಶಿಕ್ಷಣ; ಪೋಷಕರು ಕೈಗೊಳ್ಳಬೇಕಾದ ಅಗತ್ಯ ಕ್ರಮಗಳಿವು..
ಮುಕ್ತ ಸಂಭಾಷಣೆ ನಡೆಸಿ
ಮಕ್ಕಳಿಗೆ ವಿಶೇಷ ವಿಷಯಗಳನ್ನು ಅಥವಾ ಅವರ ಆಸಕ್ತಿದಾಯಕ ವಿಷಯಗಳ ಬಗ್ಗೆ ಪ್ರಶ್ನೆ ಕೇಳುವುದು, ಅದರ ವಿವರಣೆ ನೀಡುವುದು ಅಥವಾ ಅವುಗಳ ಬಗ್ಗೆ ಚರ್ಚೆ ನಡೆಸುವುದು ಮಾಡಿ. ಇದರಿಂದ ಮಕ್ಕಳು ನಿಮ್ಮೊಂದಿಗೆ ಬೆರೆಯುವುದರ ಜೊತೆಗೆ ವಿಭಿನ್ನ ಚಿಂತನೆಗಳನ್ನು ಹೊರಹಾಕುವರು. ಮಕ್ಕಳು ತಮ್ಮ ಸಮಸ್ಯೆ ಹಾಗೂ ಗೊಂದಲವನ್ನು ನಿಮ್ಮೊಂದಿಗೆ ಹೇಳಿಕೊಳ್ಳಲು ಹಿಂದೇಟು ಹಾಕುವುದನ್ನು ತಪ್ಪಿಸುವರು. ರೇಖಾಚಿತ್ರ, ಕಥೆಗಳು, ಸಣ್ಣ ಪುಟ್ಟ ವೈಜ್ಞಾನಿಕ ಚಟುವಟಿಕೆಗಳನ್ನು ನೀಡುವುದು ಹಾಗೂ ಅವುಗಳ ಬಗ್ಗೆ ಮಾತನಾಡಲು ಸ್ವಲ್ಪ ಅವಕಾಶ ನೀಡಿ. ಮಕ್ಕಳ ಭಾವನೆಗಳಿಗೆ ಸ್ಪಂದನೆ ಹಾಗೂ ಕಾಳಜಿ ತೋರುವುದರಿಂದ ಮಕ್ಕಳು ತಮ್ಮ ನಡವಳಿಕೆ ಹಾಗೂ ಕಲಿಕೆಯಲ್ಲಿ ಗಮನಾರ್ಹ ಬದಲಾವಣೆಯನ್ನು ಕಂಡುಕೊಳ್ಳುವರು.
ವಿದ್ಯಾರ್ಥಿಗಳೇ ಆನ್ಲೈನ್ ತರಗತಿಗಳಿಗೆ ಸಿದ್ಧತೆ ಹೀಗಿರಲಿ..
ನಿಮ್ಮದೇ ಆದ ಸಮಯವನ್ನು ತೆಗೆದುಕೊಳ್ಳಿ
ಮಕ್ಕಳು ಶಿಕ್ಷಣ ಪಡೆಯಲು ದೀರ್ಘಸಮಯವನ್ನು ಆಯೋಜಿಸಬಾರದು. 30 ರಿಂದ 45 ನಿಮಿಷಗಳ ಸಣ್ಣ ಸಮಯದ ಕಲಿಕೆಯನ್ನು ಪ್ರೋತ್ಸಾಹಿಸಿ. ಇದು ಮಕ್ಕಳಿಗೆ ದೀರ್ಘ ಕಲಿಕೆಗೆ ಪ್ರೋತ್ಸಾಹ ನೀಡುವುದು. ಆನ್ಲೈನ್ ಚಟುವಟಿಕೆಯ ಜೊತೆಗೆ ಕೆಲವು ಸಣ್ಣ ಚಟುವಟಿಕೆಗಳನ್ನು ಕೈಗೊಳ್ಳಿ. ಅದು ಮಕ್ಕಳಿಗೆ ಕ್ರಿಯಾಶೀಲತೆ ಹಾಗೂ ಓದಿನಲ್ಲಿ ಆಸಕ್ತಿಯನ್ನು ಹೆಚ್ಚಿಸುವುದು.
