ಇಂತಹದೊಂದು ಪ್ರಶ್ನೆಯನ್ನು ವಿಜಯ ಕರ್ನಾಟಕ'ಕ್ಕೆ ಹಲವು ವಿದ್ಯಾರ್ಥಿಗಳು, ಸ್ಪರ್ಧಾತ್ಮಕ ಪರೀಕ್ಷೆಗೆ ಓದುವವರು ಕೇಳಿದ್ದರು. ಇಂತಹ ಪ್ರಶ್ನೆಯನ್ನು ಸ್ವೀಕರಿಸಿ ನಮಗೂ ಸಂತೋಷವಾಗಿದೆ. ಈ ಪ್ರಶ್ನೆಗೆ ನೀಡುವ ಉತ್ತರ ನಿಮಗೆ ಮಾತ್ರವಲ್ಲದೇ ಇತರೆ ಓದುಗರಿಗೂ ಸಹಾಯವಾಗಲಿದೆ.

ಈ ಕೆಳಗಿನ ಎರಡು ಪ್ರಶ್ನೆಗಳಿಗೆ ಮೊದಲು ವ್ಯತ್ಯಾಸ ತಿಳಿಯಿರಿ.

1. ನಾನು ಹೇಗೆ ಓದಬೇಕು?

2. ನಾನು ಏಕೆ ಓದಬೇಕು?

ಈ ಎರಡು ಪ್ರಶ್ನೆಗಳನ್ನು ಇನ್ನೂ ಸಹ ನಿಮಗೆ ನೀವು ಕೇಳಿಕೊಳ್ಳದೇ ಇದ್ದಲ್ಲಿ ಈಗ ಕೇಳಿಕೊಳ್ಳಿ.

ಮೊದಲ ಪ್ರಶ್ನೆ ಸೃಜನಶೀಲವಾದುದು, ಭಾವೋದ್ರಿಕ್ತ, ಕ್ರಿಯಾತ್ಮಕ ಮತ್ತು ಜೀವನ ತುಂಬಿಬರುವ ಹಾಗಿದೆ ಅಲ್ಲವೇ?...

ನಿಮಗೆ ಗೊತ್ತಿರುವ ಸಂಗತಿ ಎಂದರೆ ಉತ್ತಮವಾಗಿ ಓದುವುದರಿಂದ ತಮ್ಮ ಕುಟುಂಬದಲ್ಲಿ, ಗೆಳೆಯರ ಬಳಗದಲ್ಲಿ, ಶಿಕ್ಷಕರಿಂದ ಗುರುತಿಸಿಕೊಳ್ಳುತ್ತೀರಿ. ಶ್ಲಾಘಿಸಿಕೊಳ್ಳುತ್ತೀರಿ. ಜಿಲ್ಲೆ, ರಾಜ್ಯದ ಟಾಪರ್‌ಗಳಾದಲ್ಲಿ ಇನ್ನೂ ಹೆಚ್ಚು ಪ್ರಖ್ಯಾತಿ ಸಿಗುತ್ತದೆ.

ನೆನಪಿಡಬೇಕಾದ ಸಂಗತಿ ಎಂದರೆ ದಿನನಿತ್ಯ ಅಧ್ಯಯನ ಮಾಡುವುದು ಒಂದು ರೀತಿ ದಿನನಿತ್ಯ ವ್ಯಾಯಾಮ ಮಾಡಿದ ಹಾಗೆಯೇ. ಡೈಲಿ ವ್ಯಾಯಾಮ ಮಾಡುವುದರಿಂದ ದೈಹಿಕ ಸಾಮರ್ಥ್ಯ ಹೆಚ್ಚುತ್ತದೆ. ದಕ್ಷತೆ ಹೆಚ್ಚಾಗುತ್ತದೆ. ಹಾಗೆಯೇ ದಿನನಿತ್ಯ ಓದುವುದರಿಂದ ನೆನಪಿನ ಶಕ್ತಿ, ಓದಿನ ಏಕಾಗ್ರತೆ ಹೆಚ್ಚಾಗುತ್ತದೆ.

