ಓದುವ ಆಸಕ್ತಿ ಕುಗ್ಗಲು, ಫೋಕಸ್ ಕಡಿಮೆ ಆಗಲು ಕಾರಣವಾಗುವ ಹವ್ಯಾಸಗಳಿವು..

ಇಂದು ಸ್ಪರ್ಧಾತ್ಮಕ ಜಗತ್ತು ತುಂಬಾ ವಿಸ್ತಾರಗೊಂಡಿದೆ. ಡಿ ಗ್ರೂಪ್‌ ನೌಕರಿಯಿಂದ ಹಿಡಿದು ಕೆಎಎಸ್‌ ಮತ್ತು ಐಎಎಸ್‌ ನಂತಹ ಉನ್ನತ ಹುದ್ದೆಗಳ ವರೆಗೂ ಶ್ರಮದಿಂದ ಓದುವವರ ಸಂಖ್ಯೆ ಹೆಚ್ಚಾಗಿದೆ. ಯಾವುದೇ ಸ್ಪರ್ಧಾತ್ಮಕ ಪರೀಕ್ಷೆ ಪಾಸ್‌ ಮಾಡಲು, ಯಾವುದೇ ದರ್ಜೆಯ ಸರ್ಕಾರಿ ನೌಕರಿ ಗಿಟ್ಟಿಸಲು ಯಾವುದೇ ಸುಲಭದಾರಿಗಳಿಲ್ಲ. ಆದ್ದರಿಂದ ಕಠಿಣ ಪರಿಶ್ರಮ ವಹಿಸಿ ಹಗಲು ಇರುಳು ಲೆಕ್ಕಿಸದೇ ಓದುವವರು ಇದ್ದಾರೆ.

ಕೆಲವು ವಿದ್ಯಾರ್ಥಿಗಳಿಗೆ, ಅಭ್ಯರ್ಥಿಗಳಿಗೆ ಓದಲು ಕುಳಿತರೆ ಗಮನ ಕೇಂದ್ರೀಕರಿಸಲು ಆಗದ ಸಮಸ್ಯೆಗಳು ಕಾಡುತ್ತವೆ. ಆದರೆ ಅವರಿಗೆ ತಿಳಿಯದ ಹಲವು ಹವ್ಯಾಸಗಳು, ಅವುಗಳನ್ನು ಅತಿಯಾಗಿ ಮಾಡುವುದು ಓದುವ ಆಸಕ್ತಿಯನ್ನು ಕುಗ್ಗಿಸುತ್ತವೆ. ಗಮನವನ್ನು ವಿಕೇಂದ್ರಿಕರಿಸುತ್ತವೆ. ಹಾಗಿದ್ರೆ ಅಂತಹ ದುರಾಭ್ಯಾಸಗಳು, ಹವ್ಯಾಸಗಳು ಯಾವುವು ಎಂದು ಈ ಕೆಳಗಿನಂತೆ ತಿಳಿಯೋಣ ಬನ್ನಿರಿ.

ಓದುವ ಆಸಕ್ತಿ ಕುಗ್ಗಿಸುವ, ಓದುವ ಗಮನ ವಿಕೇಂದ್ರಿಕರಿಸುವ ಹವ್ಯಾಸಗಳಿವುವು..

- ಅತಿಯಾಗಿ ಅಲೋಚನೆ ಮಾಡುವುದು.

- ಅನಗತ್ಯ ವಿಡಿಯೋಗಳನ್ನು ಹೆಚ್ಚು ನೋಡುವುದು. ವೈರಲ್‌ ವಿಡಿಯೋಗಳನ್ನು ನೋಡುವ ಹವ್ಯಾಸಗಳು ಇರಬಹುದು.

- ಯಾರನ್ನೇ ಆದರೂ ಸುಲಭವಾಗಿ ನಂಬುವುದು.

- ಸಾಮಾಜಿಕ ಜಾಲತಾಣದ ಬಗ್ಗೆ ಅತಿಯಾದ ಆಕರ್ಷಣೆ ಹೊಂದುವುದು.

- ಧೂಮ್ರಪಾನ ಮತ್ತು ಮದ್ಯಪಾನದ ಗೀಳು.

- ಪದೇ ಪದೇ ಫೋನ್‌ ಚೆಕ್‌ ಮಾಡುವುದು.