ಲಾಕ್ಡೌನ್ ಸಮಯದಲ್ಲಿ ಯಶಸ್ವಿ ಆನ್ಲೈನ್ ಟೀಚಿಂಗ್ಗಾಗಿ ಇಲ್ಲಿವೆ ಅತ್ಯುತ್ತಮ ಸಲಹೆಗಳು
ಆನ್ಲೈನ್ ನಿಂದ ಮಕ್ಕಳನ್ನು ರಕ್ಷಿಸಿ
ಡಿಜಿಟಲ್ ವೇದಿಕೆಯು ಮಕ್ಕಳಿಗೆ ಕಲಿಕೆ, ಆಟ ಹಾಗೂ ಸ್ನೇಹಿತರೊಂದಿಗೆ ಸಂಪರ್ಕದಲ್ಲಿ ಇರಲು ವ್ಯಾಪಕವಾದ ಅವಕಾಶವನ್ನು ನೀಡುತ್ತದೆ. ಇದು ಧನಾತ್ಮಕ ವಿಷಯಗಳ ಜೊತೆಗೆ ಋಣಾತ್ಮಕ ಪರಿಣಾಮವನ್ನು ಸಹ ಉಂಟುಮಾಡುವುದು. ಮಕ್ಕಳು ಇಂಟರ್ನೆಟ್ ಬಳಕೆಯಿಂದ ಕೆಲವು ಅನುಚಿತ ಸಂಗತಿಗಳನ್ನು ನೋಡುವುದು ಹಾಗೂ ಗೌಪ್ಯತೆಯನ್ನು ಕಾಯ್ದುಕೊಳ್ಳುವ ಸಾಧ್ಯತೆಗಳು ಹೆಚ್ಚಾಗಿರುತ್ತವೆ. ಅವು ಮಕ್ಕಳ ಮಾನಸಿಕ ಚಿಂತನೆಗಳ ಮೇಲೆ ಗಂಭೀರವಾದ ಪ್ರಭಾವ ಬೀರುವುದು. ಅಲ್ಲದೆ ಮಕ್ಕಳ ವರ್ತನೆಗಳಲ್ಲಿ ಬದಲಾವಣೆ ಉಂಟಾಗಬಹುದು. ಹಾಗಾಗಿ ಮಕ್ಕಳಿಗೆ ಶಿಕ್ಷಣ ಹಾಗೂ ಮನರಂಜನೆಯನ್ನು ನೀಡುವಂತಹ ಕಾರ್ಯಕ್ರಮಗಳನ್ನು ನೋಡಲು ಪ್ರೋತ್ಸಾಹಿಸಿ. ಆದರೆ ಅವರ ವಯಸ್ಸಿಗೆ ಅನಗತ್ಯವಾದ ಶಿಕ್ಷಣ, ವಿಡಿಯೋ ಅಥವಾ ಚಟುವಟಿಕಾ ಕ್ರಮಗಳಿಂದ ದೂರ ಉಳಿಯುವಂತೆ ಪಾಲಕರು ನೋಡಿಕೊಳ್ಳಬೇಕಾಗುವುದು.
ಮಕ್ಕಳ ಶಿಕ್ಷಣ ಪೂರೈಕೆಯಲ್ಲಿ ಸಂಪರ್ಕದಲ್ಲಿ ಇರಿ
ಮಕ್ಕಳ ಆಗು ಹೋಗುಗಳ ಬಗ್ಗೆ ಪಾಲಕರು ಸೂಕ್ತ ಚಿಂತನೆ ಹಾಗೂ ಕ್ರಮವನ್ನು ಕೈಗೊಳ್ಳಬೇಕು. ಮಕ್ಕಳು ಕೇಳುವ ಪ್ರಶ್ನೆಗಳಿಗೆ ಸೂಕ್ತ ಉತ್ತರ ನೀಡಲು ಹಾಗೂ ಎಷ್ಟು ಶಿಕ್ಷಣ ಹಾಗೂ ಅರಿವು ಮಗುವಿಗೆ ಮುಖ್ಯ ಎನ್ನುವುದನ್ನು ತಿಳಿಯಲು ಶಿಕ್ಷಕರೊಂದಿಗೆ ಸಂಪರ್ಕದಲ್ಲಿ ಇರಬೇಕು. ಮನೆಯಲ್ಲಿಯೇ ಮಕ್ಕಳು ಶಿಕ್ಷಣ ಪಡೆಯುತ್ತಿರುವುದರಿಂದ ಪೋಷಕರು ತಮ್ಮ ಒಂದು ಗುಂಪುಗಳನ್ನು ಮಾಡಿ ಸಮುದಾಯ, ಮಕ್ಕಳ ಶಿಕ್ಷಣದ ಅನುಕೂಲತೆ ಹಾಗೂ ಅನಾನುಕೂಲತೆಯ ಬಗ್ಗೆ ಪರಸ್ಪರ ಬೆಂಬಲ ಹಾಗೂ ಅಭಿಪ್ರಾಯ ಸೂಚಿಸಲು ಸಹಾಯವಾಗುತ್ತದೆ. ಜೊತೆಗೆ ಮಕ್ಕಳ ಶಿಕ್ಷಣದ ಬಗ್ಗೆ ಪೋಷಕರಿಗೂ ಒಂದು ನಿರ್ದಿಷ್ಟ ಕಲ್ಪನೆಗಳು ದೊರೆಯುವುದು.