ಯಶಸ್ವಿ ಮತ್ತು ಉತ್ತಮ ಶಿಕ್ಷಕರ ಟಾಪ್‌ ಗುಣಲಕ್ಷಣಗಳು ಯಾವುವು ಗೊತ್ತೇ?

ರೆಗ್ಯುಲರ್‌ ಅಗಿ ಈ ಕೆಳಗಿನ ನಿಯಮಗಳನ್ನು ಪಾಲಿಸಿ

- ಬೆಳಿಗ್ಗೆ ಓದಿದ ಮಾಹಿತಿಗಳನ್ನು, ರಾತ್ರಿ ಮಲಗುವ ಮುನ್ನ ಪುನರಾವರ್ತನೆ ಮಾಡಿ. ದೀರ್ಘಕಾಲ ನಿಮ್ಮ ನೆನಪಿನಲ್ಲಿ ಈ ಮಾಹಿತಿಗಳು ಉಳಿಯುತ್ತವೆ.

- ಓದಲು ಆರಂಭಿಸಲು - ಚೇರಿನ ಮೇಲೆ ಆರಾಮವಾಗಿ ಒಂದು ನೋಟ್‌ಪ್ಯಾಡ್‌ ಹಿಡಿದು ಕುಳಿತುಕೊಳ್ಳಿ. ದಿನನಿತ್ಯ ಓದಲು ಯಾವ ಸಮಯ ನಿಮಗೆ ಸೂಕ್ತ ಎಂಬುದನ್ನು ನಿಮ್ಮ ದಿನಚರಿಗಳನ್ನು ಆಧರಿಸಿ ಅಲೋಚಿಸಿ.

- ನಂತರ ನೋಟ್‌ಪ್ಯಾಡ್‌ನಲ್ಲಿ ನೀವು ಓದಬೇಕಾದ ಸಬ್ಜೆಕ್ಟ್‌ಗಳು ಮತ್ತು ಅವುಗಳಿಗೆ ನೀಡುವ ಸಮಯವನ್ನು ಬರೆಯಿರಿ. ಆಯಾ ವಿಷಯದ ಮುಂದೆ ನೀಡಬೇಕಾದ ಸಮಯವನ್ನು ಬರೆಯಿರಿ.

- ಪ್ರತಿಯೊಂದು ವಿಷಯಗಳಿಗೆ ಮೊದಲ ಮೂರು ದಿನಗಳವರೆಗೆ 15 ನಿಮಿಷ ಮಾತ್ರ ಮೀಸಲಿಡಿ. ನಂತರ ಸಮಯವನ್ನು ಹೆಚ್ಚಿಸಿ.

- ಶೀಘ್ರವಾಗಿ ಅರ್ಥೈಸಿಕೊಳ್ಳುವಿಕೆ ಮತ್ತು ಓದಲು ನಿಮಗೆ ಸಿಗುತ್ತಿರುವ ತಾಳ್ಮೆ ಬಗ್ಗೆ ತಿಳಿಯುತ್ತೀರಿ.

ಈ ಮೇಲಿನ ಚಟುವಟಿಕೆಗಳು ತುಂಬಾ ಕಠಿಣವಾಗೆನಿಲ್ಲ. ಒಮ್ಮೆ ಆರಂಭಿಸಿದಲ್ಲಿ ಎಲ್ಲರಿಗೂ ಸುಲಭ.

ಯಾವುದಾದರೂ ವಿಷಯ ತುಂಬಾ ಕಠಿಣ ಎನಿಸಿದಲ್ಲಿ ಸ್ನೇಹಿತರ ಸಹಾಯ ಪಡೆದುಕೊಳ್ಳಿ. ಅವರಿಂದಲೂ ಬಗೆಹರಿಸಲಾಗುವುದಿಲ್ಲ ಎಂದಲ್ಲಿ ನಿಮ್ಮ ಶಿಕ್ಷಕರ ಬಳಿಯೇ ಸಲಹೆ ಕೇಳಿರಿ.

ದೂರ ಶಿಕ್ಷಣದ ಇತಿಹಾಸ ಮತ್ತು ಉಪಯೋಗಗಳು ಏನು ಇಲ್ಲಿ ತಿಳಿಯಿರಿ..