- ಅತಿಯಾಗಿ ಕಾಫಿ, ಟೀ ಕುಡಿಯುವುದು.

- ನೋಡಿದ ಎಲ್ಲರನ್ನು, ಎಲ್ಲರ ಬಗ್ಗೆ ಆಕರ್ಷಣೆ ಹೊಂದುವುದು.

- ಫಾಸ್ಟ್‌ ಫುಡ್‌ ಅನ್ನು ಹೆಚ್ಚು ಸೇವಿಸುವುದು.

- ದೇಹಕ್ಕೆ ಅಗತ್ಯ ನೀರನ್ನು ಕುಡಿಯದಿರುವುದು.

- ನಾಳೆಗೆ ನೋಡಿಕೊಳ್ಳೋಣ ಎಂದು ಸದಾ ಮುಂದೂಡುವ ಪ್ರವೃತ್ತಿಗಳು.

ಈ ಮೇಲಿನ ಹ್ಯಾಬಿಟ್‌ಗಳು ಎಂತಹ ಬುದ್ಧಿವಂತರಿಗೆ ಆದರೂ ಓದುವ ಕಡೆಗಿನ ಫೋಕಸ್‌ ಅನ್ನು ಕಡಿಮೆಗೊಳಿಸುತ್ತವೆ.

ಯಶಸ್ವಿ ವಿದ್ಯಾರ್ಥಿಗಳ ಅಧ್ಯಯನ ಕ್ರಮಗಳು ಹೇಗಿರುತ್ತವೆ ಗೊತ್ತೇ?

ಬೇಸರಗೊಂಡಾಗ, ನಿರಾಸೆ ಉಂಟಾದಾಗ ಮ್ಯೂಸಿಕ್‌ ಕೇಳುವುದು, ಅಗತ್ಯವಾದ ನೀರನ್ನು ಸೇವಿಸುವುದು, ಸ್ನೇಹಿತರೊಂದಿಗೆ ಸಮಯ ಕಳೆಯುವುದು, ಸಕಾರಾತ್ಮಕ ವಿಷಯಗಳು ಮತ್ತು ಓದುವ ಚಟುವಟಿಕೆ ಕುರಿತು ಮಾತನಾಡುವ ಮೂಲಕ ಓದುವ ಆಸಕ್ತಿ ಹೆಚ್ಚಿಸಿಕೊಳ್ಳಬೇಕು.

ಆನ್‌ಲೈನ್ ಕೋರ್ಸ್‌ ತೆಗೆದುಕೊಳ್ಳುವುದರ ಅನುಕೂಲಗಳೇನು?

ರಾತ್ರಿ ಅಧ್ಯಯನ ಹೇಗೆ?

ರಾತ್ರಿ ವೇಳೆ ಕಲಿಕಾ ಚಟುವಟಿಕೆಗಳು ಇದ್ದಲ್ಲಿ, ಏಸಿ ಆಫ್‌ ಮಾಡಿ. ನಿದ್ರೆಗೆಡಲು ಮತ್ತೊಂದು ಟಿಪ್ಸ್‌ ಎಂದರೆ ಚಾಕೋಲೇಟ್‌ ಅಗಿಯುವುದು. ಇದರಿಂದ ಮರೆತ ವಿಷಯಗಳನ್ನು ನೆನಪು ಮಾಡಿಕೊಳ್ಳಲು ಸಹಾಯವಾಗುತ್ತದೆ. ಇದನ್ನು ಸಂಶೋಧನೆಗಳೇ ದೃಢಪಡಿಸಿವೆ. ಹೊಸ ಪುಸ್ತಕಗಳ ಬದಲಾಗಿ, ಇತರರು ಓದಿದ ಹಳೆ ಪುಸ್ತಕಗಳನ್ನು ಬಳಸಿ. ಇದರಿಂದ ಕೆಲವು ಹೈಲೈಟ್ ಪಾಯಿಂಟ್ಸ್‌ಗಳು ಸಿಗುತ್ತದೆ. ಇ-ಬುಕ್‌ ಬಳಸಬೇಡಿ. ಹಾರ್ಡ್‌ ಕಾಪಿ ಪುಸ್ತಕಗಳನ್ನು ಮಾತ್ರ ಬಳಸಿ.